【手繪+遊記】5日4夜 福岡 佐賀 小倉

睇你自己行程

佐賀好正

今晚喺嬉野溫泉

終於上菜了（樓豬終於上水了）
個燒咖哩是幾好味的牛肉軟淋有肉味，又唔會好辣，芝士下面有隻半熟蛋，再下面就係白飯

味道上個人覺得同焗咖哩飯冇咩太大分別
如果第一次嚟可以食下體驗下

連食唔到辣（譚仔十小係勉強）嘅佢都覺得ok

食食下發現成間舖都係香港人，配合翻門司港哩個地方又幾過癮
門司港位於九州最北之地，由明治時代到戰前，一直係一個繁榮嘅港口城市，
作為國際貿易港口，隨著西方飲食文化迅速發展

咁其實燒咖哩係點嚟架呢？
正正係因為佢係國際貿易港口，佢呢度有好多和洋合壁嘅嘢，唔單只係建築，嘢食都一樣
好似燒咖喱咁樣揉合咗日本同西洋飲食文化嘅餐點因應而生。

我上Wikipedia睇翻佢哋哩個燒咖哩嘅定義：
1）有咖哩同芝士蓋過個面
2）係烤焗出嚟



嗯，即係芝士焗咖哩飯（非炒底）

然後就搭車翻去小倉了
（如果係鐵路迷可以去埋鐵道博物館，但要睇休息日同營業時間）

話說其實由佐賀搭車上小倉嘅時候，一直望住窗外嘅景色覺得好靚，有藍天白雲，又有好多茵綠、延綿不絕嘅小山丘
小小嘅車窗外有無限嘅景色，唔知點解令我諗起喺香港搭西鐵經過元朗嗰邊嘅時候窗外嘅景色

喺近郊，譬如錦上路去到朗屏嗰一段路中間，如果向窗外嘅話，其實都會見到好靚嘅風景。天氣好嘅時候，連窗外嘅景色都落咗日系嘅濾鏡一樣


（上面係去小倉嘅時候望到嘅景色，下面想畫嘅係喺香港見到嘅景色）
雖然好題外話，但係嗰一下就突然間喺度諗
其實香港都有好多好靚嘅地方

我實在係好唔擅長髹顏色，所以可能連10分之一嘅靚都表達唔到，但係希望可以傳達到俾大家

原本諗住去小倉城嘅，但Google map話小倉城收咗工喎咁冇計啦
惟有去行下中央街、去下食壽司。


好麻麻


最好食係炸蠔（雖然都唔係勁好食）有冇人都係好鍾意食炸蠔？
去到邊一見到有炸蠔就好想嗌
食完，買咗士多啤梨就翻去酒店但飽到食唔落

翻去嘅中途見到有間exotic animal park (朝早係cafe，夜晚係bar)但冇入去坐
不過有問佢可唔可以入去睇有咩動物入面主要都係一啲爬蟲類動物，有蜥蜴有變色龍有蛇仔，好得意
但佢好似有啲怕怕

爽嗎

去由布院買pass好似好啲
日本就無論如何都一定交通費好貴
我覺得就算買pass如果買得唔啱，可能最尾都係差唔多咁貴但係我又覺得計到咁盡好攰

有冇諗過帶佢去博物館嗰啲？嗰啲應該都有冷氣嘆，同埋有凳坐

lm

留名抄行程

Morning~樓豬終於上水
小倉中央街多唔多野行？
我諗住：
一日：唐戶>門司港
一日：小倉>北九州The outlet
定係可以直接唐戶>門司港>北九州The outlet？

我覺得睇你買咩
我唔買藥妝都冇特別想睇衫，所以行邊都冇咩行
如果要買嘢嘅話，附近好似有百貨公司，要買衫嘅話小倉城附近都有個大型商場（不過有啲品牌香港都有，例如Bershka）
你去唐戶係咪淨係去唐戶市場？食嘢+散步嘅話預鬆啲你當三個鐘，門司港唔食嘢嘅話應該一個～個半鐘都行完，買手信嘅話你可以預多半個鐘至一個鐘？

睇同行人士啦，我覺得如果你三個地方擺埋一齊，最尾係購物嘅話你嗰日應該會好攰

我會比較建議唐戶（+一個附近小景點）＞門司港＞小倉（hea行）然後第二日小倉城＞outlet?（我冇去過嗰邊outlet所以我唔知係咪好大）

如果同行人士都後生嘅話，的確可以 唐戶>門司港>北九州The outlet
但我另外一個擔心就係，唔知你哋會唔會好想試燒咖喱
我怕你去完唐戶之後即刻去門司港應該飽到食唔落

原來一直都將かりん睇咗做みりん
唔好意思

其實我都奇怪點解會叫歲味醂
かりん係一種果實嚟

冇計 仲讀緊書筆直有限
寧願交通呢啲位慳到就盡慳
都唔想喺食野買野呢方面要屈就
啱啱check咗由布院之森單程都要5千羊
咁買3日pass搭來回已經賺咗

加油我嘅建議係backpack去，慳好多

3日pass我係用係由布院來回加豪斯登堡，好抵
如果唔去豪斯登堡，用黎去小倉好似都唔錯
不過由布院之森要額外比多1000円預先上網劃位（來回就2000)

係咪同焗咖哩飯真係無咩唔同係就唔試了，唔想浪費一餐

DAY4
小倉＞博多

一起身就趕去睇小倉城，因為琴日擱置咗
原本已經係摩打腳咁行過去，但身為老麥早餐fans嘅我，路過老麥就忍不住了


入咗去買咗個pancake豬柳蛋

溫熱鬆軟嘅包有少少糖漿所以甜甜地
加埋最經典嘅芝士豬柳蛋餡世一早餐

日本麥當勞最美的風景係豬柳蛋，望周知
未食過都唔好話自己去過日本



就係咁，九點四左右就火影跑咗去小倉城
原來小倉城收8點（4月開始）早知琴晚去埋

不過朝早陽光下嘅小倉城都好靚

麥記個pancake豬柳強真係想試
香港有間叫friday's hero 都有嚟種包買
我覺得幾好食
但日本既梗加想試

btw樓主可學下
https://hk.news.yahoo.com/%E7%8D%A8%E9%81%8A%E5%A5%B3%E7%94%9F-che-ting-%E7%94%A8-zine-180826087.html

留名，我6月去

日本M記真心正
食完會懷疑自己喺香港M記食嘅係咩垃圾嚟

香港食咩都係交智商稅

真心好好味（不過都有啲人話又甜又咸好奇怪）

多謝你！！手繪插圖幾正佢好比心機！

我好想出一本自己畫嘅schedule book/ calendar 但我唔係好知點入手同覺得無人會買，所以擱置咗好耐