[孝子mode] 最近突然想請父母去外國旅遊

我就唔識旅行團嘅
不過平價團去四個國家
可以預計搭車多D 景點少D 咁成本咪低D

同埋老老實實 D老野無乜讀過書
根本無文化認知
去咁多地方都唔會識分
求其去是但一個歐洲國家
等佢哋飲茶果陣可以矖下命就夠

何況佢落左order要荷蘭 咁就easy

跟團唔怕chur，因為上旅遊巴就可以訓，訓醒就到另一個景點

https://pic.wingontravel.com/group1/M01/02/BE/rBXKjWRrKuyAa9cqAB-jpDMToMg897.pdf

睇真d 永安原來5國
其實個邊d 國家係咪因為痴住曬, 所以可以咁樣玩

呢個團大家感覺如何

好睇佢地可唔可以去長途旅行
因為坐車坐飛機仲要較時差都有啲攰
同埋你父母鍾意睇博物館定睇景定shopping

跟團日日勁早起身 又要係咁轉酒店
睇你個行程去咁多地方都幾chur

我自己plan左帶兩老自由行英國+法國14日
如果唔理價錢 好想帶佢地去意大利同瑞士
一日去2-3個行程 行得攰可以食下野

唔好呀 放棄啦
真心話 大家辛苦
佢身體又辛苦 你精神又辛苦
跟團隨時難捱過自由行
勁早起身 7成時間搭架旅遊巴
唔會高興得去邊 真係唔好

你可以去google search 下點對點車程幾耐
其實如果你媽咪有特定行程想去
我係會建議你自遊行既
但如果走馬看花ok
上面個行程又睇到風車
我覺得都可以既
啲行程咁逼佢地就冇咁多野係途中講

樓主有冇睇過美麗華
我見佢有8日荷蘭團

放心比佢哋跟團啦，唔洗擔心攰，上車可以休息，團友領隊都會幫手睇住老人家，好多退休人士跟團，啱傾嘅會埋堆坐埋一枱食飯。大路景點老人家先識，深度遊對佢哋冇意思。上車瞓覺睇下風景，夠鐘就食飯，好多團都包好多中餐，尤其係大城市。帶過70歲阿媽去過3次歐洲團嘅經驗。唔放心係機場比定額外貼士比領隊仲醒神。

珍呀，大路景色老人家先識同吹水。咩深度遊哂氣。

問下新華，永安，大航，美麗華呢類。捷旅呢啲就貴囉。差別係選用航班，直航咪會貴囉。住嘅酒店可能高級啲又會貴囉。食嘅嘢好啲又貴啲。試過跟新華係維也納食午餐，見隔離團食得好豐富，多幾舊扒咁，係廁所問對方領隊話係捷旅，團費應該貴1倍。不過咁多好嘢又係食唔落，晒氣。

有無車牌？荷蘭自駕遊啦

你唔覺旅行團係跟老野作息規律嘅咩？
倒塔咁早起身，預你係車坐低就訓著，後生冇幾個得

我爸成7x仲叫佢自己揸咩
我又唔去

都係一早就起身, 行兩行叫攰, 就上車訓

睇多次個post, 上面都有人講呢間但真係價錢反映

老人家去旅行最麻煩係喺食野方面，有啲好固執去到外國唔肯食新食物，係度發脾氣唔食野都要食番飯/中菜，留意下佢地有你呢個問題，要比啲心理準備佢地。

試過請父母去歐洲n國
佢地話瑞士最深刻
因為最靚

結論：請佢地去瑞士深度遊團

唔洗咁擔心，成團又唔係得你父母一對老人家，好又一餐唔好又一餐，香港出發嘅團差極有個譜。你唔跟團真係試下係機場醒多1千比領隊叫幫手睇住，攞埋領隊WhatsApp。我試過阿媽同朋友去台灣玩，我係機場醒多500比領隊請佢幫忙，結果領隊安排佢哋坐車頭排睇多啲風景，我阿媽返嚟講好照顧佢哋
佢哋第一次跟歐洲團唔洗跟貴個啲已經好足夠啦，睇到平時電視見到啲景點就夠開心，唔洗鑽牛角尖去深度遊。慳番啲團費下次有能力再畀佢哋去第啲目的地好過。

跟團有去瑞士就得啦上一次雪山個景真係無敵，瑞士深度遊貴到hihi。叫你睇十幾日雪山都悶親