[有圖]45日歐游分享

冇啊
我頭先Google先知有啲咁嘅嘢
好似好正
比自己一個藉口下次去旅行食

我哋冇寄嘢返嚟
因為我冇帶好多嘢去
幫條女帶咗好多嘢返嚟
返嚟嗰陣有半個喼都係佢啲嘢
建議你去當地嘅Post Office 問

睇個樣勁甜
平平地食Ritter sport算了

話唔定真係有
但主要同最出名係好多花個到
尤其係你都有影到, 有隻飛馬個噴泉
之前去多人到要排隊影佢

好耐無寫啦, 仲有人記得
希望你睇完去到無伏左你

之前KEEP住每年有去一次歐洲
之後COVID就停左3年
岩岩4月去左一轉

嘩屌而家咁柒
雖然之前綠色都唔見得好好
但而家好似精神病院D衫

點解唔再寫遊記

仲係咪度

第一張係用 Kodak 200 colour plus
相機係呢部

應該係我屋企第一部相機

感謝好有feel

洗咗幾錢

其實成日想寫
但好懶同太多相，一寫又2個月

等你出po呀

大約80k

嚟緊會慢慢出返

Day 5 7月30日 Königssee
嚟到薩爾斯堡
最緊要係搵一日去德國嘅國王湖(?
咁出發之前就梗係要買個包 醫肚餓
我哋就去咗一間醫院隔離嘅麵包舖買早餐

是靚早

食完早餐執好行李就出發搭火車去德國
咁由Salzburg 去國王湖就要搭火車去Freilassing 轉車


咁嗰陣係奧地利搭火車就唔使戴口罩
但係德國就要
啱啱轉完車就有人嚟check 飛
跟手就用德文問我點解唔戴口罩
我就用英文同佢講話 sorry 我冇口罩
佢就一路拎頭
一路講德文
但係我一句都聽唔明
佢就指住我 拉高自己衫嶺
跟住就走咗
我就全程用件衫遮住自己把口
到咗Berchtesgaden 第一件事就去便利店買咗口罩先


火車站出面嘅樣
咁我哋就要轉巴士去國王湖
班巴士就大概半個鐘一架
非常唔好彩
我哋啱啱落火車就走咗一架巴士
我哋就喺嗰度呆等咗半個鐘
上咗車之後
我就同個巴士司機講要兩張來回飛
佢望都唔望我
我在Hello佢
佢先好唔耐煩咁幫我收錢
仲要淨係幫我買咗單程
仲要勁惡
後尾諗返原來
原來嗰陣有$9飛
唔怪得之我前面上車嗰啲人佢唔check飛
佢應該以為我都有

搭咗大概15分鐘車之後
我哋就係 königssee 落車
落咗車我哋就行去國王湖嘅售票處
沿途仲有好多商店可以買手信 小食

呢個就係國王湖嘅地圖
買飛嗰陣記住要買去到 Salet 嘅船飛

第一站我哋就會去到St. Bartholomä
搭船就要40分鐘
全程會有船員喺度介紹沿途嘅景色
去到一個地方叫回音谷嗰陣
船長就會吹長號定唔知喇叭俾我哋聽返啲回音
都幾寫意

落船就會見到一個紅色嘅洋蔥頂教堂
都幾得意下
咁就喺度影吓相
同埋呢度嘅湖有好多小鴨 好正

行行吓就見到張長凳
就同女朋友喺度食喺火車站買嘅三文治
傾咗好耐偈
咁樣享受大自然 好舒服

臨走影嘅MK 照

跟住去返頭先落船嘅碼頭排隊上船

沿途見到嘅瀑布

我愛大自然


落船就會有個路牌指住你去 Obersee 呢個湖

沿途嘅風景

瀑布X2

終於行到去個湖
個感覺同好多年前去九寨溝差唔多
好寧靜 好舒服
但係我哋冇乜時間享受
因為我哋要趕尾班船
如果過咗尾班船 你真係可以喺到露營
嗱嗱聲影咗幾張相 休息咗三個字就跑去搭船

跑到一半發現仲有小小時間坐低影張相
呢個時候就見到頭頂有好多黑雲
心知不妙


冇錯 落好大雨
而且我哋剩係得一把好細嘅遮
唉 濕撚晒

離開嘅時候
識咗一個喺上海封城逃出嚟嘅中國人
佢話自己應該返唔到去中國
諗緊趁呢個時候去吓旅行
同佢交換咗好多去旅行嘅建議
一路傾到去火車站

去到火車站發現啱啱好走咗一班火車
要等一個鐘先有下一班
真係唔明點解班火車唔可以同架巴士夾一夾時間
明明大部份乘客都係咁樣搭
咁樣就浪費咗一個半鐘

我哋見到火車站附近有間Burger King
心諗香港啲Burger King都執得七七八八
返到去Salzburg 好大機會都冇嘢食
所以就喺度食咗Burger King



食完就搭火車返Salzburg

是日完！

Day 6 7月31日 Salzburg Ljubjlana
早晨 今日係最後一日喺奧地利
起身就瘋狂執行李
跟住就要check out
放低咗行李之後就走咗去市中心周圍行
行過見到有賣糖果嘅地方
仲有個露天cafe

所以就買咗一粒
一陣食完早餐試



是靚早
唔知係咪外國嘅月亮特別圓
外國嘅朱古力都特別好飲


莫札特朱古力嘅橫切面
我覺得繽紛樂好食啲
我見舖頭裏面仲有好多蛋糕


每一件都好吸引 但係後尾冇食到

我哋原本打算想去個城堡度睇
點知去到搭纜車嘅地方發現好多人排隊
所以最尾冇上到去

我哋後尾決定喺附近嘅市集行吓
行緊嗰陣發現一個打火機好靚
我平時每去一個國家都會買一個打火機做紀念
我就問個店主
This one doesn’t have gas inside,right?
佢就同我講
Yes, let me show you
跟住就一嘢捉住我隻左手
撻着個打火機
燒鳩我隻手
原來係嗰啲好勁嘅電子打火機
我即刻屌佢老母
去咗買咗支水淋我隻手

攞住支水同佢理論
佢就話錢我就唔會陪俾你
最多俾返支水嘅錢你
我見就嚟要搭火車走
就費事繼續同佢嘈
屌佢老母

我哋要搭呢一班火車去斯洛文尼亞
我哋去到火車站嗰陣 諗住寄Postcard
點知嗰一日係星期日
搵唔到地方買郵票
淨係寄到兩張
上到月台發現班火車delay
就企喺呢度等
等等下發現過顯示牌上面冇寫話去Ljubjlana
我就走去火車站問詢問處呢班車係咪去Ljubjlana
佢就話「應該」係

上返去嗰陣已經發現個月台勁混亂
因為班火車嚟咗
勁多人上落車
又勁多行李
好似打緊仗咁樣
幾經辛苦上到車發現完全冇位坐
而且好擔心呢班車究竟係咪真係我哋要搭嘅車
同埋呢班車上面所有廣播都係德文/聽唔明嘅歐洲語言
一啲乘車資訊都冇
後尾好彩遇到一個熱心嘅奧地利家庭
佢就話呢一班去唔到
但係可以係 Villach 度轉車
嗰度有火車去Ljubljana

去到轉車嗰陣令我諗到睇太子轉車去觀塘咁樣
成班人拖住喼沖去對面月台上車
因為上一班火車延誤
所以呢一班都會遲啲先開
跟住所有訂咗位嘅飛都「無效」
所有人都喺度搶緊位坐

有啲似細個去北京嘅火車

好好彩搶到個compartment 位
仲有兩個英國鬼妹同一個瑞士叔叔
我哋就喺度傾偈
跟住喺過境嗰陣就遇到一個意外
睇過緊隧道嗰陣
有個黐線佬行咗入隧道到
班火車就要停低
直到警方捉到個黐線佬出嚟
過隧道入邊冇燈
而且佢喺邊境上面
可能兩邊嘅警方溝通有問題
所以勁耐都捉唔到
而且隧道裏面完全收唔到訊號
個火車司機廣播仲同我哋講
如果book咗酒店或者B&B記住同佢哋講話會遲check-in
因為我哋都應該會delay幾耐吓
我就同佢哋講
都收唔到訊號
點樣打電話阿

後尾喺隧道入邊等咗差唔多兩個鐘先至出發
呢個時候心身疲累
喺Salzburg 又有血光之災
又俾個黐線佬燒親隻手
搭火車又勁混亂
仲要delay咗好耐
勁 bad trip

落車嗰陣已經係夜晚八點幾
再趕過去Airbnb Check in
跟住就求其搵咗間酒吧食晚飯
我哋已經冇乜心情食嘢
就求其叫咗個牛扒同埋雞翼


是靚晚
本身對酒吧啲嘢食冇咩期望
但係呢個牛就十分之嫩口
食落喉嚨好c伏
是日 完！

Day 7 8月1日Ljubjlana

早晨
今日Ex book 咗個 private tour
朝早8:30 要去個油站集合
但係起身已經係8:15
即刻閪奔過去

上車
而家出發去Postojna Cave

去到聽到廣播話個洞穴裏面剩係得4度
而我淨係著住件短袖衫
我勁驚係裏面會涷死
所以就比錢租咗件披肩
嗰ex 臨入去之前望住我講一聲：「weak」

件披肩勁似調查兵團嘅衫

會有一個鑛車帶你入去個洞穴裏面

個洞穴裏面就有好多鐘乳石

我就覺得好似假賓洲
沿途都係啲咁嘅風景 所以就冇影到相

行到最後 個導遊話佢哋喺個洞穴度發現咗呢隻四腳爬爬
咁就養咗佢
由於呢隻嘢好怕光
所以叫我哋千祈唔好用電筒照佢哋
螢幕上面就係呢隻嘢嘅實時形象
而且放大咗好多倍

臨走嗰陣 裏面有個souvenir shop
裏面勁多嘢都係關於呢隻四腳爬爬
懷疑呢隻嘢先係呢個洞穴嘅主角
裏面仲有得寫Postcard
而且仲可以喺個洞穴裏面寄埋
仲會有個好特別嘅印章
但係要快手啲寫
如果唔係會比導遊鬧
阻住下一班人參觀

睇完個城堡就行返上車去下一個目的地
途中仲見到燒豬

喺個洞穴附近會有一個城堡
呢個城堡最特別嘅地方就係佢係喺個山入邊

可以用來做LinkedIn 嘅pro pic

城堡入邊就乜嘢都有
Armoury, 炮台 甚至仲有一間審訊室

禁室培育

呢個係城堡望出去嘅風景
居高臨下 士氣高漲 守城一流

行完呢個城堡之後就去咗附近嘅一間餐廳食飯
我哋就諗住試啲傳統食物

我叫咗呢幾舊好似狗屎咁樣嘅燒肉
應該就係佢哋傳統嘅食物
感覺上好似希臘嘅souvlaki

至於ex就叫做燒芝士 同埋唔知乜嘢
對唔住 真係隔太耐 唔記得

我覺得我嗰幾嚿狗屎都幾好食
可能因為本身我係食肉獸
同埋嗰度有好多蜜蜂同你爭可樂飲

食完飯就要起行去另外一個景點 Beld Island
呢個景點就係湖中間有個島
島上面有個教堂

就係咁樣

喺湖邊有人會撐船送你去過到中間
當然要俾錢啦
呢個哥仔都幾好力
不斷喺度搖 冇停過

上咗島之後影咗幾張相就因為太熱去咗買Gelato 食

是靚Ge

島上面仲有得睇教堂 同埋爬一座塔
兩個都要俾錢
結果我哋俾咗錢之後太攰唔想爬
淨係去教堂睇咗眼


呢個就係塔底

我哋喺嗰島上面 仲見到火車站著火

有直升機喺湖度攞水救火

行完之後就落返去岸邊等哥哥送你返去
跟手就出發去最後一個景點 Blejsk Grad
但係因為火車站著火而封咗路
我哋兜咗勁大個圈先去到

都幾靚 可以係山上面睇返個島仔

嗰城堡入面有一個印刷嘅舖頭
可以俾你自己整一啲紀念品

最後就用咗一個當地嘅蛋糕結束咗呢個回合

返到市中心之後就係附近行下
見到一個好特別嘅地方
條街某個範圍會落雨

原來佢上面會噴水落嚟
其實去夏天嚟講都幾正
我都入咗去玩5分鐘先走

行到咁上下就搵間local嘅餐廳食下飯


是靚晚
條腸非常juice
好好食

仲叫咗個蘑菇湯
正正常常咁

呢個係ex叫嘅甜品
蘋果唔知乜鳩
我嗰陣已經飽到變傻閪
完全食唔落

Ex嘅畫作

食完就慢慢行返去 結束一日

完

冇諗過寫到分手都未寫完

Day 8 8月2日Ljubjlana

早晨
由於前一晚玩到好夜先返
今日遲咗起身
一瞓醒就出咗去
因為有報咗個local tour 講city centre
仲有得搭船（我好興奮
由於係一年前去嘅 好多detail我都唔記得
一開始就去咗一個教堂嘅門口

傳說中摸門口嗰個人嘅頭就會有好運
所以佢個頭俾人摸到變咗做金色

呢個水龍頭就特別啦
係要講一個咒語先至會有水出嚟
我覺得好似屙緊尿咁

跟住就上船
周圍都好綠
空氣都好好
嗰日其實好熱
架船揸得都幾快下
所以全程都好c服

落船之後經過咗一個local嘅market
導遊叫我哋等佢一陣
之後就買咗一盒莓俾我哋食

佢就話當地人好support local market
仲叫我哋都一齊support 下
呢個莓係我食過最好食嘅莓

跟住就繼續鳩揈


郵局
跟住去咗成個Ljubljana 最高嘅建築物食蛋糕

好似darkest hour 嘅樓梯
導遊叫女人同老人家擔𨋢
男人要行上去
性別平等？

上到去風景都幾好
導遊請我哋食咗件蛋糕就結束咗個tour

完咗之後就同Ex去返個local market 附近食嘢
順手買個生果食

頭先個導遊有講過一間餐廳
話啲local 好鍾意去 因為好平
我哋就諗住去試下


我哋叫咗條腸同一個湯
條腸就正正常常 冇乜特別
個湯就瀨撚晒嘢 好撚酸
仲跟一兜水泥比你一齊食
係幾平幾飽 但係真係好撚難食

仲叫咗個dumpling 我甚至乎唔記得咗佢係咩味

仲之我覺得好飽 好唔好食

餐廳地址：https://maps.app.goo.gl/bdJP6gsYmUGDhYur8?g_st=ic

仲比我哋見到部唔係巴斯克消毒法嘅自助牛奶機

我懷疑佢哋虐畜 收埋咗隻牛喺入邊
但係我都有買嚟試下
我覺得仲淡過維記牛奶

跟住就去Ljubljana castle 睇風景
要買飛 搭纜車上去


睇完就喺上面間cafe 度食個下午茶



呢個類似雞肉pizza 好好食

食完就慢慢行返B&B

今日好早就返咗去執行李
因為聽朝起身要長征

完

Day 9 8月3日 Ljubljana, Rovinj

早晨 一早起身就係去寄post card

今日我哋要搭旅遊巴去克羅地亞
呢次旅程搭咗好多次呢啲濕鳩旅遊巴
架架都delay
都唔知佢嚟咗未
又唔知佢邊㗎打邊架
好彩冇試過上唔到車

呢架就係我哋搭嘅巴士
原本我哋諗住搭到Pula 睇埋羅馬圓形競技場
但係唔想太chur 所以就直接去Rovinj

沿途會經過一小段意大利
所以fog of world 順手解鎖埋意大利

由於我一定要瞓喺度先至瞓得着覺
所以我全程喺度睇風景
個ex 瞓到失去意識咁
經過意大利嗰陣 個風景都好靚

我哋過境嗰陣克羅地亞仲喺度申請緊加入歐盟
所以都仲有個關口喺度

不過都好快手就俾我哋過咗去
都只係有一兩個海關上嚟睇吓Passport咁
其實成車都係白人
淨係睇咗我同我ex嘅Passport佢哋就落咗車
But that’s ok, understandable

過咗境之後就放咗5分鐘尿break

搭咗三四個鐘頭巴士之後終於到達我哋嘅目的地

一落到嚟就覺得自己好似去咗落後地區咁樣
或者係比較舊嘅南歐城市
我哋見到巴士站有得買長途巴士嘅飛
就順手買埋聽日去Rejika 嘅飛

跟住就推個篋去Airbnb嗰度
係嗰啲垃圾石仔路
仲要推上斜
30幾度 正午 勁大個太陽
推到勁想死
Check-in嗰陣個屋主係一個意大利人
佢就完全唔識英文
靠住Google Translate同佢溝通
跟住佢話好多意大利人都移居去呢個城市
因為呢個城市消費比較平

放低咗行李之後就去City Centre鳩揈


我諗起細個玩CS嘅嗰張意大利圖


是日嘅Gelato

爭啲唔記得咗同大家講
我哋嗰陣落車求其搵咗個報紙檔唱咗少少克羅地亞嘅Kuna用住先
同B&B個host 傾完之後得知銀行嘅匯率係最好
所以就搵咗間銀行排隊
結果排咗勁耐條隊都都冇郁過
跟住就話行吓先 轉頭返嚟睇吓
結果一出銀行就見到個遊客中心
個匯率同銀行差唔多
就直接喺嗰度換咗
不過佢哋而家好似已經全面使用歐羅
大家唔使再擔心唱錢呢樣嘢
我都好好彩有使剩啲Kuna 當係留個紀念

行到攰就喺附近用Google Maps搵咗間評分唔錯嘅餐廳
佢係喺個巷仔入邊
勁有feel


呢個係ex叫嘅墨魚飯
因為我唔係好鍾意食海鮮
所以我冇試

呢個係我叫嘅類似蕃茄肉醬意粉
但係係一啲特別嘅pasta
唔錯
但係我覺得有啲太鹹

地址喺呢度

https://maps.app.goo.gl/26Yy77adXvj3f7Rg7?g_st=ic

食完飯休息夠就沿着啲路行上山


就有個教堂喺山頂
咁我哋就喺教堂附近影咗啲相

係一望無際嘅大海洋
亦都係呢個旅程第一次見到一望無際嘅海

沿路都有好多唔同嘅小店
Ex就買咗件泳衣
我就買咗當地一間酒廠嘅布冧酒

行到咁上下就返b&b
因為我地想去beach bar 睇日落

Croatia 嘅海邊其實有好多三尖八角嘅石同海膽
所以我都有聽個host 講買咗對水鞋

出發去beach bar

七點幾都勁好太陽

我地就係去呢一間beach bar

https://maps.app.goo.gl/BjddK7xmYjP69fyS6?g_st=ic
去到就問清楚價錢 跟住同佢講要邊張床
佢就幫你開 跟住就可以曬下太陽啦

我就諗都唔諗 跳咗落海游水

游到咁上下就曬下太陽 跟住就睇日落

鬼妹同日落

喺歐洲第一次睇海同日落

Hea 到日落之後就去食晚飯
沿途返去仲見到好多餐廳開緊
我哋就求其搵咗間仲有幾個人排隊嘅餐廳

呢個係Ex叫嘅頭盤
唔知咩吞拿魚他他同埋海鮮刺身

呢個係佢叫嘅青口

呢個係我叫嘅雜扒
大滿足
好似食緊茶餐廳咁
餐廳地址：https://maps.app.goo.gl/3q4cfMQHcbtKjFpq8?g_st=ic
食完一陣慢慢行返去
跟住就要洗今日嘅污糟衫
因為聽日又要離開去另外一個城市
勁攰

完

Day 10 8月4日 Rovinj, Rejaka

瞓醒又要執行李
臨走個陣先知個host 自己會種提子


我哋係Croatia 裏面搭嘅所有巴士都喺呢個app 到買
但係咁多次都有delay

落巴士第一件事就係check in
今次book 嘅 bnb 係一間好cozy 嘅閣樓仔
去到就發現大撚鍋
係冇𨋢嘅
跟住地下上一樓係香港樓層嘅一倍高度
最屌閪嘅係我地淨係喺度住一晚
我就要搬我自己同個ex 嘅行李上去
屌
搬完好攰
於是去咗間cafe 食下午茶
聽講佢嘅蛋糕好好食

結果係賣晒嘅

淨係叫咗兩杯嘢
好chill 咁傾下計
飲完就去咗鳩Fing
仲去咗Zara 買衫
都平香港幾多下

仲去咗食M記
呢個係炸雞柳 另外應該係足三兩嘅朋友
都係普普通通
3/5啦


最特別係行行下馬路會有架火車係隔離經過

唔知係咪因為搬完喼
成個人勁肚餓
於是乎又去咗食飯

小弟係唔食海鮮嘅
但係諗到地中海嘅海鮮嘅出名
應該點都要試下
所以就搵咁間係街邊又望到碼頭嘅餐廳食飯

好歐洲嘅感覺（廢話

佢一嚟就上咗一兜麵包俾我哋食

所以就叫咗呢個青瓜蝦意大利飯
比想像中好食好多
都接受到

Ex 就叫咗呢個唔知乜撚魚
我試都冇試
因為我聞到個汁都頂唔順
餐廳座標： https://maps.app.goo.gl/zu4HDgqiMd826icG7?g_st=ic
食完飯就去個碼頭嗰度再睇多一陣海同埋日落
跟住就返咗B&B休息
原來第二日係克羅地亞獨立日
所以佢哋就係夜晚瘋狂放煙花
我哋喺佢閣樓嘅窗仔度望到啲煙花
唔知點解有種苟且偷生嘅感覺

今晚都係早瞓嘅
因為第二朝瞓醒又要要搬篋落樓趕巴士
事後睇返我應該花多啲時間喺個碼頭度Hea
因為我都真係幾鍾意睇水文嘅嘢

是日完

點解分手阿?