【第一季完結篇】《殺手榜》(2)

輕輕一推

最後，我跟毛雲親姐在一條分叉路口分開。想不到同是出自一個阿媽生，性格卻天南地北，一個對我熱情得要命連手機都要監視，另一個說多一句都好像要取我命一樣。


返去後屋子後，Agnes都已經回來。


「約會點啊？開唔開心。」我走到廚房倒杯水。


「你同毛雲家姐呢？」Agnes反問。


「佢啲性格真係‧‧‧‧‧‧」


「係咁嘅，我今日同毛雲出去重點唔係食飯，係傾你之後落嚟要參加嘅殺手聚會。」


「頭五十先有入場卷嗰個？」


「係，話就話係殺手榜實力堅厚嘅殺手一齊聚會，但其實係你識人嘅好時候。」Agnes走到我身邊，為自己沖一杯滑咖啡：「點講好呢‧‧‧無論你要瓦解特工部又好、搵出害我屋企人嘅兇手又好、抵抗八荒極殺又好，你都需要有一班人喺後面幫助你，呢個時候就係睇你人網關係廣唔廣。」


「要我搵‧‧‧朋友？」我把杯貼到嘴邊，沒有喝下。


「正確嚟講就係同伴。」Agnes手指戳著我的鼻：「識人，建立自己一方嘅勢力，就係咁。」


「你真係話識就識‧‧‧」我放下了杯子，嘆了氣：「我啲咁嘅社會邊緣人‧‧‧‧‧‧」


「唔關事唔關事。」

「唉‧‧‧你點話點好。」

殺狗會要我找出左悔，我有這樣的能力嗎？


既然他有能力殺害殺狗會的高層，那就說明現在的他‧‧‧‧‧‧可能比十年以前更強了吧。


如果我也不再努力點的話，肯定不能追上他的背影。


翌日，我們就收到了殺狗會的邀請信，聚會地點會在一輛大遊輪上，我馬上聯想到一般遊輪廣告上的那些畫面。


「右疚大哥‧‧‧！」一大早，我也聽到毛雲的聲音在門外。


「你咁早搞乜‧‧‧」我把門打開，望見拿著一袋早餐的他。


「嚟同你講定一啲遊輪上嘅嘢，同介紹個拍擋俾你姐！」毛雲踮著腳，不斷瞧著我身後的方向。


「Agnes佢仲訓緊‧‧‧咩拍擋？」我說。


「登登！」毛雲讓出個位，鄰邊站著的女性隨即走來。


是他親姐‧‧‧


「就係我家姐，除咗子丹哥之外‧‧‧你船上唯一嘅拍擋。」毛雲介紹。


「啊‧‧‧」我望住還是穿得一身龐克風格的她，卻有著陣陣的成熟韻味：「介紹咁多拍擂俾我識做咩？」


「你唔知咩？」毛雲淺淺地笑：「殺狗會嘅遊輪會出到去公海。」


這一句，意味深長。


「唔‧‧‧我叫右疚。」我伸出一隻手向她。


她瞧了我手一眼，沒有伸出來握，只是把視線放到我的臉上，淡淡地說：「早晨。」


媽的，有性格的妹子肯定好麻煩！

──《殺手榜》第一季完──

幾時先會再出

咁樣完

我不能接受

咁就完左第一季

就算平時係你fans幾鍾意睇你啲故見到呢個尾好想比個負評

咁樣完

咁就完 ，好似過分左d

媽的，有夠性格的墨巴這樣完第一季















聽日繼續

做乜啫
咁就完左一個季

我要文呀

係咪聽日開第二季