由何廣沛、麥美恩(Mayanne)、馮盈盈、郭子豪、彭慧中、方紹聰(奶仔)及羅毓儀(Yuki)擔任主持的TVB競技遊戲節目《真係唔好笑》,於4月1日起逢星期六播映,原定一共13集,但突然遭到TVB腰斬,今日(20日)將會播出最後一集,只播出8集!
節目每集均會邀請不同嘉賓,與主持分成兩隊上演連串搞笑對決,各人要在不同的搞笑攻擊下忍住笑聲,一旦笑出來就要接受大懲罰!其實早於去年已經傳出曾志偉看畢節目首集後有感「真係唔好笑」,欲抽起不播,千萬製作費倒水落海,但事隔一年大執之後,全輯13集綜藝節目終於開播。
FYY被兜頭笠絲襪、整白成塊面、黐上「曱甴腳」眼睫毛及畫上大紅唇。(影片截圖)
不少觀眾「大讚」節目果然如節目名一樣:「真係唔好笑!」(影片截圖)
可惜,節目播出後反應一般,TVB更一直未有公布收視,加上播出時間一改再改,如今更遭到腰斬,可見節目質素!