[PC/Switch] 世界樹的迷宮I、II、III HD REMASTER 討論區（6月1日發售）

唔知今次又有幾多新人比FOE嚇到del game

大家會玩1,2,3邊隻先 點排

今集有無中文
每集都係玩到十幾層熔岩位就收埋隻game

Switch港版有。
PC就全區多有。

第一次玩世樹，有無巴絲答到呢隻game嘅難易度
10分為最難，1分為最簡單

個人認為
I - 7
II - 10
III - 7
其實III都唔易，但因為多咗航海quest同某個職業，可以加快升lv，變相緩和咗難度
II據聞有人會喺教學部分全滅

洗唔洗升爆lv先叫勉強夠打
有無分一二周目？

距離發售剩番唔夠半個月，趁機會得閒就整理下攻略資料
歡迎各位冒險者補充資料同發問

如果諗住玩日文版嘅，基本上睇住舊作嘅攻略Wiki玩就實食冇黐牙
SQ1：https://w.atwiki.jp/sekaiju_maze/
SQ2：https://w.atwiki.jp/sekaiju_maze2/
SQ3：https://w.atwiki.jp/sekaiju_maze3/
（日文簡稱SQ取自Sekaiju No Meikyuu）

I、II、III基本共通特點
以下係舊作情報，如果揀Expert以外難度可能會有啲唔同

1. 角色等級上限
爆機前嘅上限係70lv。爆機後做某啲嘢可以逐步開放呢個上限，但攻略本篇期間當70封頂就得。

2. Game Over後果
全滅後會直接返出去遊戲Main Menu，load番存檔就可以再挑戰。
見到以下畫面無數次乃所有冒險者必經之路，無須氣餒。


3. 職業解鎖
一開始並唔係所有職業都可以創到，玩到中後段會解禁新職業。
I：ブシドー(Bushido)、カースメーカー(Cursemaker)
11F搵到某個道具可以解封ブシドー。
16F搵到某個道具可以解封カースメーカー。
II：ペット(Pet)
打贏5F個王，返嚟拎埋個道具就可以解封ペット。
III：ショーグン(Shogun)、アンドロ(Andro)
有兩點要注意。
第一，III一周目只可以解鎖其中一個職業。遊戲去到中段會有個分歧，視乎冒險者嘅選擇，只可以獲得兩者其中一種。如果玩第二周目，揀另一個選擇，咁就可以拎埋另一種職業。
第二，如果揀解鎖アンドロ，創新角時就唔可以創ショーグン，但副職業依然可以揀佢ショーグン；相反，如果揀解鎖ショーグン，不但創角唔可以創アンドロ，連副職業都唔可以揀アンドロ。

4. 休養同引退
休養：降低角色5lv，reset技能樹，重新分配SP（技能點）。
引退：引退既有角色，創新角色。新角色會有更多SP可以用，基礎能力值都會高啲。加姆多視乎引退角色嘅lv而定。

5. Buff與Debuff
不論敵我，每個角色最多同時可以有3個Buff同3個Debuff。如果喺已有3個嘅情況下套用新效果，會overwrite咗最舊嘅效果。相同嘅Buff或Debuff再用就會延長效果，直接加長生效回合數目。

III有啲位只玩一周目會睇唔晒，而且係multi ending
I同II就應該唔會

呢隻驚升lv嘅效果不大，而且去到適正lv其實就已經好難喺嗰個階層度再升落去
只要揀得Expert難度就應該所有王同FOE都係勉強打得贏，絕唔會有躺住過呢種情況
最影響到戰況嘅係技能樹同職業配搭
如果卡關，換職業or重新分配技能樹，會有效過原地升lv
除非好似V打後咁，有得狂刷啲送EXP嘅DLC任務

好期待呢隻
以前nds年代無中文，但見啲角色好Q買黎玩
點知卡咗係一開頭果到
直到依家出remake有中文，要爆番佢

航海喺點玩架 同埋好似得3先有得合作 合作又喺點玩

放心，當年中「封面詐欺」嘅絕對唔止你一個
世界樹唔係升lv監粗打就過到嘅game
有時如果冇某啲技能（或用道具搭救），咁有啲怪就肯定打唔贏
所以睇得明內容都幾重要

世界樹喺掌機帶起Wizardry熱潮，促使咗好多類似嘅廠出同類遊戲
你講嗰隻，劍與魔法與學園物語，到後來嘅Persona Q
希望有幸見證呢股熱潮再度興起

I同II都淨係可以入世界樹迷宮打，III多咗另一個獨立嘅地圖，叫大航海，顧名思義可以揸船出海
喺海度都係可以自己畫地圖，而同世界樹迷宮唔同嘅係，迷宮有30層，大航海得一層

III有兩個聯機要素，交易同大航海任務，兩樣都係同大航海有關嘅
1. 交易
其實即係NDS/3DS嘅瞬間交錯通訊功能（すれちがい通信）
可以同其他擦身而過嘅III玩家交換Guild Card同交易品
HD Remaster版唔知會點處理呢part
可能會學IV變QR Code形式
2. 大航海任務
可以當係芒亨形式，或者劍盾、SV嘅Raid
同NPC接大航海任務之後，最多可以集齊五個玩家，一齊挑戰個任務嘅Boss
如果選擇唔聯機打呢啲quest，solo亦冇問題，但就要用遊戲安排嘅固定NPC去打

當初公式話過，就算完全唔掂呢啲聯機要素，亦完全唔會影響爆機
挑戰大航海嘅時候，淨係自己同NPC共鬥又得，搵埋朋友仔合力挑戰亦可

未玩過, 如果只可以買一隻, 巴打推薦玩邊一集?? 時間有限玩唔到咁多game

唔介意multi ending的話，玩3
玩法最豐富，職業數目最多，而且有副職業

當初世界樹迷宮出嘅時候，官方講過話呢隻game嘅宗旨係無論點砌隊，都唔可能單靠一隊五隻角色完成所有願望
例如放咗tank，可能就擺唔到異常狀態職
砌咗火屬性特化隊，遇到火屬抗性高嘅敵人就會喊出嚟
砌極都總有某啲問題係解決唔到，呢樣係世界樹嘅核心價值
副職業可以話某程度上緩解咗呢個掣肘

第4點I、II同III幾制差異頗大，之前撈亂咗，依家改番實際改成點就要等出咗game後再實測

4. Buff與Debuff（更新）
不論敵我，每個角色最多同時可以有3個Buff同3個Debuff。
I、II：如果喺已有3個嘅情況下套用新效果，會overwrite咗最舊嘅效果。相同嘅Buff或Debuff再用就會reset生效回合數。
III：如果喺已有3個嘅情況下套用新效果，會overwrite咗生效回合數目最短嘅效果。相同嘅Buff或Debuff再用就會延長效果，直接加長生效回合數目。
同類嘅Debuff/Buff會互相抵消。例如當敵人Buff咗自己攻擊力，對佢用降攻擊力嘅Debuff，就會移除咗佢個Buff，而冒險者施放嘅Debuff應唔會留低。

5. 物理攻擊屬性
物理攻擊分為幾種屬性，視乎技能同武器而異。
斬：例如劍、斧。
突：例如弓箭、鎗。
壞：例如鎚、杖。
仲有樣嘢叫無屬性，換言之，世界樹嘅攻擊屬性有六類七類：斬突壞炎冰雷無。
某啲稀有掉落品會要求用某種屬性嘅攻擊打死隻怪先可以掉落。有啲職業受技能同可裝備武器所限，只能夠出到某種屬性嘅攻擊，例如I嘅弓職レンジャー(Ranger)所有攻擊清一色係突屬性，去到遊戲後期，好多敵人都有突抗性，到時如果隊入面有レンジャー就要諗其他符fit解決。
技能可以有多過一種屬性。例如I嘅ブシドー(Bushido)有招「抜刀氷雪」，就係斬+冰嘅複合屬性攻擊。

6. 隊列
己方隊伍分為前後兩列。通常建議前衛/中衛擺前列，中衛/後衛擺後列。
如果將射程短嘅武器擺低後列用，攻擊力會半減；例如III嘅鎚、書、短劍、拳。另一方面，後列被打嘅機會較低，受到嘅物理攻擊都會減半。
當前列死清光，後列就會被推上前，當作前列處理。
由IV開始，戰鬥期間調位唔會消耗回合，而且敵人都引入隊列概念。唔知今次頭三集Remaster會唔會引入呢種做法。

7. 封技
除咗一般RPG常見嗰啲麻痺、中毒嘅異常狀態之外，世界樹仲有樣嘢叫封技（封じ）。分為頭封、腳封同腕封。
敵人某啲技能依存喺某啲身體部位，如果封咗嗰個部位，個技能就會用唔到。例如如果敵人個技能係用爪攻擊，腕封咗佢佢就會出唔到招。有時封住某個部分殺死敵人會有稀有掉落品。
封唔同部位會有咩影響唔可以一概而論，每集都有少少差異。
頭封：用唔到術式類技能。命中率會降低
腳封：用唔到武器類技能。普攻攻擊力會降低。
腕封：用唔到需要用腳嘅技能，例如I嘅レンジャー(Ranger)啲ステップ(Step)類技能。逃走成功率降低（某啲集數好似直接走唔甩），行動速度同迴避率會降低。

https://twitter.com/nistick023/status/1659575891075186688

特登搵番部NDS出嚟影，係真愛
想同日向悠二交換卡片

已經買左123合集. 希望佢會有加錢加經任務, 唔使好似以前咁喺地圖畫條路出嚟auto move去打怪.

我自己反而鍾意1代果種 戰鬥畫面嘅怪物都係2D立繪.
2\3代轉3D之後要一段時間先習慣到.

巴打玩Switch定Steam？睇咗架仔評測，TV模式畫地圖好似唔多叫好
Steam唔知畀唔畀用mouse

steam版, 打算冇exp \ gold mission dlc就CE自己整...

希望佢快D新出作同埋喺4 , 5 , X 嘅remaster

支援滑鼠。
// Full mouse support and functionality to map drawing, menus, and dungeon exploration //
https://atlus.com/etrianorigins/index.html?lang=en
我想知道 Switch 版是否也會支援滑鼠。

Steam畀用mouse畫咁有誠意
Switch版應該冇得用mouse？分手提同手掣模式，手提可以就咁畫

V我都有買刷經刷錢啲DLC
真係徹底畀佢寵壞咗升勻晒啲職，隨時想換人就換

SE Switch 版皇家騎士團2 可以，所以想知道 Switch 版 TV mode 會不會都做到。