有冇沙駕考車既巴絲（10)

有冇沙駕考車既巴絲（8）
https://lih.kg/3137191
- 分享自 LIHKG 討論區

接上個post, 再次恭喜三萬絲

之前淨係上過沙駕師傅，今日第一次上街外補鐘，師傅好好人無鬧過我
仲教得好仔細，有問必答
忽然懷疑人生，明明我係想易pass先報沙駕，點解出面師傅仲教得好咁多...

沙駕唔好咩？之前無追過Post，我都係沙駕考

年代唔同，以前駕駛學院學員就係客，師傅有服務有服侍，講嘢彬彬有禮，仲會幫你開車門。

而家資訊發達，多咗人學車又多咗人教車，街師傅鬧大聲啲都俾人網絡公審，寧願好聲好氣同你補多兩堂，等你推介俾多啲朋友，唔同以前屌到你上心，屌到你一take pass，唔好阻到佢後面學生啲schedule

十幾廿年前，好嘅師傅一定係嚴格，遲到都屌到仆街，大把學生搵，而家師傅都要搞公關，你考完要同佢合照影相擺上佢Facebook

好似都有好似師傅，但我個師傅就一般，我報左棍van，成日比師傅鬧，但又唔知自己錯乜，而家都無自信handle到棍波想轉自動都唔得....但如果街外考，想轉自動就可以考個日租自動van就ok, 沙駕唔得

我星期三上第一堂實習堂，個師傅又幾nice，除咗轉彎唔係好慣同踩Break重手咗之外，其他斜坡停車開車轉波都係聽佢教一次就做到
叫教得幾清晰，做錯又唔會屌。
個師傅話第一次學車，邊會咁快識，慢慢嚟啦，你算上手得快。
聽完之後個信心係會大咗，好彩個師傅係正常人

恭喜師兄遇到好師傅
不過可能都係因為我太蠢，所以先比師傅炳
我師傅平時都會安慰我，話正常無咁快出街，你第x堂已經出左街，快過人地好多架喇
......雖然佢係堂堂都講

師兄你係幾時考車啊？我聽日上第二堂，再去練下車先，唔知幾時可以揸出街呢

我6月27考，上個post見其他師兄講，好似係第三堂左右就有街揸出街
記住揸出去唔洗慌，啲野慢慢黎聽足師傅講去做就得
我聽日都街外再補鐘，不過係試另一個師傅

咁都就快啦喎，得返一個月，加油啊，總之記住啲Step唔好亂，認熟條路線就掂，祝你一Take Pass

第三堂出街不過都係俾人屌到懷疑人生

但我今日先第一次行考試路線....仲要由街外師傅帶我行一次

希望大家都可以一take pass到

i feel that feel bro

唔好怕畀人屌，要有信心
有時佢地屌你好過唔屌，唔屌可能係廢鳩事理你等係retake
要肯畀油，唔好怕死火同停唔切，師傅一定會睇實
同埋唔好聽死一面，即係唔好信晒出面補鐘講既野，但係又唔好信死學院既野，好多時d野真係50／50，自己揸多幾次就會理解到
enjoy 😉

加油呀各位

一般來講第一堂學基本操控，俾你係場行下， feel 下架車，第二堂就學調頭，上斜開停同泊位，第三堂就出街

但我上左4堂，先學完調頭，仲未學泊位

真心睇咩導師，我上緊果個見你揸唔好，屌完唔會講你有咩錯，係之後你問返佢，屌住咁講返你有咩錯，或者之後佢記得先講返，但最後都串串地咁，醒啲啦

有一次佢唔得閒，有一個女導師，教得好有心機，佢鼓勵咁講，你下次咁咁咁會好啲，落堂好有心咁問，有無野想問架，無就落堂？ 我唔知佢叫咩名，但知佢架車係900號

我嗰個第3堂就話我一定肥佬

係，我果個都咁講，你等肥佬啦！ 佢好鐘意咁講，最後果幾堂佢堂堂都咁講

我以前個師傅姓嚴，好比心機教唔會鬧人，第一第二堂泊位掉頭斜佬開車第三堂開始。去到後面有一堂未瞓醒冇去到最後都一tick pass

好快就出得

咦，我果個都係咁，同我講話：肥佬係基本，個個都係肥既，你準備定考幾次啦

我係第二堂已經出左

同一日考，不過早你一日mock