有冇中式菜式炸粉脆漿既大全？

鮮魷主要有兩隻做法

我整嘅係1，唔係2，1嗰隻就可以點准鹽/ 椒鹽/ 喼汁
大牌檔椒鹽鮮魷係2
我個人唔鍾意咁樣成層炸衣，出面食都炸得唔好會成層甩出嚟

通常油温未夠就落鑊炸會易甩粉，又或者你魷魚鬚冇揾廚紙索乾身先上咗乾粉再上脆漿。唔知你係咪薯粉粟粉麵粉三樣一齊落鑊一樣油温比較

吸水力好只係講緊糊化時hold得多啲水份，同炸完脆唔脆嘅關係唔係好肯定都可能同啲分子排列結構有關

你試一次咪知囉

第2呢

無研究

參考下台灣用樹薯粉（木薯粉）炸嘅方法
應該好食過上面嗰隻

https://youtu.be/vVJmGCg5DjY

外國除咗麵粉，其他粉都好貴

香港賣嗰啲都係泰國印尼出
去呢啲舖頭搵下囉

我估佢2係比較似呢隻，一次過俾少少蛋汁打底，再堆啲生粉。有時慳功夫我都會類似咁整，一兜搞掂，唔洗用三兜嘢 乾粉/蛋汁/乾粉or粉漿

https://youtu.be/oFNVDiXpZW4?t=6m57s

你有冇煮過椒鹽鮮魷？試過咩食譜最好食？

當然整過，不過我唔係整嚟賣，所以次次整都可能唔同，冇話最好嘅食譜。煮嘢都係隨心，想要乜嘢效果就隨心做，好似你上面條大陸片我都睇過，但係我就唔係好在意佢啲乜乜糊物物糊夾硬安個名堂雖然佢商業用有固定份量比例係啱嘅，自己煮就可以多啲變化自己explore吓。

記得整過一個炸魷魚鬚係上 蛋白/米粉/蛋白，做出嚟太light易回潮咬落冇乜口感效果其實唔係咁好，都係用番薯粉咬落有少少卜卜脆好食啲。

點先叫大排檔風味？

海鮮我都係鍾意就咁上粉，連蛋都唔落

除咗魷魚斑腩fish & chips仲炸啲乜海鮮？

中式炸槳係咪類似炸生蠔果種？
好垃圾囉，吉烈完勝

咁又唔關中唔中式事，炸魚薯條唔通又吉列咩唔同做法唔同風味姐

中式都係魚蝦魷魚㗎啦，加多樣蠔

好多細魚都可以炸，多春魚細黃花

唔知你有冇見過，我喺香港街市都係見過一兩次
冰枱有時會賣蝦毛，用嚟炸或者炒蛋好Q好食，不過唔洗上粉

https://youtu.be/IRr-fGxePP4

呢個日本仔好搞笑
不過佢都算好用心，有D技術

你去唐人街或者東南亞雜貨鋪搵搵會平好多，我通常去買粉同時買埋辛香料，雪櫃位通常會搵到香茅，kaffir lime leaves之類既野，仲有細包裝既香料，一兩蚊美金一包cumin，coriander seed，一蚊一大包黃姜粉等等，價錢係鬼佬超市幾分之一。

我都偏向上乾粉，唔鍾意炸到一個殼咁除非好似fish&chips咁唔用脆漿就唔係嗰回事

食過啲鬼佬用細河蝦就咁撲少少粟粉炸到好脆好香口勁正美味可以好簡單

我以前都有去釣呢啲沙鑽番屋企炸嚟食，勁正

麵衣軟硬呢個永遠討論唔完，有人覺得如果材料本身較淋就應該配個輕啲薄啲既crust做light crunch效果，但係反其道而行配個脆口啲既殼黎突顯個contrast又好似講得通喎。
日本仔炸tempura個漿本身都夠簡單啦，但係你去高級專門店食佢又鍾意個麵衣薄到包一層紙咁，又係另一種食法，都好難好絕對咁講邊樣好啲。

螢光汁？