天文學家從兩萬年前嘅洞窟壁畫，發現金牛座嘅蹤跡。星座居然係舊石器時代嘅產物！？

佢發現畫作當中，馬、原牛、雄鹿一齊交疊出現嘅時候，每一次都係先畫馬、再畫原牛、最後先畫雄鹿。而且，呢啲動物都總係會對應一年當中交配季節，同埋特定嘅時節特徵：

馬係冬天交配，而畫入面嘅馬有住厚重嘅毛皮同長長嘅尾，所以馬係對應冬天嘅尾聲

原牛係夏天交配同出現，所以牛係對應夏天。

雄鹿係秋天交配，畫入面嘅雄鹿頭上有突出嘅鹿角，所以鹿係對應秋季。（鹿嘅其他季節會脫角）


from:https://www.khanacademy.org/humanities/ap-art-history/global-prehistory-ap/paleolithic-mesolithic-neolithic-apah/a/lascaux

留名

但由於無直接證據，奧祖拉特認為繪畫中含有天空動物嘅諗法，仍然無被重視。

呢個時候，石器時代天文學步步興起，人開始用天文學去理解石器時代嘅產物，慢慢就有人提出比起奧祖拉特更大膽嘅諗法，繪畫既然係有關時間同天空動物，咁咪可能同星座有關。而呢個石器時代天文學，係由一個意想不到嘅發現開始。

再聽多次呢集發覺先民比我地想像中進步，又或者佢地對”宗教/神話” 呢樣野嘅重視遠超乎我地估計 (配合埋上次講哥貝克力石陣)

等緊出糧就join 牛哥$40

巴打好犀利！ 搵到唔同集數之間嘅共同點

感謝支持！

podcast 仲有講太初存有論 都係講點理解初民嘅神話意義

史前藝術中的星象（石器時代天文學）
1921年，法國史前歷史學家馬塞爾・博杜安(Marcel Baudouin）發現一塊形狀似陰莖嘅海綿化石，上面有一連串黃色、啼狀嘅點，佢認為呢啲點嘅位置符合北方所望到嘅大熊座，甚至連光啲嘅星都會以比較大嘅點嚟表示。

西方人認為，圍住北極星轉嘅，就係大熊座，其實就係中國人所講嘅北斗七星，斗即係湯勺形，就係指北斗七星好似個湯勺咁。博杜安認為個海綿化石嘅本體似大熊座，而古人就雕鑿一啲點去表示大熊座，咁就表示住大熊座圍住北極星嘅情境（手持住海綿化石轉，就同大熊座喺天上轉一樣）。博杜安為此寫咗篇論文，叫做〈大熊與天上的陽具〉。同一個形狀，法國人稱為陽具，中國人稱為北斗。實在係文化差異。

不過因為唔可能知道啲點係幾時鑿，所以博杜安嘅發現亦無引起太大嘅迴響，不過佢係最早喺史前藝術當中見到星星嘅少數人。

博杜安嘅發現喺幾十年之後先得到更多留意。喺1972年，美國考古學家亞歷山大・馬沙克(Alexander Marshack)出版咗《文明的根源》，正式推廣石器時代天文學呢個概念。

馬沙克喺書入面講述自己去檢視三萬年前人類雕鑿嘅骨片，發現有六十九個圓盤或新月形狀嘅凹槽，排成蛇形線。呢啲凹槽係用二十四種唔同手勢刻成，應該係喺二十四個唔同嘅場合刻落，為咗記錄月亮嘅盈缺。佢亦喺其他骨頭、石頭、鹿角等等見到類似圖案，所以佢認為舊石器時代嘅人係會追蹤天上嘅情況，再以雕鑿去記錄，並且以陰曆（月亮曆）去記錄時間流逝。

其實係咪得現代人先會有"做人要充實，唔好浪費時間呢個概念“ ！？
古時d 人日日望天打掛，其實真係好浪費時間，如果做下義工，睇多幾本書會唔會更好！？

有得浪費時間 即係有個人嘅時間被浪費
呢種時間好似金錢 可以被善用/亂用嘅諗法 係近代人有線性時間觀先會咁諗

但係古人唔覺得時間係屬於自己
一係活喺循環（無線性時間）
一係人係屬於神（無個人時間）

詳情可以聽第二季開頭講古人點睇時間

正呀喂 終於有新野

支持！

石器時代天文學影響住德國天文學家、歐洲天文學協會前主席麥可・拉朋格魯克(Michael Rappengluck)。1984年，有一次佢喺講座聽到拉斯科洞窟可能畫住星圖嘅講法，就引起佢興趣。佢就決定要好好研究呢個講法合唔合理，直至依家都繼續研究緊。

佢嘅其中一個研究目標就係第十八號公牛(Bull no.18)。佢認為呢一隻望向西邊嘅原牛所擁有嘅三處黑點，係藏住秘密，分別係後背上有打斜六點、包圍眼睛有六／七點、牛頭嘅前方有呈橫線嘅四點。

from:https://guerillaarchaeology.files.wordpress.com/2013/04/auroch-bull-no-18-hall-of-bulls-lascaux.jpg?w=388&h=432

「第十八號公牛」
喺開始講解之前，我哋首先要補充關於兩個星團嘅天文知識。

世界各地都會出現點狀圖，而最常出現嘅，係六個圓點，其中四個為一排、兩個為另一排。典型例子就係日本嘅車廠──富士汽車

其實呢六個圓點就係要代表夜空中最具代表性嘅景象──昴宿星團（昴宿星團有六到七粒星，依照觀看條件而有所唔同），睇落同太陽每年喺空中行嘅軌跡好似，因而成為好多神話同傳說嘅主角（作為太陽嘅另一形態）。而昴宿星團會繞住南北天極運行，佢嘅軌跡正正會明顯顯示住季節嘅變化，所以唔同文化都曾經用過昴宿星團做曆書。今日嘅立陶宛、馬利、安地斯山脈嘅人仍然會以昴宿星團去標示農時。

另外，畢宿星團係現代金牛座嘅組成部分，紅巨星畢宿五就係金牛座嘅牛眼，畢宿星團會喺牛眼附近構成一個「v 字」形狀，而昴宿星團就位於牛嘅膊頭上面。

from:https://www.sohu.com/a/522256427_120085179
了解咗昴宿星團喺金牛膊頭、畢宿星團係依家嘅金牛座之後，我哋要返到去二萬年前嘅星空，從天文學嘅角度搵出「十八號公牛」所藏住嘅密碼。

史前原牛
今日我哋見到嘅金牛座只有半身，因為我哋將原來嘅金牛身體分咗畀白羊座，喺二萬年前，金牛座係一隻完整嘅牛嘅形象，拉朋格魯克稱之為「原牛」，佢認為洞窟畫家就係將眼前見到嘅原牛，想像到出現喺天上。
點點星辰
當我哋對比兩萬年前嘅星圖，可以發現「十八號公牛」上面嘅黑點都有所對應。兩萬年前嘅昴宿星團會升上少少，喺金牛座嘅後背之上，而畢宿五旁邊嘅星亦會更為明亮。而左邊個四點，就係獵戶座嘅腰帶。

所以後背上有打斜六點、包圍眼睛有六／七點、牛頭嘅前方有呈橫線嘅四點，全部都可以對應兩萬年前嘅星空。

季節變動
我哋講過，昴宿星團可以對應季節變化，對某狩獵部落嚟講，觀察昴宿星團係非常重要，拉科塔族同夏安族更會以野牛嘅生命週期嚟命名月份，例如十一月係「母水牛生育之月」、一月係「幼年水牛毛皮染色之月」。咁將地上嘅原牛嘅生活循環連結到天上嘅牛就唔係不能想像。因為當昴宿星團落下嘅時候，就係狩獵季節嘅開始。

「他計算出，在繪製公牛十八號的時候，昴宿星團會在十月中的日出前一刻出現，在初春時運行到天空的最高點，然後在八月底消失，這表示昴宿星團的消失然後再出現，就正好對上原牛於八月至十月間的交配季節。」

所以拉朋格魯克估計，古人就係因為地上嘅原牛，想像天上有一隻紅眼嘅原牛，有住耀眼嘅背毛，頂住牛角往銀河方向衝過去。然後八月會返到地面，開始交配。

牛哥仲會唔會講日本遊記

我牛

推

唔講都唔記得
得閒寫埋下集！
感謝提醒