【環台騎行】一個人的畢業旅行 —— 無論晴雨 隨行風雷
拾一
306 回覆
93 Like
7 Dislike
跟據經驗多數爛尾
隔得越耐，D細節位就唔會記得
無錯，所以唔該樓豬快啲出文
我係你開post 完自己都踩完一轉環台你都未post 到一半
你有冇興趣出post
樓豬，在嗎？
樓豬又唔見左啦
Day4 後續
聽完Busking，大概夜晚七點幾左右，我見架去望高寮嘅客運就到，就行到去客運站等住先。仲記得我第一次喺台灣搭客運就係喺台中火車站搭去望高寮。
而台中火車站附近嘅客運站點其實都幾多下，我第一次搭客運嗰時，望住嗰Google Map兼請教當地人都搵咗十幾分鐘先搵到我要搵嘅站點。
點知上車之後，我發現我張一卡通唔見咗，嗰刻嗰心好痛，雖然可以現金比車錢。但張卡大大話話都陪我走過一段青蔥歲月。
Anyway，根據Google Map指示，我喺大慶車站落咗客運準備轉車。點知當我買完張新一卡通之後，我突然發現我去完望高寮之後，可能無車翻嚟市區。
由於之前其實去過再加埋今日其實係想俾自己休息，唔想太奔波，於是乎，我就決定班師回朝，唔去望高寮了。
最後就由大慶車站搭去台中站，跟住就發現搭錯車了。
我望住個路線圖寫住台中站， 以為係去台中火車站，點知佢最後送咗我去台中高鐵站，兩個車站一個喺正中間，一個喺西南角，風馬牛不相及。
Anyway，總之最後搞完一輪，我翻到台中火車站已經九點幾喇。咁呢個時候我有咩做呢？冇錯喇！我又坐咗喺度聽人Busking！
https://youtu.be/oHR4WKVN51E
(IG: @stephen___li，用手機拍，畫質同音質都請見諒
)
我好鐘意呢首伍佰Last Dance，其實一開始係好鐘意一套台劇叫想見你，跟住喺套劇入面聽到呢首歌，即刻俾佢吸引咗。
好似我之前提過一樣，喺台灣聽翻台灣人彈呢首Last Dance，我有種安定嘅感覺。
聽咗大概十幾分鐘之後，我就翻酒店沖涼兼洗衫，去到十一點幾，我發現自己仲未食晚餐，點知週街d食肆都收咗。最後唯有回歸初心，翻Seven。
（台中火車站對面，Seven，御飯糰肉鬆飯糰/關東煮/鳳梨，TWD2XX）
買完直接喺Seven食，坐喺玻璃窗入面，望住對面嘅火車站，你會見到接近凌晨嘅火車站同附近形形色色嘅入，有當地人，有遊客，有流浪漢，我感覺同台灣呢個地方有咗更深刻嘅鏈接。
關東煮依然唔差，飯糰亦都冇話癡到一舊舊，肚餓之下，其實食咩都好食。
順帶一提，雖然台灣鳳梨好出名，但其實我環島期間都幾少食，最主要係因為我個口有50%機率食完鳳梨會唔舒服。
最後，我喺酒店房搵翻我張失蹤嘅一卡通，開心！
聽日去日月潭喇，各位早抖。
聽完Busking，大概夜晚七點幾左右，我見架去望高寮嘅客運就到，就行到去客運站等住先。仲記得我第一次喺台灣搭客運就係喺台中火車站搭去望高寮。
而台中火車站附近嘅客運站點其實都幾多下，我第一次搭客運嗰時，望住嗰Google Map兼請教當地人都搵咗十幾分鐘先搵到我要搵嘅站點。
點知上車之後，我發現我張一卡通唔見咗，嗰刻嗰心好痛，雖然可以現金比車錢。但張卡大大話話都陪我走過一段青蔥歲月。
Anyway，根據Google Map指示，我喺大慶車站落咗客運準備轉車。點知當我買完張新一卡通之後，我突然發現我去完望高寮之後，可能無車翻嚟市區。
由於之前其實去過再加埋今日其實係想俾自己休息，唔想太奔波，於是乎，我就決定班師回朝，唔去望高寮了。
最後就由大慶車站搭去台中站，跟住就發現搭錯車了。
我望住個路線圖寫住台中站， 以為係去台中火車站，點知佢最後送咗我去台中高鐵站，兩個車站一個喺正中間，一個喺西南角，風馬牛不相及。
Anyway，總之最後搞完一輪，我翻到台中火車站已經九點幾喇。咁呢個時候我有咩做呢？冇錯喇！我又坐咗喺度聽人Busking！
https://youtu.be/oHR4WKVN51E
(IG: @stephen___li，用手機拍，畫質同音質都請見諒
)我好鐘意呢首伍佰Last Dance，其實一開始係好鐘意一套台劇叫想見你，跟住喺套劇入面聽到呢首歌，即刻俾佢吸引咗。
好似我之前提過一樣，喺台灣聽翻台灣人彈呢首Last Dance，我有種安定嘅感覺。
聽咗大概十幾分鐘之後，我就翻酒店沖涼兼洗衫，去到十一點幾，我發現自己仲未食晚餐，點知週街d食肆都收咗。最後唯有回歸初心，翻Seven。
（台中火車站對面，Seven，御飯糰肉鬆飯糰/關東煮/鳳梨，TWD2XX）
買完直接喺Seven食，坐喺玻璃窗入面，望住對面嘅火車站，你會見到接近凌晨嘅火車站同附近形形色色嘅入，有當地人，有遊客，有流浪漢，我感覺同台灣呢個地方有咗更深刻嘅鏈接。
關東煮依然唔差，飯糰亦都冇話癡到一舊舊，肚餓之下，其實食咩都好食。
順帶一提，雖然台灣鳳梨好出名，但其實我環島期間都幾少食，最主要係因為我個口有50%機率食完鳳梨會唔舒服。
最後，我喺酒店房搵翻我張失蹤嘅一卡通，開心！
聽日去日月潭喇，各位早抖。
睇翻我宜家d進度，可能2025都仲Update緊。
希望唔好啦。
希望唔好啦。
更新咗
重申，爛尾是不可能爛尾的！
菜刀，在的。
最後幾日你行海線
即是放棄北宜公路山線
雖然各有各選擇
但北宜公路係我認爲最值得爬嘅一段山
五連髮夾彎之後迎接你嘅係另一個五連髮夾彎
利申:10年前環台
咁多年後最引以爲傲嘅正正係北宜公路
景色就係站在高崗上歌詞:
連綿的青山百里長呀巍巍聳起像屏障
即是放棄北宜公路山線
雖然各有各選擇
但北宜公路係我認爲最值得爬嘅一段山
五連髮夾彎之後迎接你嘅係另一個五連髮夾彎
利申:10年前環台
咁多年後最引以爲傲嘅正正係北宜公路
景色就係站在高崗上歌詞:
連綿的青山百里長呀巍巍聳起像屏障
但係行北宜就cut左corner
又去唔到極東極北 又冇左個大環
又去唔到極東極北 又冇左個大環
如果已經行左墾丁
再走東北角就重複另一次海路
我當時嘅planning正正係唔想咁無挑戰性
所以揀左北宜公路
除非你有行中恆
即係破風竇驍最後練山路嗰段
我想法係要挑戰自己
最後亦好無憾地完成北宜公路
北宜公路自行車只適合由南到北行
如果台北出發就太多重機車
不過，加油啦
能夠完成也是無憾的！
再走東北角就重複另一次海路
我當時嘅planning正正係唔想咁無挑戰性
所以揀左北宜公路
除非你有行中恆
即係破風竇驍最後練山路嗰段
我想法係要挑戰自己
最後亦好無憾地完成北宜公路
北宜公路自行車只適合由南到北行
如果台北出發就太多重機車
不過，加油啦
能夠完成也是無憾的！
Day5 05/06/2023 台中副本：日月潭 六月的第一場小雨
美好的一天從睡到自然醒開始！
根據預定行程，今日要去日月潭，由於我嘅踩單車路線喺海線，所以就冇踩單車，而係決定搭客運去位處台灣內陸嘅日月潭，順便當俾自己休息一天。
朝早十點半左右，我由旅館慢慢行去台中干城站，喺櫃檯確認可以用一卡通之後，就決定喺附近食個早餐先。
（台中，南投客運干城站，祖傳肉圓，肉圓/滷蛋，TWD60）
唔知大家有冇食過肉圓呢，我喺台灣以外嘅地方，未見過有賣肉圓嘅。
其實我唔係好知要點形容佢，我第一次食個時剩係有一種“我食緊咩？”嘅感覺。
姐係佢有類似粉粿外皮嘅口感，入面係包豬肉，味道則大部分取決於淋醬，而淋醬又分白醬同紅醬，口味偏甜，可以當小食亦都可以做主餐。
我做過個小眾調查，我食過肉圓嘅朋友有七成話佢係劣食，我就覺得還好。
食完早餐就啟程去日月潭了，唔知係唔係因為平日嘅關係，由台中市區去日月潭嘅車程只需要大概個半鐘左右。
呢度做翻個日月潭嘅簡介先：日月潭位於臺灣南投縣魚池鄉，是一座美麗的高山湖泊。潭面以拉魯島為界，東側形如「日」，西側形如「月」，故名日月潭。其周圍山重水複，林木蒼鬱，潭面廣闊水平如鏡，映照群山變化萬千。
佢附近嘅景點有：文武廟、慈恩塔、水社碼頭、九族文化村......（Source：日月潭觀光旅遊網）
總的嚟講，係一個可以休閒遊嘅靚地方，一日來回台中同日月潭又得，住一晚去埋九族文化村又得。
我第一次嚟日月潭係喺我啱啱入大學個陣，一個人踩住架單車環湖，個次係我第一次喺台灣踩單車，由朝早踩到傍晚，雖然踩到成隻死狗咁，但我諗，我踩單車環島嘅念頭或多或少始於個次環湖騎行。
上圖就係日月潭嘅開揚景色，喺台中個時天氣仲晴朗，嚟咗日月潭之後就多雲有霧。
晏晝一點左右，我喺水社碼頭落車，其實今次嚟日月潭，我並冇打算要去曬咁多個附近嘅景點，畢竟以前都去過。
於是我第一站去咗我以前住嘅民宿搵老闆娘吹水。
但老闆娘係完全唔認得我。
好彩時值晏晝，老闆娘除咗我之外冇人要招呼，都仲有時間陪我飲茶吹水。（日月潭嘅紅茶係當地嘅一寶，附近嘅手信鋪好多都會賣茶葉）
我本身以為台灣開關之後，嚟自香港嘅遊客應該最多，點知老闆娘話最多嘅遊客反而係來自泰國同其他東南區地區。
飲完茶繼續漫遊水社碼頭，行到一間我以前去過嘅露天酒吧，點知佢已經冇開，繼尋日東海大學路思義教堂之後再一次感歎物是人非。
人生總係有好多野係我一無所覺時悄然流逝，當我回過神來，只剩下滿腔嘅意難平。
水社成個碼頭區其實都唔係好大，差唔多兜咗一圈之後，我決定食個午飯先。
（日月潭，名胜風味餐館，竹筒飯套餐，TWD190）
個竹筒飯有一陣竹葉嘅清香味，同埋我幾中意食台灣d滷筍乾，其他小菜不過不失，但我個人口味唔係好鐘意蔬菜上面嘅沙律醬，個價錢喺遊客區李講都唔算太過分。
酒飽飯足之後，我決定做翻d運動平衡下頭先吸收嘅熱量，於是反手去附近嘅單車鋪租咗個電動單車嚟個開掛版小環湖。
美好的一天從睡到自然醒開始！
根據預定行程，今日要去日月潭，由於我嘅踩單車路線喺海線，所以就冇踩單車，而係決定搭客運去位處台灣內陸嘅日月潭，順便當俾自己休息一天。
朝早十點半左右，我由旅館慢慢行去台中干城站，喺櫃檯確認可以用一卡通之後，就決定喺附近食個早餐先。
（台中，南投客運干城站，祖傳肉圓，肉圓/滷蛋，TWD60）
唔知大家有冇食過肉圓呢，我喺台灣以外嘅地方，未見過有賣肉圓嘅。
其實我唔係好知要點形容佢，我第一次食個時剩係有一種“我食緊咩？”嘅感覺。
姐係佢有類似粉粿外皮嘅口感，入面係包豬肉，味道則大部分取決於淋醬，而淋醬又分白醬同紅醬，口味偏甜，可以當小食亦都可以做主餐。
我做過個小眾調查，我食過肉圓嘅朋友有七成話佢係劣食，我就覺得還好。
食完早餐就啟程去日月潭了，唔知係唔係因為平日嘅關係，由台中市區去日月潭嘅車程只需要大概個半鐘左右。
呢度做翻個日月潭嘅簡介先：日月潭位於臺灣南投縣魚池鄉，是一座美麗的高山湖泊。潭面以拉魯島為界，東側形如「日」，西側形如「月」，故名日月潭。其周圍山重水複，林木蒼鬱，潭面廣闊水平如鏡，映照群山變化萬千。
佢附近嘅景點有：文武廟、慈恩塔、水社碼頭、九族文化村......（Source：日月潭觀光旅遊網）
總的嚟講，係一個可以休閒遊嘅靚地方，一日來回台中同日月潭又得，住一晚去埋九族文化村又得。
我第一次嚟日月潭係喺我啱啱入大學個陣，一個人踩住架單車環湖，個次係我第一次喺台灣踩單車，由朝早踩到傍晚，雖然踩到成隻死狗咁，但我諗，我踩單車環島嘅念頭或多或少始於個次環湖騎行。
上圖就係日月潭嘅開揚景色，喺台中個時天氣仲晴朗，嚟咗日月潭之後就多雲有霧。
晏晝一點左右，我喺水社碼頭落車，其實今次嚟日月潭，我並冇打算要去曬咁多個附近嘅景點，畢竟以前都去過。
於是我第一站去咗我以前住嘅民宿搵老闆娘吹水。
但老闆娘係完全唔認得我。好彩時值晏晝，老闆娘除咗我之外冇人要招呼，都仲有時間陪我飲茶吹水。（日月潭嘅紅茶係當地嘅一寶，附近嘅手信鋪好多都會賣茶葉）
我本身以為台灣開關之後，嚟自香港嘅遊客應該最多，點知老闆娘話最多嘅遊客反而係來自泰國同其他東南區地區。
飲完茶繼續漫遊水社碼頭，行到一間我以前去過嘅露天酒吧，點知佢已經冇開，繼尋日東海大學路思義教堂之後再一次感歎物是人非。
人生總係有好多野係我一無所覺時悄然流逝，當我回過神來，只剩下滿腔嘅意難平。
水社成個碼頭區其實都唔係好大，差唔多兜咗一圈之後，我決定食個午飯先。
（日月潭，名胜風味餐館，竹筒飯套餐，TWD190）
個竹筒飯有一陣竹葉嘅清香味，同埋我幾中意食台灣d滷筍乾，其他小菜不過不失，但我個人口味唔係好鐘意蔬菜上面嘅沙律醬，個價錢喺遊客區李講都唔算太過分。
酒飽飯足之後，我決定做翻d運動平衡下頭先吸收嘅熱量，於是反手去附近嘅單車鋪租咗個電動單車嚟個開掛版小環湖。
師兄大癲，頭先睇翻宜蘭經北宜公路翻台北，總爬升成1200米。
簡直就係北部壽卡，可能再chur d。
簡直就係北部壽卡，可能再chur d。
加油！
樓豬呢
召喚樓豬
拖撚到一個月都唔更新一次
書接上文，我扭動車把，踩住架電動單車逆時針環湖，應該係因為星期一嘅關係，沿路行人稀疏，風馳電掣間就到咗向山遊客中心。
呢嗰遊客中心佔地都頗大，可惜我兩次嚟兩次都冇咩人流，不過幾適合影相同借廁所。上圖係遊客中心一個走廊位，我影完覺得有d似復仇者聯盟個logo。
離開遊客中心冇耐，突然下起一陣小雨。放眼望去，山上有雲，湖上有霧，到處都有雨，水以雲霧雨的形式，展現出大自然的美。
似有若無的有雨粉紛紛揚揚飄散在空中，空氣的味道亦為之一新。我好鐘意聞落雨之後，街邊樹木同泥土入面散發而出嘅氣味，有一種空山新雨後嘅清新感。
呢個係我環台之旅嘅第一場雨，落得適量且合宜，雨小而不至令人狼狽，時合而剛好我在休息。
踩咗大概半個鐘左右，我就到咗一條死路。其實都未必算死路，不過佢係一條長階梯，電單車上唔到去，要上去就要揹佢上去，單車鋪老闆都喺租車時建議我喺度打道回府，所以我就冇沿來路折返。
折返嘅過程中有條分叉路，我踩咗上去，中路會經過一條明潭隧道。
呢條隧道 內部完全冇燈，當我獨自穿越其中，時空就好似喺黑暗中無限延長，而黑暗嘅盡頭就係一點光源，個感覺好奇妙，我懷疑我喺入面等多排，話唔定就可以穿越時空。
呢嗰遊客中心佔地都頗大，可惜我兩次嚟兩次都冇咩人流，不過幾適合影相同借廁所。
上圖係遊客中心一個走廊位，我影完覺得有d似復仇者聯盟個logo。 離開遊客中心冇耐，突然下起一陣小雨。放眼望去，山上有雲，湖上有霧，到處都有雨，水以雲霧雨的形式，展現出大自然的美。
似有若無的有雨粉紛紛揚揚飄散在空中，空氣的味道亦為之一新。我好鐘意聞落雨之後，街邊樹木同泥土入面散發而出嘅氣味，有一種空山新雨後嘅清新感。
呢個係我環台之旅嘅第一場雨，落得適量且合宜，雨小而不至令人狼狽，時合而剛好我在休息。
踩咗大概半個鐘左右，我就到咗一條死路。其實都未必算死路，不過佢係一條長階梯，電單車上唔到去，要上去就要揹佢上去，單車鋪老闆都喺租車時建議我喺度打道回府，所以我就冇沿來路折返。
折返嘅過程中有條分叉路，我踩咗上去，中路會經過一條明潭隧道。
呢條隧道 內部完全冇燈，當我獨自穿越其中，時空就好似喺黑暗中無限延長，而黑暗嘅盡頭就係一點光源，個感覺好奇妙，我懷疑我喺入面等多排，話唔定就可以穿越時空。
樓主努力打工中...
召喚成功