[有圖]45日歐游分享

近排開始返工
蛇王緊嗰陣唔知做咩 係噉睇返上年去旅行嘅相
醒起之前有打算寫旅遊日誌 但係只係開咗個頭
所以趁仲有記憶 而家慢慢寫返 順手同大家分享一下

游你老母

7月24日 Day 0 香港
臨急臨忙執好行李，就出發去機場。就係為咗用我兩年前申請嘅信用卡可以入去嘅lounge

就食咗一個pancake，一碗好撚難食嘅魚蛋粉。我記得嗰晚機場好熱 聽嗰度啲人講話冷氣有問題。喺嗰度飲咗好多杯嘢飲。

喺就嚟上機嗰陣，我醒起我唔記得帶國際車牌。喊出嚟，我仲喺希臘租咗車。

好啦，上機啦。

我搭嘅係瑞士航空，上咗機先發現原來個位係冇電掣，仆你個街仲諗住用iPad追番啲動漫，睇睇下冇電都唔知點算。
過咗一排空姐開始派晚餐


舊包係同舊石冇咩分別，個飯就還可以接受，3/10啦。唯一可取嘅地方就係派飯個空姐好撚正。
我收咗餐盤之後，就開始熄燈瞓覺，我叫咗杯 Gin tonic 飲，睇咗一陣輝夜姬同埋spyxfamily 之後就瞓覺。我平時喺飛機係瞓唔着嗰啲人，今次應該有瞓到五個鐘。可能喺香港真係太攰。

去到臨落機前個半鐘開始派早餐。


早餐個包同晚餐一樣，仲硬過我條命。個蛋就出晒水，但係意外地好滑。我對於呢程飛機嘅評價係：架飛機啲硬件好差，但係啲空姐好正，同埋服務都好好。

仲有樣嘢想屌，我喺CSL買咗個航空漫遊，$98一日。屌你老母上到去收到信號但係用唔到。


7月25號 蘇黎世 維也納 Day 1
其實喺瑞士冇做啲咩，只係好普通咁食咗個早餐就轉機。同埋覺得好開心，已經三年冇去過旅行，好耐冇見過金髮大波鬼妹。

坐咗一個半鐘頭飛機就到咗維也納

落機第一件事就梗係拎行李，跟住就搵方法出機場。維也納機場係有機場快綫出市區，但係買飛嗰陣就好唔順利。唔知點解我張Debit卡俾唔到錢，就諗住搵counter買飛。終於排到我嗰陣個靚女職員同我講話佢要收工，叫我搵第二個counter買。嬲撚到我，我仲要搵唔到有第二個counter賣飛。後面就死死氣咁用信用卡買咗飛。班火車淨係用咗十幾分鐘就將我送咗去市中心。

去到市中心之後，終於見到我女朋友。因為少少意外，佢自己一個係歐洲已經旅行咗一個月。

落咗火車之後行咗一陣就返咗Airbnb，之後就去咗睇 St.Stephan Cathedral.

小弟唔係成日影相，影得差，希望咁多位巴絲唔好屌。行咗一陣就發現好肚餓，所以就搵咗一間食傳統維也納菜嘅餐廳食飯。

女朋友叫咗維也納炸豬扒同埋薯仔沙律，個豬扒好脆，但係我覺得有啲太鞋。

我叫咗一個牛肉燉湯。好濃味，好好飲，配埋啲炸薯仔同埋酸菜食就好正。但係啲肉都係太鞋。

因為我係飛機冇乜點瞓，所以就有好大時差。返咗B&B抖一陣，跟住夜晚就去咗睇歌劇。原本諗住去維也納國家歌劇院睇，但係上網搵下先知原來7月係冇得睇。咁所以就搵咗第二間叫Musikverein 嘅歌劇院睇。

今次睇嘅全部都係莫札特嘅歌劇。雖然一個字都聽唔明，但係我知道佢有唱到魔笛嘅Hell's vengeance boils in my hear。嗰個女高音真係好勁，聽到我起晒雞皮。佢唱完之後全場企起身拍咗一兩分鐘手掌。
最後就用咗一個Gelato嘅去結束第一日嘅旅程。

打錯字
SORRY

奧地利係我一個幾鐘意嘅國家
要風景有
要雪山有
要景點有

除咗啲嘢比較貴都無乜缺點

Anyway留名支持

有無行程？
45日留名睇吓會唔會寫得完

去咗Austria, Slovenia, Croatia, Greece, Germany 同 Denmark
而家諗住每日返工寫
希望可以一日更新一次

睇緊 希望唔爛尾

留名 準備聽日開始去一個幾月

G 持
定期更新唔易，加油

留名支持
冇帶國際車牌咁點

我敢打賭，99%既人唔係一口氣出既都會爛尾

LM

好懷念以前grad trip又係去歐洲一個月

嗰陣去到每個城市就去遊客中心攞份地圖／買份地圖（好記得阿姆斯特丹嗰份7蚊歐羅）睇住嚟行

然後約咗朋友喺蘇黎世車站會合但到咗時間都唔見對方，要開漫遊嚟打電話搵佢哋

叫我家姐幫手寄掛號去希臘間酒店
順手email酒店 叫佢幫手收

已經寫好咗第二日
今日放工返屋企用電腦upload
我都希望堅持到落去

多謝支持

試過打漫遊打到千幾蚊
以前冇外國sim卡去旅行真係第二種感覺

btw 地圖通常hostel有？

睇地方

Magdeburg我住Hundertwasser間嘢，印象中就冇

留名支持
舊年去咗接近120日
有諗過下出帖 但太長冇心機整

所以都係睇人哋寫就算

巴打定絲打？

Day 2
7月26日 Day 2 維也納
瞓咗一個好覺之後
朝早起身就去買早餐
嚟到歐洲就好想瘋狂食麵包
所以去咗附近嘅一間麵包舖

女朋友嘅早餐

是靚早

因為驚我有時差
所以女朋友將頭一兩日嘅行程plan得輕鬆啲

食完早餐之後就落街鳩揈
喺Vienna 每一個建築物都好有歐洲特色(?
同埋每行幾步都會見到有個雕像/藝術品







仲喺街邊啲美食車食咗條腸 好撚多汁好正
最後就行咗去 Hofburg Imperial Palace

咁我就去裏面睇咗以前呢個皇宮用嘅銀器同埋以前一個茜茜皇后嘅展覽 咁呢個皇后就被譽為全世界最漂亮嘅皇后


皇宮裏面有個中庭
我就好想影一張瞓喺度嘅相


呢個就係個展覽嘅門票 上面呢個就係傳說中嘅茜茜皇后
話說近排係香港國際電影節睇咗套關於佢嘅戲
都幾好睇

皇宮嘅模型（我記得呢度好似唔俾影相）

睇完展覽之後就又去咗鳩揈
去咗個叫Naschmarkt嘅街市度行 同埋食lunch

冇錯又係佢

仲有 frozen yogurt 而家香港好似冇乜地方有

維也納雙餸飯

同條女行咗一陣街
我覺得呢個乒乓波套好似SM嗰啲綁蛋蛋啲嘢

行行下就見到傳說中嘅多瑙河

跟住仲去咗睇呢個 Hundertwasserhaus
呢個係一個藝術家設計嘅一個公共住宅
佢就設計咗一個人類同自然共生嘅公共住宅


我就覺得好似一個打完仗 荒廢咗好耐嘅建築物咁樣 唔係好識欣賞

仲有英國嘅電話亭

行完已經好夜 啲餐廳大部份都閂咗門 所以最尾去咗食個burger 就結束呢一日

巴

原來係咁