免費體育直播-2023-24

【直播賽事🏀：2023年香港籃球聯賽（男子甲一）】
#港台電視32 會喺今個星期三、四，連續兩個日為各位球迷直播 #甲一男籃聯賽賽事，大家記得準時收睇，齊齊支持本地籃球啊⛹️！

====================
《2023年香港籃球聯賽（男子甲一）》
🕖 12月13日（三） | 直播時間：6:55pm
🏀「#滿貫」對「#南華」
🖥️ #港台電視32
-
🕖 12月14日（四） | 直播時間：6:55pm
🏀「#晉裕」對「#建龍飛馬」
🖥️ #港台電視32
🌐 rthk.hk/tv/dtt32/programme/hkbasketballleaguedivisiona

亞洲聯賽冠軍盃小組賽最後一輪 “HOY”波！

而F組嘅獅城水手對傑志方面， 獅城水手落後第二名嘅全北汽車三分，傑志更加未嚐一勝。最後一輪嘅小組賽，兩隊可唔可以打返場爭氣波呢？一連三場亞州聯賽冠軍盃 ，準時“HOY”波！
溫馨提示：獅城水手 對 傑志 只會喺HOY WEB / APP 直播台。好重要！好重要！好重要！

記得Download HOY APP，即時觀看各項運動賽事。
iOS: https://apps.apple.com/hk/app/hoy/id1626938576?l=en-GB
Android: https://play.google.com/store/search?q=hoy&c=apps

亞洲聯賽冠軍盃 - 橫濱水手 對 FC山東｜12月13日 15:55｜76台 、HOY APP 直播台
亞洲聯賽冠軍盃 - 獅城水手 對 傑志｜12月13日 17:55｜HOY APP 直播台
亞洲聯賽冠軍盃- 全北汽車 對 曼谷聯｜12月13日 17:55｜76台 、HOY APP 直播台

【態沉浦和求破北美雄獅】

12月15日（五）　22：30　利昂 VS 浦和紅鑽　96直播

去到年尾又係踢世冠盃嘅時候，浦和今屆代表亞洲出戰，今晚先同來自墨西哥嘅中北美洲冠軍利昂爭入4強。香港朋友可以透過免費台收睇直播，

可惜浦和近期表現同成績相當不濟，喺聯賽失落三甲位置，又喺聯賽盃決賽失利，更喺上周中亞冠分組賽輸畀越南球隊河內，宣告衛冕失敗，下年緣盡亞洲賽，近9場各項賽事輸咗6場。而且由於傷患問題，隊長酒井宏樹今次直頭冇註冊落23人大名單，所以肯定唔會出戰。如果今場贏波就可以挑戰曼城，但不幸出局就正式完結球季。

浦和今場對手利昂同浦和情況相近，佢哋喺6月中北美冠盃決賽兩回合雙殺洛杉磯FC，球會史上首次成為中北美洲冠軍，因此今次係首度參與世冠盃。但係喺墨超上半季表現平平，只係以第8名完成秋季聯賽，近9場比賽只贏兩次。利昂陣中冇咩知名球星，以8球成為球隊上半季聯賽首席射手嘅25歲烏拉圭前鋒賓也斯，亦只係喺上個月烏拉圭擊敗阿根廷嘅世界盃外圍賽首次成為國腳，但亦只係喺下半場補時階段先有得落場。陣中另一名老將前鋒文拿雖然舊年入選厄瓜多爾世界盃決賽周名單，但3場分組賽都冇份上陣。

所以牌面睇落去利昂唔算係好強嘅對手，浦和今次係首次面對中北美洲球隊，如果狀態好嘅話唔係冇得打，但真係好睇浦和能否振作，否則好可能步2017年一屆首圈就輸波出局嘅後塵。

浦和預計陣容（4-2-3-1）：1.西川周作（GK）；14.關根貴大（RB）、28.舒奧茲（CB）、5.凱巴頓（CB）、15.明本考浩（LB）；3.伊藤敦樹（DM）、19.岩尾憲（DM）；21.大久保智明（RM）、10.中島翔哉（AM）、8.小泉佳穗（LM）；11.荷西簡迪（FW）

嚟緊星期日(17日)將會上演兩場「中銀人壽香港超級聯賽」，其中均業北區會喺主場北區運動場迎戰港會，呢場亦係均業北區升上港超之後，第2次喺主場出擊。球迷朋友入到場請入場支持，如果行唔開都唔緊要，呢場會由 #港台電視32 同 #東網 同步免費直播。


#RTHK32
【東網免費直播】 https://tv.on.cc/sportlive/

【星期六晚11:00 直播精選英超賽事⚽ 紐卡素 VS 富咸】


📡ViuTVsix 96台及網絡平台同步現場直播📡
#照舊有英粵雙語任你選擇 #球迷福利 #免費波免費播 #英格蘭超級足球聯賽

【NBA 常規賽📡洛杉磯湖人VS 聖安東尼奧馬刺🏀】

📢召喚NBA 迷📢
星期六朝早8點半，一齊早起觀戰🔥

#ViuTV #NBA常規賽

19/12 凌晨2時　4強：富明尼斯 對 伊蒂哈德 99

20/12 凌晨2時　4強：浦和紅鑽 對 曼城　99

22/12 凌晨2時　季軍戰 96

23/12 凌晨2時　決賽　99

福岡黃蜂 VS 薩克達
https://www.youtube.com/watch?v=uLIGI15oqr0

甲一今周直播「三連發」 東網X港台32同步播放

甲一男籃聯賽進入最後3輪比拚，本周上演三天賽事，每一場勝負對爭入常規賽前6都十分關鍵，on.cc東網及港台電視32將為大家送上三場免費直播，包括榜首的香港東方迎戰建龍飛馬，向8連勝之路進發；南華迎戰康仁福建以及晉裕對崇德飛鷹，球迷萬勿錯過。

12月19日 7:00pm 晉裕VS崇德飛鷹
12月20日 7:00pm 南華VS康仁福建
12月21日 7:00pm 香港東方VS建龍飛馬

英格蘭聯賽盃半準決賽”HOY”波！

一連兩日，HOY TV 為大家帶嚟英格蘭聯賽盃半準決賽精彩戲碼！率先登場嘅有車路士 對 紐卡素 。兩隊上一次碰頭，當時主場嘅紐卡素一面倒以 4:1 擊敗車路士。 今次輪到車路士主場，形勢可唔可以逆轉呢？
另一場利物浦 對 韋斯咸 ，兩隊除咗本地聯賽外，仲要應付歐洲賽賽事，唔知道今場戰力會唔會有所保留呢？一連兩日英格蘭聯賽盃半準決賽，準時 "HOY”波！

英格蘭聯賽盃半準決賽 - 車路士 對 紐卡素｜12月20日 03:55｜77台 、HOY APP 直播台
英格蘭聯賽盃半準決賽 - 利物浦 對 韋斯咸｜12月21日 03:55｜77台 、HOY APP 直播台

#足球 #英格蘭聯賽盃 #英聯盃 #HOY波 #車路士 #紐卡素 #利物浦 #韋斯咸 #HOYTV

【浦和凌晨戰曼城】

12月20日（三）　02：00　浦和紅鑽 VS 曼城　99/630/633台直播

浦和上周末終於打破近期頹勢，喺世冠盃初賽以1：0小勝利昂晉級4強賽，佢哋將會喺聽朝凌晨挑戰歐聯冠軍曼城，同樣喺香港有免費台直播，喺日本等冇電視直播地區亦可以透過FIFA官方App收睇。當然比賽喺半夜踢，大家可以自行斟酌是否抵得住眼瞓去支持。

浦和上場由後備入替嘅荷蘭翼鋒舒奧克建功，得以贏波晉級兼掃走亞冠輸波出局嘅低迷。當然以成績嚟睇浦和近期又唔係真係好差，近4場各項賽事取得3勝1負。至於對手曼城係點就相信大家都好熟，唔需要多費筆墨介紹。佢哋近期成績稍有回落，上場英超打和水晶宮之後，近5場各項賽事只得2勝2和1負，每場都有失波，夾埋失9球。當然浦和同曼城級數有差，歐洲球隊亦未試過入唔到世冠決賽。所以要求浦和擊敗巨人就真係強人所難，只盼佢哋可以好似昔日鹿島鹿角帶畀皇家馬德里一場苦戰，相信球迷都於願足矣。

浦和預計陣容（4-2-3-1）：1.西川周作（GK）；2.酒井宏樹（RB）、28.舒奧茲（CB）、5.凱巴頓（CB）、15.明本考浩（LB）；3.伊藤敦樹（DM）、19.岩尾憲（DM）；14.關根貴大（RM）、25.安居海渡（AM）、8.小泉佳穗（AM）；11.荷西簡迪（FW）

#

直播香港東方爭強戰飛馬　朱梓鎔倒戈：學習拆解「棋局」

甲一男籃聯賽周四（21日）頭場戲碼由「全勝軍」香港東方大戰建龍飛馬，今場東方前鋒朱梓鎔將倒戈出擊，協助球隊爭取8連勝。東方能否保住不敗身到1月迎戰滿貫，球迷拭目以待！（on.cc東網及港台電視32周四晚上7時直播）

香港東方上場憑中鋒麥洛連取得21分16籃板，以42分大勝南青，聯賽暫時7戰全勝。東方此仗僅麥洛連和卜聿揚兩人得分上雙，但其實團隊防守更加關鍵，他們成功將對手命中率壓至24％，這亦是今季第4場將對手得分降至60分以下的比賽。

早前扭傷足踝的東方後衞徐遠征此戰復出，上陣10分鐘取得6分2籃板2助攻，另一得分點梁嘉顯因鼻骨受傷而要戴面罩上陣，上場取得5分、5助攻。至於另一傷兵基拔雖已復操，但暫未有復出時間表。

香港東方今場將迎來建龍飛馬，後者周二（19日）以75：96不敵漢友，錄得4連敗。這將是東方前鋒朱梓鎔的倒戈戰，他直言心情複雜，不過他將會全力表現自己，為東方爭取勝利：「心情有點複雜，我和大部份隊友感情都幾深厚，大家都由甲二升上甲一，一起捱過疫情3年有多。今次就好似見返舊朋友一樣，好多說話想講，感覺像回家一樣。不過，今場首要目標是遵從教練指令、球隊規則，盡全力表現最好的自己，另外我亦想讓舊隊友見到自己的進步，想『威返次』，像以前練波一樣有種良性競爭！」

首次加入職業隊的朱梓鎔已漸漸適應球隊體系，但認為自己仍有很大進步空間：「今季表現暫時中規中矩，好的方面，我覺得自己愈來愈適應前4球隊的強度和節奏，執行性和把推力都提升不少。不過，防守專注度、場內觀察力等仍然有很大的不足， 好多時不是體能上應付不到，而是精神不夠集中，未掌握到細節位。另外，教練每場都會詳細研究對手，令我大開眼界，原來籃球好像捉棋一樣，鬥智鬥力，這亦是我需要學習的地方。」

甲一賽程：
日期：12月21日（星期四）
地點：灣仔修頓場館
時間：
7：00pm 香港東方 對 建龍飛馬

HOY 宣佈將於 2024 年 1 月 12 日至 2 月 10 日期間，在 HOY 77、76 台及 HOY App，跨平台直播共 51 場亞洲盃賽事。為與全港市民一起力撐港足，HOY 77 台特別安排 1 月 14 日及 1 月 23 日的新聞時段調動，為球迷送上無間斷港隊賽事，一同見證港足力戰強敵。

為了讓觀眾緊貼亞洲盃賽事，HOY 承接亞運期間安排，除了在 HOY TV 77 台、76 台國際財經台直播賽事外，亦會於 HOY App 安排多於一條頻道，直播同時間進行的不同賽事，跨平台播映安排，球迷可隨意選擇心水賽事。所有在 HOY 77 台、76 台直播的賽事均設有雙語專業足球評述，而在 HOY App 直播的賽事均會安排廣東話專業評述。

【浦和爭季慶冬至】

12月22日（五）　22：30　浦和紅鑽 VS 艾阿利　96/630/633台直播

今日無論東亞邊個地區，都感受到相當明顯嘅寒意，所以今晚留喺電視前睇波，相信係食完冬至飯之後嘅最佳節目。浦和紅鑽今晚會喺世冠同埃及球隊艾阿利爭季軍，係日本球隊今季正式最後一戰。無論喺世界每個角落，都可以透過電視或FIFA官方網站免費收睇直播。

浦和上場面對冇夏蘭特同迪布尼嘅曼城，雖然都只係輸3球，但全場只得兩腳幾乎冇威脅到對手嘅射門，話踢得差算不上，但又好難話係好。而第一場對墨西哥球隊利昂，就因為兩隊發揮都麻麻，只係浦和靠舒奧克一記攻門得手就贏波晉級，整體嚟講表現唔算好有說服力。

至於對手艾阿利就係近年非洲第一霸主，近4屆非冠盃贏3屆，今次亦係連續4屆參與世冠盃，只有上屆輸畀法林明高得殿軍。艾阿利陣中有6名主力入選上個月埃及世界盃外圍賽大軍名單，佢哋喺今屆首戰以3：1擊敗東道主球隊伊蒂哈德，為球隊打開紀錄嘅左閘馬路爾，亦為突尼西亞出戰近兩屆世界盃決賽周。艾阿利陣中仲有征戰德甲同法甲多年，亦曾經隨天津權健嚟香港踢亞冠嘅前鋒莫迪斯提，呢名35歲法國前鋒喺首戰後備入替3分鐘就領紅牌，所以上場冇上陣，今場可以復出。

所以總括嚟講，艾阿利戰鬥力相信高於利昂。雖然浦和曾經喺2007年一屆擁有主場之利下，喺季軍戰互射12碼擊敗過另一支非洲球隊，來自突尼西亞嘅沙希爾之星，創造參賽以嚟最佳成績。但目前浦和戰力平平，要再次奪季軍似乎有啲困難。

浦和預計陣容（4-2-3-1）：1.西川周作（GK）；14.關根貴大（RB）、28.舒奧茲（CB）、5.凱巴頓（CB）、15.明本考浩（LB）；3.伊藤敦樹（DM）、19.岩尾憲（DM）；21.大久保智明（RM）、25.安居海渡（AM）、8.小泉佳穗（LM）；11.荷西簡迪（FW）

3/2 9:00 Warriors@Grizzlies
10/2 11:30 Pelicans@Lakers
24/2 11:00 Heat@Pelicans

【亞冠16強淘汰賽 抽籤結果】
納薩夫(烏茲別克) VS 艾因FC(阿聯)
法伊哈(沙烏地) VS 利雅德勝利(沙烏地)
塞帕罕FC(伊朗) VS 利雅德新月(沙烏地)
納曼干新春(烏茲別克) VS 吉達聯合(沙烏地)
全北現代汽車(南韓) VS 浦項鋼鐵人(南韓)
蔚山現代(南韓) VS 甲府風林(日本)
山東泰山(中國) VS 川崎前鋒(日本)
曼谷聯(泰國) VS 橫濱水手(日本)

淘汰賽將從明年2月起