弱智抖音用戶問：擋住鏡子為何還能看到東西

可以問ai

未有tiktok之前咪又係有啲街訪片
講美國人三角形有幾條邊、美國喺世界地圖邊度都唔識
佢哋講到未有tiktok呢個世界就冇弱智咁

咪咁講，你老友火鳳凰都係文科仔唔識睇stat

而家就係教緊入射反射

呢個post咁撚多人話「鏡/光就係咁」就當自己解釋咗
先至係最弱智最唔科學

Lm

Lm

老師:「問咁多問題做咩，背啦」
連登：教畜！填鴨式教育！

其他人問問題
Also連登：正弱智咁都要問

佢地點會敢答，好似上面條友咁自曝其短點算

咁點解蘋果會喺蘋果樹上跌落地? 有重力?
咁點解有重力?

點解有重力係另一個問題

咪係延伸問題。問事實問題都可以話常識，問原理問題就可以笑無常識，問黎都多餘，所以話香港真係應該繼續填鴨式教育，反正咁多人都用行動支持。
唔識就係原罪? 唔識唔問得嫁，背啦

最好笑係英文世界既弱智抖音係反攻左中國
我見過中文版既鏡片

延咩伸，你而家唔識加減乘除嘅問題，跟著拎個微積分出嚟話係加減乘除嘅延伸，數學其實好高深做乜柒，而家佢係入門級嘅常識都唔識，賴地硬

佢如果係問點解有光，光係點產生，就唔會俾人笑啦

依家咪就係講緊，科學原理問題根本無分高低
不過既然你用加減乘除做例子，咁不如解釋下點解1+1=2? 呢D入門級嘅常識你無理由唔識既

你啱，科學原理問題冇分高低，其實你同啲咩愛恩斯坦、牛頓、高錕都冇分高低

等緊你講解你咁睇唔起既入門級嘅常識

係另一個問題又點？
好似啲教畜咁out c/出年先教唔准問住？
網上發問又冇限問題數，問題間亦明顯有關連嘅，唔係同一問題咁又點？

小朋友科學書都係咁編㗎啦
由跌蘋果講到地心吸力，再發現其實所有質量間都有重力，再解埋咁點解平時啲物件唔會俾身體吸引到⋯⋯
冇人話一嚟就要跳到相對論扭曲時空咁深奧，但由淺問題開始問有咩問題

平時連登仔最鍾意話sin cos tan學嚟把撚
而家又講到十幾廿年前學嘅嘢一定要記得曬咁

你其實分唔清咩問題係入門級，咩問題係高層級就出少句聲，一睇就知唔係讀理科，唔係你以為睇落最根源嘅原理就叫入門

呢個抖音條友嘅問題，只要知道有光子，知道光會反射，就夠用，再差啲，佢其實再觀察清楚少少，唔需要啲咩物理知識都明，佢所見到嘅倒影位置本身就唔係張紙背面，係張紙近你呢邊嘅鏡面，佢如果伸隻手過去擋呢個位，就會擋到個物體，咁就佢就會喺度話creapy

冇話唔問得，但係你問緊加減乘除問題，就唔好講到自己同問其他深奧問題一樣啦，而家話緊佢一啲基本知識都冇，唔係話緊佢唔識物理學光學

唉算啦，見你google左廿幾分鐘都諗唔到點答就唔jer你啦
逼到你連「出少句聲，一睇就知唔係讀理科」呢句唔關事既野都講得出 一唔夠講就離題，睇黎你都係填鴨式教育受害者
btw咁我係唔係要話一睇就知你係教畜 口吻一樣
知道有光子就夠用，口氣大到呢，大學研究開? 都幾肯定唔係，有返少少學術教養既人都唔會笑人問問題

邊夠你勁，你同愛恩斯坦佢哋係同級，只係你同佢哋研究緊唔同嘅科學原理問題啫

答唔到就自暴自棄 不過諗諗下其實你都慘，都係香港教育受害者，都係對你溫柔啲

牛頓既故事我記得係話睇落簡單既問題都可以成為重大既發現，但唔知點解你就提佢既名黎笑人問問題，你想佢返生都唔係咁

而且就算真係常識，點解要笑人問？直接答就多個人學識新科學，笑佢只會令人無興趣，唔認為有助推廣科學，除非你反對普及科學啦

抖音片呢個原罪唔駛講，但如果段片無9up只係單純提出問題，咁只要有1%既人走去搵原理，已經係好事

但個問題就係冇驟眼睇咁低級、咁一文不值嘛
睇下呢度坐底都幾版人，只係識話「鏡就係咁㗎啦on9」，都冇幾多個人真係解釋到呢個「常識級」物理現象嘅原理
本身唔識咪當學嘢、學過嘅咪當睇下自己識唔識explain to a 5yo咁講番出嚟囉
冇常識最多係講緊唔知會發生呢個現象，唔識背後原理我就唔覺有幾冇常識喎，如果唔係又會中學phy先詳細教？

點睇都係呢種缺乏科學精神可悲過缺乏科學知識吓話