【又濕又熱】經典男裝討論（53）【皮鞋、西裝、皮件、配飾】

尼龍袋其實本身已經好襟污糟，唔索水唔索油又容易清潔，你擔心上邊啲print 甩色好過諗噴咩啦

唔該曬師兄

消費者有權作佢自己的選擇，好難說對錯，但種甚麼因，收甚麼果，以後買嘢前沒有得睇，沒有得試，也要無奈接受了

咁香港營運成本高，咪會貴囉，有乜咁出奇?
日本買皮鞋仲貴過香港，咁日本啲鋪又當自己同胞係傻仔?
你過咗深圳河去買斤菜平一半都唔只呀，咁係香港買就係傻?
生意的事，自有「供求平衡」，你找到平嘅，適合你嘅，你咪去買囉，不過不用覺得所有香港的鋪頭在謀取暴利。
咁香港有無鋪頭當客係傻仔?咁當然都有，我就去過某店，個靚女店員比對明顯唔啱size的鞋我，然後同我講break in咗就會ok架啦!
你無我個size咪算囉，咁水個客就真係當客係傻仔

Danner應該係隔籬牛仔post的範圍，不過簡單答，Danner硬過鬼，我就不存希望了。

我其實唔知個位清講邊間鋪，但我求其比對alden 660https://www.aldenshop.com/collections/casual-loafers/products/660-tassel-moccasin-loafer-burgundy-calf, 美國不連稅定價$629. 香港tassels同款賣緊$5000, 基本上係同價。

所以應該唔係講緊T記掛
完全唔開名搞到變咗地圖炮

如果呢幾年JWM執柒左、Lobb縮門店數、G&G開店不成、仲有幾個牌子因為某啲舖頭頂爛市而被代理商要求全球加價呢啲事件都唔足以點醒班「消費者」，咁都冇辦法。

自私啲諗，我自己有個牌子、又知道晒自己各大牌子嘅碼數，又有渠道拎員工折同trade price，無論香港有冇其他牌子鞋鋪對我嚟講都冇乜影響，喺度講咗咁多年，勸都係得個勸字。

學你話齋，種甚麼因得甚麼果。還是那一句盡人事聽天命，大不了獨善其身。

唔洗客氣

佢又話想要知b袋 但又怕污糟 但個個我都覺得靚

佢唔係叫你買個H牌B仔俾佢你咪偷笑

我對女裝袋零概念，弱弱一問，Ｂ袋係乜傢伙？

Lobb仲有店咩? JWM澳門店都好似執咗。

Burberry

太子大廈咪有一間直營；JMW澳門好似仲喺度。

「近一年」營運成本增幅香港全球第一？

香港貴過去日本買，唔好玩。你當大家翻鄉下買傻

我就係警告堆鋪當客傻仔，會「供求不平衡」囉

唔開店名係比個空間大家。地圖炮論弱智, 我舉例先係收佢地皮。明未

國際城市布局關本地客幾多呀，人地唔做係乜原因你知我知。你問消費者無用的。你應該問點解「生意好」。

Birkin?

鞋店唔係藥房，亦不是廣東道啲名店，啲「遊客」人黎香港就算買鞋亦唔會首選呢類發燒友牌子。主要收入來源仍是本地客，裁縫店亦一樣唔需要樣樣都上升到政治層面的

幾時有講遊客？

死撐不好看。

我試過有一次入到A字頭試完2對黑色牛津鞋，我問佢仲有冇其他可以試下，我講左我想要formal wear用的，個女店員拎左對啡色suede belgian loafers俾我叫我試下😂
仲要咁岩我大約一年前係同一間鋪買左對同款同色
我微笑一下同佢講呢對唔需要喇
之後係T字頭試岩一對牛津鞋就入左手了

又講國際城市牌子佈局，又講「生意好」，然後同我講唔關遊客事，我開始有少少亂。

其實你知唔知有好多大牌子包括：Berluti，除咗部份某幾個城市係直營之外，其餘大多數都係本地投資者加盟（如Berluti曼谷店就是加盟店）？佢哋唔係大集團直營店係地標插旗不計成本，而係好重視本地客源，集團國際布局固然關少少事，但更多係在於當地消費水平同習慣，如果大部份人傾向喺門店試完就上網買，又或者覺得第二個地方平啲，就等旅行時候先買，自然就會少左願意加盟嘅投資者。

做生意講嘅係錢，政治環境，從來都唔係首要考慮因素，好多大牌子即使俄仔、大陸都有鋪，反而加拿大、澳洲無。再者，好多發燒友牌子都係家族式經營，莫講話直營店，加盟店都未必做，多數為合作既皮鞋買手店。

買手店本身買鞋就係用批發價，同牌子直營之間相比入貨成本一定高啲，自由度亦都低啲，好容易蟹貨，賣貴少少都好正常（你咪當買佢哋嘅眼光同服務）。如果連買手店都生存唔到，最終結果咪大家冇得試冇得睇，好簡單嘅道理黎。

如果都已經講到咁你都係認為啲舖頭當人係水魚（你冇開名，我好難唔當你地圖炮），咁我哋都冇乜好傾落去，唯有和而不同傾返第二啲嘢。

清小癲
唔係gchi商戶加價，但我估唔係個個都下下返鄉下買野架
同埋我覺得係掉轉吧，就係見到demand 夠大先加價拎盡佢 客係咪傻仔唔係你決定啦，有時買野個價包埋service, 方便性etc ga ma, 咁加完佢地仲買即係個value 仲喺度啦是咪到demand 一跌咪adjust lor
之前問過鞋bespoke幾錢，聽完打左個突心諗貴咁多邊有人買，丫現場就坐左個人fitting 緊 可能佢笑返你傻仔唔俾錢買方便呢又唔係fishball 清提到嗰種撚狗，不用「提醒下」啦真係少尷
你唔開店名咪搞到大家witchhunt lor

BTW未仲未計加盟店同買手店對匯率敏感度好高，買貨時候嘅匯水貴，唔通匯水跌既時候就減價咩？入貨嗰舊錢係已經俾咗出去㗎喇；依家美元咁強勢，香港價錢貴過出面有幾咁奇？

唔講其他就講我訂鞋嘅時候，當年未封關之前我去日本訂造左幾對，匯水係差不多7蚊，依家五個幾，差成廿幾%

你了解下國際城市先再傾。