分左手日日搵

我都岩岩分手真係完全冇搵大家了，但我仲掛住佢，希望過一排可以忘記

可唔可以再講多啲 最近又係分手斷聯期

首先要對方對你仲有感情先適用
其次就係firm對方真係決心離開既話
就千其唔好lur 佢只會覺得煩 唔會覺得sweet
睇下斷一排佢對你有冇咩小動作
例如突然睇返你story like你story嗰啲
block咗有冇unblock返 等等
你應該會諗 斷完真係斷哂冇哂機會咁點算
如果斷聯(我會當係洗底)都令唔到佢對你好奇
諗返起過往美好回憶而去搵返你/有小動作
咁其實咪證明佢既離開係正確 佢唔係right person
但都唔好lur 因為如果斷聯佢都唔搵返你
你覺得lur佢 佢唔會覺得你煩咩 仲會應你咩
斷聯一係畀時間大家冷靜下 可能呢排嗌多好多交
畀一段時間大家暫時脫離呢種負面情緒
二係洗底 嗌交/有矛盾既時候一定係篤眼篤鼻
但一唔喺身邊 人性嚟講 一定係會諗返美好回憶
你當呢段時間係過冷河 好好諗下臨近分手講過啲咩
可以做啲咩去改善呢啲問題 可以點樣show出嚟
提升自己 為呢段關係又好 下段關係都好
睇返對方既性格 呢個未必適用於任何人
我嗰陣會po一啲自己生活得好好(但其實係shit)既story
後尾男朋友同我講返 嗰陣見到我呢啲story
真係會有種 嗯？點解佢過得一啲都唔頹既好奇
引起佢對你好奇 呢啲都係情緒價值嚟
復合最忌就係你已經再引唔起對方任何既情緒波瀾
呢個係一個好長既過程 真係想挽回既話情況會好反覆
但記得情緒係流動 呢刻係咁唔代表永遠都會係咁
同埋只適用於仲有些少感情剩低既人～ 加油！