Netflix《核災日月》

睇晒，好睇

睇完
其實ok
頭幾集節奏比較慢同悶
中段之後好d
怕悶同唔鍾意節奏慢既建議唔好睇
套野主要都係講核電廠班人點應對核災

睇完有樣嘢覺得幾奇怪
好似絕大部份時間都係電廠班人單打獨鬥
同有一小批軍人幫手
東電同日本政府係完全人力、資源同其他支援都無乜
係好後期先有返d支援
唔知實際情況係點

首相講職員唔可以走個陣
男主角除衫R屎忽即係點

真係好好彩最後注到水
如果唔係成係東日本玩完
咁後果完全不能想像

話時話 其實點解啲廢水唔可以就咁放起度永世？
當個核電廠塊地永遠唔理佢唔得？

我諗應該係對首相嘅侮辱嚟,就好似馬騮對人R屎忽一樣
仲有套"福島50死士"電影,一樣背對首相除褲R屎忽

首相選錯演員

好沉重..
人類駕馭唔到核能..
一個自然災害加上核能就可以輕易催毁人類..

嗯.. 個首相淨係識鬧人 有佢果部分都睇到好忟..
前期完全無派人/資源去協助
後期美國要撤離先識做野..@@

https://youtu.be/PreAU2NYTX8
當年zoom開會
https://youtu.be/XMFKoGnmcXo
當年菅直人做show阻住曬

呢套詳細過福島50勇士，員工角度描述好好睇
役所廣司真係好正

紀實同劇集之間攞到平衡，主旨都好清晰。
睇返以前啲報導同片段，套劇都無大幅修改事實，8集水準一致。

唔係佳作都至少係良作。
俾部分人講成劣作實在太可惜

我覺得值得一睇喎

睇完之後覺得冇核爆
運氣同前線果班死士真係缺一不可
可以做的幾乎個廠長都執行晒
設計跟不上自然災害的進化

D comment 咁兩極
究竟好悶定好好睇
定係好悶同時又好好睇

你當模擬紀錄片咁睇就Fit哂

睇佢地開會嗰時好過癮。
睇佢地平時係廠入面走黎走去就冇特別，始終係寫實片唔係災難電影，唔會太多爆炸場面

唔同人有唔同要求
我覺得睇佢地係間廠摸黑走黎走去太多
係的確令你感受到現場幾咁難頂
但同樣的劇情不停重覆 睇得好辛苦
(現實對果班操作人員的確係重覆地難頂）
反而睇唔同人諗決策的考慮點
先係成個故事的中心思想
高層唔明前線 前線解唔明高層

不過 如果佢整條bar有講個時間過左幾耐
好似run project 再句gantt chart 或者打機的progess bar
唔純粹某d 畫面淨show個時間出黎就算
咁先令讀者更深切感受 絕望地做左咁多野 原來先過左24hr