話說係2Mar 係深水埗一間錶店買咗隻G Shock GST B100D-1A鋼錶，過咗幾日我先戴，戴咗兩日咁啱望45分個位置時，先發覺錶裡面有一個位崩咗
之後我9Mar 就拎返錶舖，當時佢睇完就問我有冇拆過隻錶之類，咁我話冇，佢話需要返廠check咗先，要睇返係唔係人為，跟住我就問其實咁嘅情況，如果check 咗唔關我事，係會維修定係換過隻新，佢就話佢地會要求代理換過隻新，咁我就拎個包裝盒個d諗住比返佢，佢就話唔洗，咁我都覺得有d奇怪，咁佢可能覺得都未必換新，所以唔收住，張單如下
當時佢話代理未必有貨，所以就算換新都可能要等一個月左右，如是者去到
23Apr - 我whatsapp追問有冇消息，佢話過兩日覆我
7May - 冇覆過我，我就再問，同日佢話casio個邊未覆，佢話過兩日覆我，我就問佢邊間代理（香港應該得兩間）同呻咗幾句，佢話係Jebsen，會盡快覆我
11May - 主動whatsapp我話追咗代理，要下星期先覆到
18May - 冇聲氣，我whatsapp問有冇消息，冇覆過我
到咗25May，間錶舖終於打比我話隻錶拎得，我問佢係咪換咗隻新嘅，佢話隻錶維修完換咗錶玉，叫我可以去拎，當時我啱啱訓醒所以都唔想嘈住
然後我上返間錶店網頁睇過，網頁有寫（10天有壞包換）
我當日拎返去，阿老闆都有問句點解咁明顯我會睇唔到，我承認我係冇留意到，因為成隻錶銀色，而我都冇諗過裡面會有咩大問題，所以只係check咗個外觀就買咗，但係又咁講，個隻錶本身係最後一隻，包晒透明膠保護，買先可以拆嚟睇，咁間店包膠同放去玻璃櫃個時都冇人見到啦，我見唔到有幾奇？
我覺得我等咗成三個月，間店先同我講維修完，姐係要成差唔多三個月先知冇得換新同只可維修？另外如果隻錶係出廠問題，係咪應該間店舖換過隻新比我，然後自己同代理搞返掂去？點解要我等成三個月？如果過咗7日or網頁標示嘅10日，拎去維修我接受，但當日舖頭答我，同張單都寫咗係要求換新，我唔明點解依家話換咗裡面，就可以咁樣比返我
有d人買隻錶日日戴，咁樣等你三個月啊？我唔係有錢人，但都唔係話自在個二千蚊，屋企d錶我都夠我戴10年8載，但依家係嬲，日追夜追咁，應唔應該去拎隻錶，想聽下各位意見
搞咗成幾個月都冇錶戴真係慘
亦都冇聲冇氣由鳩你
