【又濕又熱】經典男裝討論（53）【皮鞋、西裝、皮件、配飾】

唔夠錢玩，唔好踩人，諗下點樣搵多d錢再享受。
係呀, 呢度d 大佬係屋企有米。你點踩都改善唔到自己生活

其實我一直都係倡議不論讚彈都應該有圖，我諗post 1已表達得好清楚。

其實各位巴打如果唔係行內人，會係點樣發掘新鋪？
咁多年黎造開一間無咩唔滿意所以一直都係幫襯返佢地，有時想試下新野但話哂都至少幾千一萬，真係好驚洗完錢中伏

雖說唔係好關西裝事、但我相信



新買對jm好正

同




比睇既人既感覺係有一定分別的



希望大家可以多d分享啦

其實講做衫，我一直到2016前都非行內人，但大概2010-2011左右已開始做衫，都係逐間試逐間夾，夾唔到咪下一間。莫講話一萬幾千等一 兩個月，洗三幾萬等兩三年做套衫或做對鞋我都有試過出黎炒車，就算出名如Corcos（如今已成朋友），都試過將我套衫做到細左兩個碼咁（等左兩年，2015落單），炒左咪重做囉，我自己唔會將件事化到咁大。

都係衫一套，裁縫都係人一個，再勁既鋪都有炒車既時候，炒左咪搵方法彌補同解決，最少我唔覺得係一件咁大既事，亦唔覺得擺上網鬧對我自身有咩好處。

BT我前後都造過3套
頭兩套都好多年前做 而家睇番不堪入目
係第3套先開始叫做靚仔
可能要啲時間磨合啦 又或者係我果陣開始做多左衫所以表達要求方面叻仔左

搭單又講下有次行老銅見到間dynasty
拍哂烏蠅既
無聊入去望兩眼見識下
個老闆以為我白紙 講野勁串柒柒咁
仲要勁長氣 講極都未完
後尾見到我想就走先突然轉態度扮死狗扮有禮貌
純料笑料一單 真係咩人都有

利申：冇圖

你分享我又分享吓先
最近買咗件麻孖襟


正反兩面 呢件係6開身去造嘅 背後雙叉


內裏係quarter lining 有包骨做修邊



聲稱係unconstructed jacket 但係喺胸入面係有塊撲嘅 而撲同胸口棉布之間亦都見到有好幼嘅線輕輕連住 (真係好疏同幼 伸手入去時好似整斷咗幾條）但件褸個胸落都唔會好塌 可能係新著冇耐 著耐咗就知有冇力去維持個形


䄂口真扣眼


Lapel 珠邊 （睇落似機做珠邊）同領扣眼 （可惜嘅係冇開到真扣眼 要自己拎去整）


膊頭上袖用恤衫膊 冇肩墊所以成個膊形狀會跟你個人嘅膊走

大緻上係咁
著上身因為本身重磅麻關係所以drape 得幾好
我略嚴佢水桶咗啲 但買現成嘢就係咁
我覺得casual 嘢嚟講
呢件好抵玩嘅價錢下佢係交足功課

分享呢件嘢主因係認同forum 係要多啲人post嘢上嚟 不論平貴好醜都可以俾多啲人睇吓 靚嘅睇吓靚喺邊 柒嘅都睇吓柒邊去擴闊個見識

二來想分享吓西裝內裏嘅結構
有時啲入剔巴打可能唔明撲呀 胸棉呀係啲咩
有埋相會容易啲理解 （我入門時真係唔知係乜 又唔會左摷右摷件褸去睇）

最後 希望多啲相同唔好相認啦

都係睇呢啲有益

講咁耐都冇人出圖

我就只係喺BT做過一件，雖然成品同想像有落差（唔排除係溝通問題），但都收貨嘅

咁本身會係咩渠道認識到新鋪? 西裝鋪全部都係樓上鋪平時又唔會見到, IG落重廣告果幾間反而又大伏

依件算造得唔錯

Dream bespoke係因為本身網上識佢地老細Ricky哥同埋魚蛋巴力薦；W.W.Chan係因為朋友推薦；Corcos係當時網友有預約到帶埋我去（在此之前有show俾我睇佢啲野）；Yuki Inoue係一個大阪啊叔朋友推介（當時我已入行，個啊叔係Ann bespoke度識），叫我試下如果覺得好就幫佢搞下啲Trunk show之類；Fumiya Hirano就都係朋友介紹外加大家岩傾（都好耐之前）。等等等等。

其實我用既裁縫同鞋匠好多時都係朋友介紹或朋友帶，我個挨豬explorer 係無乜男裝相關野，平時亦無咁得閒周圍碌。