有無遇過narcissist自戀型人格？

過埋聽日就完啦
大家老死不相往來
keep住打咁多其實我都係有唔捨得
如果你返返嚟撩返我 認返錯 我好驚自己會忍唔住繼續犯賤

佢地唔會好好反思自己問題
你諗都唔洗諗

好嘔心呀 唔係以為著得暴露啲 我就會主動搵你呀嘛？
真係好撚cheap 依家先認清你係一個attention whore

so everything comes to an end

我都struggle緊呢樣野 佢不斷曲解我 將d野扭曲成我有情緒問題
我真係好想好想可以講得佢明 我好難接受 無論我點解釋 佢都唔會理解我 呢個事實
扮瞓既人係叫唔醒

第一個禮拜

有少少上心啦

就係上心先開po姐
事實就係 一開始扮到我中意個款 等我上釣
然後就慢慢露出真面目 ''睇下你居然會中意我''

我開左呢個post就見到呢個post

重拾自尊，活出真我
https://lih.kg/3449246
- 分享自 LIHKG 討論區

想分手嘅心路歷程真係幾得意，我記得嗰一晚係同佢去西九龍文化區拍拖，同佢講嘢嘅時候我覺得好有壓迫感，生怕講錯咗啲乜嘢又要俾佢鬧（佢已經去到不停批評伴侶個stage)

而我自己好鍾意影相嘅，個時見到有一個海邊位置坐住一對情侶一齊擔住一把透明遮，我覺得個畫面好靚好有愛，所以我就影低左，笑到成個小朋友咁。之後我就喺度諗：明明我可以開開心心，點解我要同你搞到日日都係唔開心，咁卑微

就係嗰時開始有分手嘅決心

放下啦

out of sight out of mind

提出分手 佢咩反應？
有無拉拉扯扯 糾纏

冇呀，我用電話同佢講，佢有問我點解

咁順攤...
講多啲佢點樣npd?

希望天有眼，NPD既人要孤獨終老

佢會吹水，話自己好多野都睇過聽過，會暗地裏批評我影相既心態，鬧交佢會冷暴力我，見面好似求佢咁，從來唔會為我去改變
同佢一齊你會覺得自己好冇自尊，總之你就係佢嘅附屬品

拍咗幾耐開始露出真面目？
你話佢 佢會有咩反應？

大約兩星期左右喇，不過都差唔多，同佢見面第一日佢已經問我中唔中意佢，最後有錫一齊訓（ahhhhh so sweet)係好快，我知，可能我同佢都不甘寂寞吧

我又冇話佢，我自己都有toxic既地方既其實，我會自己收埋，自己思考唔太講出嚟嘅，同埋我本身都好忍得，所以我知有問題但冇講出嚟

有時係自己身上有啲特質 先會吸引到佢哋
你哋係點開始架？

我同佢係tinder識既，大家都鍾意影相，我睇過佢一張佢影嘅相我就已經深深俾佢吸引住，大家都係鍾意藝術，我欣賞佢嘅知性，智慧，佢欣賞我嘅堅強，內心嘅強大
而且我地都中意旅居流浪，佢都好鍾意聽我喺香港成為露宿者嘅故事

之後我記得嗰一晚，我哋喺銅鑼灣遊艇會嗰邊吹住海風傾住計傾到一點幾，佢話佢冇車返去咁我就叫佢去我屋企，大家分開沖完涼之後我就幫佢梳頭吹頭，之後就瞓覺，然之後佢問我我鍾唔鍾意佢？我想唔想錫佢？大佬，我堂堂男人，有個年輕版邱淑貞就係瞓喺我隔離，我忍佢我仲係男人？之後我哋就係咁樣開始左

不過分咗手之後我自己反思，佢講有幾多成係真我都好懷疑

嗰種人見到都要掉頭走
莫講話做咩朋友之類

表面睇唔到的

俾人話我係同人地相處有潔癖 係咪因為自戀？？可以點樣改善？