免費體育直播-2023-24

嚟到3月最後兩個賽日，每日都有一場「中銀人壽香港超級聯賽」安排咗免費直播，分別係周六(30日)1500喺斧山道運動場開波嘅香港U23對深水埗，同埋周日(31日)1800喺旺角場上演嘅標準流浪鬥東方，入唔到場嘅球迷朋友，到時記得捧場啦！

兩場波on.cc東網都會免費直播，而 #港台電視32 就會喺2115播映，大家記得留意啦！

#香港U23 #深水埗
#標準流浪 #東方
#港超聯
#免費直播

#RTHK32
【東網免費直播】 https://tv.on.cc/sportlive/

復活節放假有乜做 梗係睇HoySports 為大家送上嘅阿根廷甲組聯賽盃啦！

適逢復活節連假，當然係要安坐家中留意我哋HoySports 為大家送上嘅阿根廷甲組聯賽盃啦！各位球迷千祈唔好錯過啦！

阿根廷甲組聯賽盃 -獨立隊 對 圖庫曼體育會 4月1日 早上05:30｜76台 、HOY APP 直播台
阿根廷甲組聯賽盃 -利華達維亞 對 班菲特 4月1日 早上08:00｜76台 、HOY APP 直播台
阿根廷甲組聯賽盃 -CA普拉坦斯 對 葛度爾古斯 4月2日 早上06:00｜76台 、HOY APP 直播台

【 香 港 國 際 七 人 欖 球 賽 】

📣 仲有唔夠一個禮拜 #世界七人欖球系列賽 就會喺香港大球場揭開戰幔，你準備好未？

24支嚟自世界各地嘅隊伍將會喺周五至日上演68場男、女子賽事，而 #Melrose銀劍賽 就以單循環形式送上包括男、女子港隊在內嘅6場比賽。國際七人欖球賽喺香港大球場踏入30周年之際，今年有我哋 #港台電視32 首次獨家直播，等更多人可以感受欖球嘅激情同賽場嘅熱鬧！✨

📌世界系列賽參賽隊伍 男子組
A組：法國、斐濟、澳洲、加拿大
B組：英國、阿根廷、美國、新西蘭
C組：愛爾蘭、西班牙、薩摩亞、南非

📌世界系列賽參賽隊伍 女子組
A組：新西蘭、法國、巴西、英國
B組：澳洲、南非、愛爾蘭、斐濟
C組：美國、加拿大、日本、西班牙

📌Melrose銀劍賽參賽隊伍
男子組：中國、日本、中國香港
女子組：中國、泰國、中國香港

#香港國際七人欖球賽 全程直擊
🇭🇰 4月5日（五） 至 4月7日 （日）

德國盃足球賽準決賽“HOY”波！！

足球比賽往往都會出現意想不到嘅事，就好似今屆德國盃準決賽咁，相信無人會估到四支球隊會出現二隊德乙、一隊德丙球隊，而德甲嘅代表竟然只留低現時德甲榜首利華古遜。所有賽事已經去到中後期階段，唔知道利華古遜可唔可以爭取三冠王嘅佳績呢？

德國盃足球賽半準決賽｜沙貝魯根 對 凱沙羅頓｜4月2日 深夜2:45｜76台 HOYTV、HOY APP 直播台
德國盃足球賽半準決賽｜利華古遜 對 德素多夫｜4月3日 深夜2:45｜76台 HOYTV、HOY APP 直播台

賽馬會菁英盃　傑志大埔生死對決

「賽馬會菁英盃」周三（3日）在旺角大球場上演首場4強激戰，由B組首名傑志惡鬥A組次名大埔。兩隊今季僅曾在港超揭幕戰交手，當時「藍鳥」大勝3球；不過相隔超過7個月，各自陣容變動不少，「綠戰士」實力更大幅提升，今場相信勢有一番激鬥。（周三晚上8時開賽）

傑志在最後一輪分組賽擊敗理文，以首名晉級4強，但暫代主教練金東進強調大埔不容小覷，提醒球員小心應付：「大埔係一支好強球隊，前線嘅盧卡斯、比迪高同雷仙奴都好有質素。當然想90分鐘之內解決對手，因為周末仲有對東方聯賽大戰，希望入到決賽畀年青球員有更多表現機會。」陣容方面，明加索夫、費蘭度及保羅因傷繼續缺陣。

基爾頓矢志殺入決賽
基爾頓上場貢獻1入球，更獲選為全場最佳球員（Mom），他表示十分開心，又將勝利送給上場第200次為「藍鳥」上陣的艾里奧。基爾頓續指球隊上下已收拾心情，準備迎接今場4強生死戰：「呢幾日大家練波好專注，雖然大埔好難踢，尤其我嘅好友盧卡斯，重返港超之後表現出色，但我哋唔會懼怕，因為傑志就係傑志，目標殺入決賽。」

分組賽取6勝1和3負成績的「綠戰士」，以A組次名姿態晉級。兩軍繼首輪聯賽之後再碰頭，大埔主教練李志堅認為今場戰況會非常不同：「過去有段時間傑志表現唔係好理想，但見到近期佢哋信心大咗，而我哋依家都肯定好過季初，加上呢場係菁英盃，都好睇雙方青年球員嘅發揮。」U22門將林志基傷愈後已重投操練，今場有望候命，此外王牌前鋒盧卡斯亦坐完波監復出。

盧卡斯倒戈︰只專注入波
有機會倒戈面對舊主的盧卡斯，就希望帶領「綠戰士」向捧起冠軍獎盃的目標邁進：「大埔作為區隊雖然資源唔多，但勝在教練團有豐富奪冠經驗，球員都有好強嘅爭勝心，我同唔少傑志球員都好熟悉，佢哋近年不斷進步，我非常尊重舊東家，但呢場4強戰我只會專注入波。」

阿根廷甲組聯賽盃又繼續開始啦！

現時各個國家/地區本士聯賽進行得如火如荼，阿根廷甲組聯賽盃亦唔例外！喺十二輪比賽後，暫時位於榜首嘅係小阿根廷人，佢哋今輪要對住沙士菲，唔知可唔可以維持領先優勢呢？

阿根廷甲組聯賽盃 -沙士菲 對 小阿根廷人 4月6日 早上06:00｜76台 、HOY APP 直播台
阿根廷甲組聯賽盃 -班菲特 對 獨立隊 4月6日 早上08:00｜76台 、HOY APP 直播台
阿根廷甲組聯賽盃 -學生隊 對 CA科爾多瓦中央 4月7日 早上06:15｜76台 、HOY APP 直播台

【力撐港隊爭奧運席位🇭🇰｜FIBA 3x3 巴黎奧運資格賽首度於香港上演】

籃球迷們，Are you Ready for the GAME🏀？「FIBA 3x3 巴黎奧運資格賽」將會首次喺香港舉辦，今次唔單止係中國香港男、女子 3x3 代表隊首度出戰嘅最高級別賽事，更加係香港三人籃球運動員距離奧運舞台最近嘅一次🔥！

由4月12日起一連3日，一於黐實港台電視32，一齊撐港隊，嚟自全球嘅球隊將會上演連場激戰，本地男女代表都會喺晚間亮相，而男子代表仲會連續兩日壓軸出場！籃球魅力勢不可擋，一齊支持心儀球隊爭取好表現！

「FIBA 3x3 巴黎奧運資格賽」
比賽時間:
4月12日 (星期五) 下午3時30分至晚上8時50分
4月13日 (星期六) 下午3時30分至晚上9時15分
4月14日 (星期日) 下午3時30分至下午6時40分
地點：維多利亞公園1-3號足球場

阿根廷甲組聯賽盃超值早餐套餐！

有阿根廷甲組聯賽盃嘅Morning，正至係Good Morning! HoySports繼續有最適合要返工返學球迷嘅阿根廷甲組聯賽盃，記住早起的球迷有球看喔！

阿根廷甲組聯賽盃 -競賽會 對 拉努斯 4月7日 深夜05:30｜76台 、HOY APP 直播台
阿根廷甲組聯賽盃 -河床 對 羅沙里奧中央 4月8日 早上08:00｜76台 、HOY APP 直播台
阿根廷甲組聯賽盃 -葛度爾古斯 對 沙米恩圖 4月9日 早上07:00｜76台 、HOY APP 直播台

特區政府已購入巴黎奧運轉播權，讓全港市民免費觀看