[孝子mode] 最近突然想請父母去外國旅遊

話說人大左, 覺得父母為左自己失去左太多野, 佢地又真係好錫我,養到我咁大, 自己識照顧自己, 我想襯未有頭家, 洗d 錢比佢地去玩下, 但奈何自己都未去過, 地理又差, 文化知識又無, 所以我想做個伸手黨上黎問問大家意見
先交代少少背景
1. 父母剩係去過 日本/泰國/韓國, 所以想襯自己有dd 能力, 又仲有機會, 想請佢地去一轉
2. 兩個都0英文知識, 基於呢點一定跟團
3. 老豆已經年過70, 有時都唔係好行得遠, 太耐會膝頭痛
4. 探過口風唔介意走馬看花
5. 想安排佢地睇下雪, 唔會話大到出唔到去, 有d 雪飄下落嚟就OK (有取捨之下, 真係無都唔緊要)

自己上網睇咗啲團, 有13日去 英國、梵蒂岡、意大利、奧地利、德國、列支敦士登、瑞士、法國, 有無人去過咁上下時間, 會唔會太趕太辛苦?
我想睇睇大家有咩意見再研究下

我預剩團~3萬一個

13 去八個國家走馬看花chur到爆喎

而家話唔介意走馬看花，去到一間 反你枱就死

我建議13日去,3-4個國家夠玩

D 老野真係好撚仆街，去時就乜撚都得
去到就乜撚都唔得，陣間叫你去M記整個乾炒牛河比你就仆街

我都見識過, 一齊自遊行泰國已經中過伏
咁咁多國家, 有無話邊一個/幾個特別推介
佢地鐘意睇下大自然, 當地民生, 歷史建築咁

咪再帶一次去日本 定兩老去曬了

你咁樣chur 8個國家不如去d 西葡團好過啦
野食又平又好食天氣又冇咁凍又有得認屎認屁

想比佢地離開亞洲
雖然佢地好愛日本, 但始終叫去過, 想比佢地去見識下

其實唔chur，反正包車，不過睇老人家腰骨掂唔掂，有時坐耐唔得，企耐都唔得

我跟過呢種團，10日去曬除咗列支敦士登同奧地利之外你提及既國家，勁L伏

呢啲團每個國家都係得一日，差唔多日日都要坐4、5個鐘長途車去第二個國家，而咁樣既行程安排就導致非常嚴重既走馬看花。例如山長水遠由羅馬搭幾個鐘車去到佛羅倫斯，淨係俾一個鐘你喺個唔知乜嘢山頂睇下風景，跟住又坐幾個鐘車去比薩斜塔，然後咁就一日。最on9既係法蘭克福，行程單寫住話會去嗰度，點知喺嗰度求其住一晚，連市區都冇入就當玩咗

總之見到1x日玩咁多個地方既團就一定伏，除非你兩老好鍾意遊車河 想玩得開心舒服啲，一係俾貴少少報深度遊，一係報差唔多價錢7-10日既西葡團。後者雖然唔係深度遊，但因為得兩個國家所以唔會太走馬看花，我自己跟過都覺得唔錯

13日既話我覺得英國+法國已經夠
或葡萄牙+西班牙
有雪可能就法+瑞士+德國咁

以前睇旅行團覺得啲團十幾日可以去到幾個國家好勁咁
但大個左過左去果邊去一個國家玩十日都只係睇左好少野
你跟團玩十幾日同玩死自己冇咩分別
贊成跟團既
但建議去少啲國家玩深入啲好過

之前聖誕去兩星期就係法瑞德
比我揀多次應該會棄德國
2個星期去兩個地方就岩岩好
千祈唔好貪想去多啲地方

根據朋友所講
德國都幾悶下

利申：因為冇咩興趣，所以未去過

諗下都知十幾日去咁多個國家係冇咩可能
平時你去東京可能都會揀去五日 五日只係一個city
十幾日又點去曬咁多個國家
一定會浪費好多時間喺車程上 唔好講老人家
後生仔每日咁坐法都好攰

布達佩斯

真係好靚。條河好好睇

兩邊岸都好靚

建築好靚，由山上面望返落去好有氣勢

同意。西葡 飲食多海鮮 唔會餐餐鋸扒

匈捷奧13日都唔錯

呢啲團後生玩都覺得chur同中伏
日日執行李日日晨早起身搭幾粒鐘車
分分鐘屎都無屙過篤就要轉第二個國家

識唔識揸車？

試過同父母去咗德國同意大利 一共3個城市
全程自由行 12日左右
無揸車 只坐火車慳時間
如果老人家行唔到就安排少啲遠程步行
可能要集中市區 或者安排交通
自己揸車都可以

如果要去
趁佢地行得走得快啲去
過多幾年體力會再跌就更多限制

你自己會唔會跟埋去先
老實講，我自己旅行就唔會跟團
但要考慮你爸媽，根本無可能自由行，有時老人家係香港行得耐都唔得，何況係外地人生路不熟又袋又行李。你肯plan肯自駕遊無問題，佢地有車坐下，但如果你係諗住巴士火車，個人覺得佢地會好辛苦，多幾個家人同行照顧還好，如果得你一個，你都會好攰

係好撚悶

其實我唔會跟埋去, 咁樣嘅選擇會唔會有轉變？
依家聽完大家咁講, 都會揀返2-3個國家咁比佢地去

西葡
匈捷奧
英法
法瑞(德?)
德國我同事講到好好玩, 但大家係咪唔咁推薦？

如果大家要排, 邊個組合最推薦
轉頭都出去d 旅行社聽下佢地講

跟團去澳洲啦
搭飛機又唔使咁耐
又安全過歐洲

去北歐 /冰島啦，有雪有極光

去西歐除非佢地本身好有興趣，唔係去邊都係差唔多，我怕佢地諗係陪你去，多過你陪佢地