情況嚴重到我一連兩日都撻唔著。我諗緊係唔係關個車cam插長火，扯乾左電池事，雖然有睡眠模式，聲稱就話停車就待機用好少電，但我都係第兩日索性掹走車cam電線，唔用。
之後我揸車行左半個鐘諗住叉下電，又冇用車cam，應該夠電啦，泊低架車熄匙，再即刻撻車都係撻唔著。
心知電池壞左嗱，就走去換電池！換完電池就即刻正常撻著車，冇事嗱。但我唔敢插返車cam ，怕又扯壞電池，所以想換返匙火算。
換電池時，車房師傅問我用車習慣，我話平時我為左等人，會係車入面等2，3個鐘做自己嘢。當然冇開冷氣冇著電，諗住咁樣係車入面坐幾耐都冇事啦！
點知師傅話就算我咩都開齋坐係車，都會令到架車因為感應到有人坐係車入面而運作一啲感應器等等，一樣會扯乾舊電，建議我一定要離開架車，要鎖車及車cam 插匙火先唔會再發生扯乾電既情況。
之後我去搵車cam師傅換返匙火既時候講返上述嘅情況，佢就話就算人坐喺車度，只要冇開冷氣冇開電坐幾耐都可以。
兩個師傅唔同講法，所以想問一問各位師兄邊個嘅講法比較正確呢？
謝謝各位師兄，花費時間閱讀我嘅問題！感激
係咪擺行李落座椅上又會扯乾舊電？