【環台騎行】一個人的畢業旅行 —— 無論晴雨 隨行風雷

夜晚十點幾食完宵夜仲散步唔瞓咁癲

靚呀之後嗰啲景咪仲靚?

其實啲狗係咩事? 係野狗/村狗/貨倉或工廠養嘅狗 入咗佢哋「地盤」所以追出嚟?
啲野食平靚正 返嚟腥港唔會想食台食了

因為未去過新竹，想真係感受下嗰地方，雖然半個鐘都係走馬看花。

第二日同豬仔約八點食早餐，所以還好。

據我觀察，多數係家養狗，少數係流浪狗。但無論邊隻，你進入佢地頭都會無差別追你。

呢個情況越偏鄉越常見，近城市嘅唔知係唔係見得人多，知道唔可以搞人。

呢幾日喺恆春日日好得閒，瘋狂食野。

巴打，我而家stuck 咗係高雄
本身預今日要去車城，但太大雨我怕危險就係高雄住多晚
我睇天氣嚟緊幾日都唔穩定，我諗緊好唔好搭台鐵算

如果時間充裕，儘量都唔好落雨踩喇，高雄落車城都唔算好行，特別尾端有段路完全無燈，如果夜晚先去到，都幾危險。

過來人強烈唔建議落雨踩，台灣司機癲起上嚟真係唔怕撞你

大家真係要安全為上

真相喺巴打頭2日Carry我呢個廢老
唔介意我體力、速度和狀態唔好，幫手帶路、介紹地方、同就我時間休息
頭2日天氣和溫度真係最難頂，巴打都會係前面等埋我再繼續出發
某程度喺我拖累咗巴打，我有叫佢可以行先，唔洗等埋我 但巴打都一直鼓勵我 仲好記得喺台中等埋我食飯再喺十字路口道別

之後嘅日子，每當我想放棄/想休息都會諗巴打喺前面等緊我
雖然蘇花公路坐左火車，但最後我堅持完成左單車環島嘅故事

成個單車環島之旅，台北到台中呢段路喺最難忘最深刻

最後，祝福咁多位踩緊/準備出發/計劃出發既巴打
萬事小心 一路平安

台北試過爭好少就撞到，有啲司機真係奉止要你讓

Day3 03/06/2023 新竹—>高美濕地 那個傍晚的天上掛著個紅蘋果



（新竹—>高美濕地，82公里，7小時）

以上為是日參考路線圖。



一夜好眠，八點左右起身梳洗，發現周身酸痛，特別係個屁股位。

我同豬仔諗住食完早餐再出發，一出旅館，就見到新竹嗰充滿煙火氣嘅街道。

可惜我哋只不過係新竹嘅匆匆過客，好多嘢都只可以走馬看花。


（新竹市，中央市場某小檔，淮山蘑菇蔬菜麵，TWDXXX）

我哋揀咗附近中央市場嘅一個小麵檔，我叫咗碗蔬菜麵，豬仔就食貢丸米粉。朝早食個清爽嘅蔬菜麵當早餐其實幾舒服。好笑嘅係豬仔叫個碗米粉上嚟嗰陣，另外用嗰碗裝住嗰貢丸，有種啼笑皆非嘅感覺。



食完早餐，周圍散咗一陣步，大概九點半我哋繼續出發！當日天氣好好，繼續暴曬，但有風！


今日目標係高美濕地，之所以唔係大部分環島路線會揀嘅台中市區，係因為好多年前我係高美濕地睇過一個好靚嘅日落，仲畀當地人推薦一定要睇埋星空，所以最後決定今日嘅落腳點係高美濕地。

首先，踩海線嘅我哋繼續向海邊出發，喺海邊休息嗰陣同一個在地爸爸吹水，先知今日係世界單車日，之後嘅路上都斷斷續續見到好多踩單車嘅人，唔知係唔係先入為主嘅錯覺，定真係因為單車日出嚟踩單車。



沿著香山濕地到龍鳳漁港海港呢段路其實都踩得好舒服，因為中間係嗰森林公園，但因為綠植眾多，喺入面踩其實勁涼爽，風景都好好。


（某公路，某小檔，西瓜，TWD150）

但出咗森林公園繼續向後龍海灘出發就全部係無瓦遮頭嘅烈日公路。我哋一路踩，一路都見到好多在地農民嘅西瓜檔。

踩到攰嗰時，就決定停低買嗰西瓜食。雖然冇冷氣，但坐喺嗰木棚入面嘅沙袋上面，食住即切嘅當造西瓜，涼風輕拂，睇棚外車來車往，聽夏蟬鳴叫，一切都好正。

夏日，酷暑，西瓜！

估唔到我喺香港冇食到嘅西瓜，喺台灣食翻。見字食西瓜啊各位！




由於我哋買咗成個西瓜，但兩個人剩係食到半個，我哋決定帶埋剩低嗰半個西瓜繼續上路。



喺公路上踩多陣，逐漸靠海轉入海濱嘅沙石路，喺度打嗰卡就繼續前進，呢個時候已經晏晝一點，我同豬仔都仲未食晏晝，體力已經逐漸有所不支。


（白沙屯拱天宮，第一香焿の專賣店，滷肉飯/花枝焿米粉，TWD125）

好在，踩多半個鐘左右就見到前面有個人頭湧湧嘅區域，應該係因為呢度有個宮廟，應該都幾出名，因為人同車都絡繹不絕。
附近有好多食肆，我哋揀咗間有冷氣嘅。

嚟咗台灣第三日先第一次食滷肉飯。個滷肉飯同花枝羹都係不過不失，正常水準。



食完飯，去個廁所，我哋繼續踩上公路，估唔到呢條公路踩咗我哋三個鐘左右，唯有中途會偶爾轉入附近嘅鄉村小路，次次經過呢d鄉村小路，就會見到一片品綠油油嘅水稻田，睇慣灰沈色調嘅馬路，再睇翻咁大片綠色其實真係會開心d。



晏晝五點半左右，終於抵達高美濕地，我就停咗架車喺一邊，慢慢欣賞日落大地嘅景色。高美濕地有條木棧道可以畀你走出岸邊，行落濕地。

多年前嚟高美濕地嗰時，我嫌麻煩冇落去，心中一直念念不忘。今次帶埋拖鞋，萬事俱備，直踩木棧道嘅盡頭，除鞋落咗濕地，朝住日落嘅位置慢慢行。

呢段路乃至濕地上都好多人，當你慢慢朝住日落嘅盡頭行嗰時，本身周遭嘅人聲都慢慢畀你拋諸腦後，直到天地俱寂，得翻我，橙紅色嘅天空，同一個好似紅蘋果嘅落日。

兩個香港人可以喺異地相遇，有同個目標，有同樣諗法，其實已經係一場難得嘅緣分。

雖然我哋互相陪伴嘅日子得兩日半，但感謝一路嘅照顧同提點。

我係個衝動派，好多時可能誤入險境或忽略時間管理，係豬仔一路從中調和，好感恩可以喺環島初期就遇到呢個旅伴，所以目前為止一切都順順利利。

一路順風，有機會再見！

如果苗栗後龍果段上斜你可以完全唔記得
咁壽卡蘇花都唔會係任何問題

btw 預幾時會到新城
蘇花有冇興趣一齊踩

唔知係唔係過咗有十幾日，其實嗰段記憶已經有d模糊。剩低嘅得返嗰日嘅日落景色。

但講起上斜，最印象深刻嘅係梧棲上台中市區嗰段路，第一次遇到樽頸位。

宜家喺恆春潛緊水，應該要20號先出發上台東。

師兄都環緊島？

西瓜係150台幣一個？

是的，好大個。

我去完旅行出埋遊記你先出緊第3日

我都想去墾丁潛水

瞭闊景色 使人身心舒暢
見到早餐有蔬菜麵 其實台灣而家難唔難搵素食?

對唔住爸打。前幾日落雨，日日剩係想訓覺。

今日開始天氣終於好返！

其實好多素食舖，唔知同佢哋宮廟文化盛行有冇關係。

唔怕中暑