福岡九州自駕遊

5月去別府都係住呢間

行公路我就必定會停休息站。睇定邊個SA會經
有啲整到好靚，睇吓嘢，小個便
行山路就一眼關七，唔會有眼瞓嘅機會

行山路d 景好靚，睇到哇哇聲好興奮
本身香港無揸車，出發前都諗緊每半小時要停一停
結果去日本一程車1.5hr 唔洗休息
愈揸愈精神 最長果程2.5 hr

同感
最易眼瞓係跟車慢行

有冇推介邊段山路好靚，值得去兜一兜

上個月我去又係犯左同一個錯誤 去到啲小屋先知收哂皮

我無專登去兜，反正好多景點要行山路

由布院 - 別府
亞蘇火山
高千穗

個人覺得最靚係高千穗果邊
啲樹好靚
紅葉季節一定好震撼

阿蘇條路+大太陽真係好靚
有好多景點之間的山路都好靚
唔洗特登搵

想問下Google Map show嘅路線時間同你實際揸車用嘅時間會唔會有明顯差異? (e.g. 揸山路要用多左時間)

高千穗真心堅靚

我去果陣未考車，坐巴士，慢到嘔電，但都覺得值

B speak好食

Day 4: 29/5 (一) 陰
別府 -> 由布院 -> 別府

原本 plan 咗今日去九州動物園, 就係諗住平日人少, 應該可以 hea 住出發, 點知就領嘢了。

我哋大約 12 點去到動物園, 當日 jungle bus 已經 full 了, 去呢個動物園都係為咗餵獅子, 再問吓有冇得預約明天 jungle bus, 職員話每日九點開始賣, 不設預售, 咁唯有改行程去由布院, 明天一早再嚟。

不過心裡面奇怪, 無預售旅行團會點安排?

動物園去由布院都唔算遠, 30 min 左右就到, 第一件事就去食 由布まぶし心 釜飯

https://tabelog.com/oita/A4402/A440201/44008761/
大分県由布市湯布院町川上1492-1




我哋去咗金鱗湖本店, 隔離爛地停車場 300 Yen 泊一日, 應該成個由布院最抵, 看更叔叔用英文同你講收費詳情, 比好多酒店職員仲要好, 果然工多藝熟。

排咗 30 min 左右就入得, 都幾多香港人同韓國人, 中間有 榻榻米 位, 我就好彩有普通枱坐。



我哋叫咗一份牛一份鰻魚, 先上前菜


有好多唔同汁俾你點


牛同鰻魚飯




食法係先原味食一碗, 加汁食第二碗, 第三碗就加高湯, 我覺得原味最正, 油香落晒 D 飯度。類似香港煲仔飯, 但又唔多飯焦。

真心好味, 必定要試

仲有一間分店近由布院駅, 好多人一到見到無人排, 就去食咗先再行。

Day 4 (續)

食飽就週圍行吓








其實呢個天氣去金鱗湖真係無咩特別, 可能冬天會好啲

之前都提過, B-Speak 卷蛋好早會賣晒, 我哋 hea 到已經 sold out, 不過店員好好, 話原味可以訂, 明天 4:30PM 前去拎就得, 仲要唔駛 PRE-PAID, 日本人真係講個信字




第二日拎果陣落雨, 鋪頭包裝勁細心






由布院小食檔都好精彩, 我哋食咗兩間



我哋試咗 金賞 同埋 蟹奶油, 感覺蟹奶油仲好食, 之後見新鮮炸起再試牛筋, 但無咁好食。

行完就返別府, 行吓 donki、100 yen 店

話說別府無咩拉麵店, 不過朝早食 MOS burger 果陣, 見到有間拉麵鋪, 又係好重臭豬骨味果種, 夜晚就去試食




好好味, 湯味濃但唔咸, 麵身較硬係我鍾意果種, 食完先知呢間都係有名拉麵店。

另外我發現呢隻嘢幾好飲, 香港 AEON 超市都有得賣, 但無咁多唔同酒精濃度揀

繼續睇緊

我見D人話別府既藥莊店都平過福岡
差唔多係北九最平

Update

仲諗住7月中去食 原來抖暑關門啦

爛尾？想睇埋佢

爛尾

樓主覺得山路易唔易應付？
我見山區勁多彎

jrpass加咁貴 幾個人真係自駕遊仲抵

由福岡去佐賀無行高速, 揀咗行國道263山路, 中間有段係超多手臂彎, 好玩過荃錦公路
天氣唔好勿去, 有得俾幾百yen行隧道避開

唔該晒
我都係乖乖哋課金行高速公路算

Lm