【手繪+遊記】5日4夜 福岡 佐賀 小倉

成餐飯由開始到結束，包埋我哋全晚冇超過三枱客

好好奇full booking係咪逼哂去八點後
不過成餐服務都唔錯唔諗咁多了

食完飯就搭巴士翻酒店了
雨仲未停⋯少少嘅雨粉落喺我頭上——嘅5kg嘅背囊但我係唔會停低
因為之後兩日都係住頹頹哋嘅酒店，所以今晚住間靚啲嘅！


Garden Terrace Saga Hotels & Resorts
〒840-0850　佐賀県佐賀市新栄東3丁目7-8


哩度原來唔係正門⋯要穿過右邊嘅隧道口向前行

見到哩棟先係
踱步往酒店途中已經驚歎佢外型好靚


入到去坐低等checkin有welcome tea…都幾好飲


終於check完，佢話十點半前仲有得用lounge，拿拿臨去擺低行李先
入到房就

間房好寬敞，外面仲有個室外空間有兩張枱幾張櫈（冇記錯嘅話）

佢個設計有啲得意，係斜斜哋嘅天花，樓底都ok高
配合白色嘅長窗簾，真係好靚

不過佢好似冇暖氣，所以有少少凍 

佢個club lounge有好多種唔同嘅酒，紅白啤清酒都有
仲有好多小食同甜品仲有樽仔可樂，超開心


由於都幾多個人喺入面，我就冇影相了

大概個內籠係咁

但係望真啲，有個玻璃門可以出去架



好靚⋯個泳池仲未開（好似五至十月先開？）
左邊嗰個大舊嘢係桑拿房

沿住右邊一直行， 望翻轉頭就係咁


痴線，好正

有住一晚主要係想食牛

留名推下先

有諗過係咪反而多人去嘅地方嘅樹會被遊客搖得多搖到禿

偷偷地放低自己影嘅相
真係好靚好正

我開心到係個梳化床上面自己碌嚟碌去

酒店好正隻羊好cute
成個行程你覺得洗唔洗自駕游？

羊羊🐑

咁仆街會有人搖？


btw個lounge 除左野飲，有無野食？

食下嘢飲下嘢話咁快就十點五，食埋個布甸就放低翻啲嘢翻房了
個club lounge Chill到。搵錢翻嚟原來真係要使
呢一次咁臨急臨忙嘅旅行，原先我係想去越南，就係因為我好想俾錢去好靚嘅酒店放鬆吓
呢度完全係完成咗我想做嘅嘢


諗返轉頭
平時翻工晏晝都唔肯食正餐，好多時都係買個三文治返嚟咬完就算
原來使錢係自己鍾意嘅嘢上面個感覺係好好

行咗成日，又跑又趕車，其實已經攰到傻仔咁快快手去沐浴更衣訓教



DAY2 完

有好多甜品（我記得馬卡龍、蛋糕、朱古力、布丁，我自己就食咗布甸🍮）
同埋有啲芝士粒（唔知你細個有冇食過，惠康都有得賣銀色錫紙包裝嘅正方體芝士粒粒）
我諗鍾意飲酒嘅人，有呢啲芝士送下係幾好味
另外仲有啲好似Donki都會有嘅乾嘅腸仔，但食落好鹹我自己就唔係太識得欣賞

DAY 3

原定行程：小倉城＞柳川（鰻魚飯）＞小倉放行李＞門司港＞小倉城＞酒店

又係一朝早了，食個早餐先
上網睇到啲人係咁小個早餐，本身都冇咩期望但點知好有驚喜（懷疑係expectation control）

落到去，原來係要入去佢夜晚做鐵板燒嘅餐廳度用餐可愛嘅侍應姐姐過嚟幫你推完櫈仔之後

就請咗廚師出嚟，即席係你面前用鐵板嚟整早餐

係佢整嘅同時，侍應會上啲麵包、yogurt同埋湯俾你

無論係早餐主菜嘅煎餅要咩餸，同埋個湯要咩味，佢喺你check-in嘅時候已經會問咗你先原本個湯好似冇得揀嘅，但係因為佢唔飲番茄湯，所以酒店都幫佢安排咗轉做雞蛋湯佢表示好好飲

佢想曬嘢嘅時候，咁我哋就一邊食麵包飲湯，一邊等早餐整完
但係面前有個餐牌，咁其實係用嚟啲咩呢

原來係有一堆前菜、小菜、甜品同飲品可以無限叫無限refill，而且係唔使另外再加錢

這就是金錢的力量嗎？

由於啱啱醒，個腦唔係好轉到，所以冇講日文，用咗英文去叫嘢食
但係個好後生嘅waitress又好好服務咁用英文去嘗試同我哋介紹有咩好飲好食食完飲完又會問翻掂唔掂勁得意

樓豬「which one is goodo? You like this one? Orange?」
「dis one! Very goodo!I likie it 」
樓豬「OK this one please」
「wang? OKPleaz wait」

用餐體驗100分

煎蛋煙肉熱辣辣嘅



樓豬叫嘅芝士生火腿就係凍嘅，下面仲有好多菜⋯
不過塊餅本身係熱嘅個質感比較濕同埋軟，而且又有少少厚度，食落有少少似俄羅斯嘅pancake


（之前俄羅斯朋友同我一齊整嘅pancake）

早晨我覺得如果自駕遊，應該會輕鬆好多
而且多好多地方可以揀譬如好似阿蘇咁
又唔使怕去到好隔涉嘅地方要出返去趕車，冇咗班車就要取消某啲行程
但跑去搭車係好青春嘅感覺
不過我今次去完都好想去學車了

由於實在太多餡，所以其實都唔係好知要點食
但係個侍應又好熱情咁樣去幫手問師傅要點樣食
廚師都呆咗咁樣答，捲起佢掛⋯

最後我係選擇捲起佢之後再用刀叉切個餅

食完個煎餅就開始叫啲小食試吓，有啲都未見過嘅小食，譬如牛油煎紫菜
由於冇咩特別，所以冇影到相上到碟就係兩塊紫菜咁，佢係廚師喺你面前即席咁樣煎
但係食落又唔覺得有咩特別嘅味道⋯


有佐賀牛扒（佐賀牛ステーキ），上到嚟係骰仔咁嘅樣，食落味道其實OK，但係佢隻汁太重味搶哂風頭

呢個就特別啲，好似都係佐賀好出名嘅小食叫做魷魚燒賣

睇落好似克蘇魯的呼喚嘅邪神


食完嘅感想係唔難食，但係唔知食咗啲乜嘢⋯佢外面嗰啲就純粹係皮，唔係魷魚

喺呢度呼籲大家喺日本如非必要，都唔好去試燒賣

最後以pancake、雪糕同埋水果去結束呢個回合飽到傻仔咁
Pancake係偏厚實，雪糕球係偏向硬同埋難𢳂嘅

舊燒賣好好笑

唔係個靚女叫我食我真係唔會想擺落口好恐怖

由於食太耐，執埋嘢 check out已經要放棄佐賀城了

對唔住



Bye bye佐賀

就係咁，我哋就直接坐車上翻去柳川
車程都幾耐下，個幾鐘⋯



搭車嘅時候已經見到有啲櫻花，落咗車一路行一路有更多，有啲似動漫開學季四月嘅翻學路上咁，時不時有櫻花花瓣飄落






去柳川旅行嘅家庭客/觀光團，十有其九都會搭觀光艇，不過今次我哋冇搭

享受下漫步街道嘅樂趣




行下行下又到鰻魚飯餐廳

柳川

うなぎ料理 若松屋
〒832-0065 福岡県柳川市沖端町26


時間尚早，十一點幾十二點，前面得5枱等緊
好快就有得入座

我哋獲安排去樓上右邊坐櫈（偷睇到左邊好似係要除鞋跪坐嘅）

好開心，原本諗住可能要等勁耐，結果唔使點等就可以入座。叫咗一個燒鰻魚定食，一個蒸鰻魚定食
揀完食咩，侍應會上熱毛巾同埋茶

等啊等，等啊等，話咁快已經飲到第三壼茶。。。

領悟到嘅係，原來係坐嗰下先真正嘅開始
但啲茶好好忍，原諒了

多謝

多謝sir等我cap比佢睇屈佢請我食麥樂雞先

去邊鼠同埋去幾多日呀