福岡九州自駕遊

慢慢 update

為咗清假, 一路留意住機票/Asia miles, 好彩俾我執死雞換到佛誕出發福岡機票, 成就今次十日福岡九州之旅。

我覺得 AsiaMiles 換 business 機票一向都比換 econ 抵, 不過細心留意機福岡機型, 發現應該無躺平位, 即係我哋一路講 "假J", 咁當然換返 econ 算, 國泰可能有姊妹公司 HK Express 飛福岡, 所以 mark 到成 $7000 張機票仆傻瓜。

Day 1: 26/5 (五) 晴



11:00 準時起飛，A330 舊機，2+4+2 座位，未坐暖張櫈空姐就拎住袋 Blanket派, 48小時前網上 check in，今次可以坐 Econ 最前，落機仲快過 business 😂

入境、行李都出得好快，半小時內已經出禁區。
福岡機場有分 國際線 同 國內線 航廈，兩個航廈要坐 shuttle bus，大約 15 分鐘，國內線果邊先有地鐵出市區。

人大咗想舒服啲，見人call Uber Taxi 都唔貴，去到酒店(中州) 都係 ¥2500 (之後會講回程返機場仲平)，即call Uber taxi，Uber 好鬼醒搵部大車(即係香港混能果款)，見到有等的士嘅旅客想截我部的士，不過車頭寫明”予約車”，司機會對名，所以唔怕攪錯。

咁大個仔都係第一次喺日本坐的士



頭兩晚福岡酒店係 Hotel Resol Trinity Hakata，之後會講多啲抵唔抵住。

舒舒服服 check in 完，就出去行吓。

離開酒店就向天神方向行
竟然經過其中一間 on wish list 嘅餐廳

元祖博多めんたい重
福岡県福岡市中央区西中洲6-15
https://tabelog.com/fukuoka/A4001/A400103/40025222/

初初以為攪錯，點解無人排隊？因為我只係抄低地址電話同 tabelog 網址，完全無概念位置係邊，我估係 5點鐘未到食飯時間，唔理了，等兩張枱就入到。



由於唔係太餓，膽粗粗叫一份餐 share，我地叫咗 明太子飯 + 沾麵 + 湯 果個 set，叫多個限定布甸



第一次食九州嘅明太子，比香港食到嘅細粒、幼滑，送飯食一流。

沾麵好彈牙，食剩嘅湯加埋高湯可以飲埋。
布甸唔太甜，好味但唔算好特別。

食完就走去天神地下街行下。

支持
留名

Lm

巴打可唔可以分享多啲間酒店點 諗緊book

既然有 Ching 問
我就先講下 福岡 嘅酒店先

頭兩晚我住 Hotel Resol Trinity Hakata
之後玩完九州其他地方
我再住兩晚 Cross Life Hakata Tenjin

先講 Hotel Resol Trinity Hakata
Room tour 可以睇 Hea 佬
https://youtu.be/bpGtJZt_YQU
13:34 開始

Location: 超級方便，離地鐵站 3 分鐘步程，週圍食嘢多而且開得夜，一蘭、一双、元祖博多めんたい重 、中州屋台、九州産黒毛和牛 すきやき・しゃぶしゃぶ にしやま (中洲ちんや跡)、吉塚 都係5分鐘步程內，donki 就係斜對面。

房間: 整潔但唔係新

溫泉浴場: 頂樓有浴場，玻璃可以望到外面景色

泊車收費: ¥1600 per night，附近泊車都貴，泊酒店穩陣




再講 Cross Life Hakata Tenjin

Cross Life 喺福岡有兩間酒店，呢間比較新，location 較好



Location: 方便，但唔近地鐵站。行去中州食嘢、運河城 都好近。

房間: 非常舒服，但房只有射燈，有人會覺得太暗。新式廁所設計，乾濕分離。

溫泉浴場: 二樓有浴場，但無玻璃望外面，得風筒，無落妝油、lotion 供應

泊車收費: ¥1700 per night，可以考慮泊附近停車場


兩間酒店相距十分鐘步程



我發現 Agoda 訂日本酒店比 Expedia / hotels.com 平，大家可以格下價

訂酒店優惠碼可以睇呢度
https://www.meethk.com/category/hotel/

留名
去過一次無自駕
今年年尾打算自駕

租車

話明自駕遊，最緊要就係車

九州地大，每個城市距離動輒百幾二百公里，部車慳唔慳油都係其中一個考慮。

Nissan Note e-power 係一部我一直想試嘅車，佢原理係 1300cc 引擎用嚟發電，部車就只係靠摩打推動，有電池儲起 regen 能量。

我喺 Nissan rent a car 官網 book，訂車果陣唔需要任何 credit card 資料，一日前可免費取消，官網張圖係上一代 note e-power車型，不過呢代已經出咗兩年，應該唔會俾舊款你。



建議早啲訂車，我出發前一個月前訂咗，過一星期再睇已經無呢款車，出發前一星期再睇，乜車都無晒，Toyota 果邊都係。








部車行咗大約40000km，設備好齊，盲點偵測、越線提示、emergency brake (無用過 😅)、車 cam、無線充電、Apple car play (要插線)、 bluetooth audio、comfort access、日文/英文 GPS等。

唯一要講嘅係 GPS，無 map code 輸入，另外 手動輸入地址果陣無得揀漢字，上次 Toyota 果部都係日文/英文車機，但輸入地址有漢字揀，例如 福岡縣->福岡市->博多區… 同埋 高速公路出口無漢字，幸好圖片路牌有漢字，勉強用到。

油耗: 我總共行咗 1500km，入咗 83.79L 油，大約 17.91 km/L。雖路程不同不能直接比較，但上次租 Toyota Corolla Touring Hybrid 係四國 做到 23 km/L。

駕駛感: 部車起圍爽快，尤其頭 50km/h，但 80km/h 以上就上得慢，130 km/h 以上就唔願上。Handling 要讚，行山路轉向靈活，高速開到 130km/h 都唔飄，軚盤重力大小適中，一收油就 regen 慢慢減速，山路唔需要點落 brake。

另外要讚係座椅，呢款標榜零重力座椅真係幾舒服，揸長途都唔會腰痛。

ching 咁樣租係total幾錢？見個後尾箱好似幾大 2個26吋＋1個20吋？

個gps咁樣搞唔掂喎
3年前去沖繩租serena（唔係epower）個gps都好過你租嗰部note

想問下uber taxi 有幾多個位？
坐唔坐到5個？
之前我又係去博多 5個人逼巴士

四人車 🤦🏻‍♂️

日本自駕嘅樂趣就係不斷飛車。
啲日本人會禮貌讓你過，好撚爽

5人車可能真係淘汰晒

七日租 ¥60300
全保 ¥14000
稅 ¥7430
Total: ¥81730

Ching 眼利 👍，26吋 + 28吋 (平放果個) + 20吋
閂尾門果陣唔好太大力，位置剛剛好，小心爆玻璃


另外俾埋上次租 Toyota Corolla Touring 尾箱 大家參考

無錯，疫情前租架 Mark X，河口湖返東京，唔覺意就上到 160km/h，風和日麗，條路又平，車又少

Day 2: 27/5 (六) 晴
福岡->糸島->福岡


拎車前去食個麥當勞先，咩話？食老麥有咩特別，唔好浪費 data 啦 🥱



呢個飽用熱香餅做底面，甜甜地好好味。


拎完車就出發去糸島，第一站係 森林 cafe

森のカフェ 緑の 詩
https://shiraitonomori.com



好多日本餐廳都係咁，就算無人等緊，都要簽個到先


然後會派隻有 number 嘅匙羹你排隊


想食咩就指指指 😂


跟住會一籃食物俾你拎去用餐地方,飲品有竹筒裝住，唔會咁易打翻，我哋叫咗 雞蛋飛碟三文治、撻、同布丁，好香蛋味，日本蛋係香啲


餐廳係大樹間整咗平台，對住大自然食嘢飲嘢都幾 chill

日本多唔多警察捉超速

唔多

不過同香港一樣，都有老隱捉超速，多留意倒後鏡，見到 CROWN 就讓佢行先

穩陣啲就人快我快，聽講日本老隱鍾意捉頭車，跟住安全

有次朋友揸我坐隔離，應該係轉咗入唔俾轉彎嘅路口，警察踩住單車追上嚟，我朋友想俾國際牌同passport 警察，我就㩒住唔比，同個警察係咁講英文，後來警察搵咗個高級嚟，最後只係講句 drive slowly 就放走我哋。

上個月去能古島有得揸架車搭船，幾得意

請問你係系島逗留左幾耐