脊醫到底係咪偽科學？

整親背脊都有段時間，近排真係扚起心肝去睇醫生。背脊整親緊係睇脊醫啦，睇一兩星期真係掂喎，好似真係痛少左。但就係點都斷唔到尾。 咁我問下啲醫生朋友，佢地話唔好再睇，脊醫係呃人，正正經經去睇西醫/物理治療更好。

脊醫就係幫你拉下筋，做吓電療按下摩，跟住搞個10-20分鐘就完咗啦。

到底有冇人真係靠脊醫醫番好？

偽科學

偽科學

治標唔治本囉

好似傷風食止痛丸同收鼻水藥咁，只係減病徵但唔係醫傷風

不過西醫都醫唔好嘅，唯有不停靠脊醫止痛

既然有骨科，點解又會有脊醫？

主要係治標唔治本
你醫生朋友會叫你地正正經經睇物理治療
係因為你好多脊/筋骨問題其實係成組肌肉/成組骨骼咁樣有問題
而呢d 問題成因好多時都係同你個人行為習慣有關(行路/坐姿等等)
脊醫果d 幫你搞完你果一刻好返
但係你習慣唔改就會再出返事
所以點解脊醫睇極唔斷尾 因為佢只係由物理治療中只抽其中一part 出來玩
最終無解決個問題
因此都係正正經經去睇物理治療/醫生吧啦

我睇左大半年 最後要搵返骨科 佢地真係有咁叻直接讀醫科啦 有個脊醫協會高層之前做健身教練之嘛

唔同體系嚟，你當係鬼佬跌打

係，扮醫生

但係佢又勁多客，日日爆場。位位十分鐘就收6舊好似好賺過醫生。賺錢唔緊要，但我最關心係真係醫到我

佢地唔應該自稱醫生

佢唔會係"醫"好你
你覺得好D咪當安慰劑

近年呢班所謂醫生俾勁多錢賣廣告，有D又話自己係物理治療..混水摸魚

既然你問得醫生朋友，點解唔問埋原因？要上黎連登問

Orthopedic Surgeon Reacts To Chiropractic EPIC RING DINGER
https://youtu.be/BUm3AMFns8s

脊醫咪即係物理治療=西洋跌打
睇骨科好過啦

Orthopedic Surgeon Reacts To CHIROPRACTIC ADJUSTING QUADRIPLEGIC | Dr Chris Raynor
https://youtu.be/P5Byz-AK9q8

呢樣都係想問 物理治療又係咪真係work ?

脊醫唔同物理治療，物理治療係西醫體系入面嘅輔助醫療，會同骨科醫生合作治療病人

骨科醫生負責斷症/開藥/手術，然後轉介俾物理治療師做復康練習同運動

骨科醫生唔會取代到物理治療，佢唔會扶住你行同教你做運動，睇完都係射返俾物理治療做


脊醫就真係out of 西醫體系，係鬼佬跌打

因為佢哋做唔到骨科醫生囉
同做唔到物理治療師嗰班「痛症治療師」差唔多道理

咁鬼佬脊醫係咪等於中醫推拿

英式同美式既分別

都要睇你個脊醫功力
我既case係如果連續3-5小時坐姿唔正確 就會復發
每次症狀都一樣。

睇開一個出名既脊醫 每次都係做一次 treatment就攪掂。
有次轉睇第2個，攪唔掂，唔嗲唔吊咁，結果都係要睇返第一個。

10幾年黎，復發過3-4次，每次都衰坐得衰，依家知點避免，近近年已經無復發。

我個case，當年照過x光，小小（真係小小）椎骨突出，骨科話要開刀郁條大陣，當時同依家諗返都覺得都骨科on9。
然後物理治療話係骨頭出事，唔收症。

最後想講，脊醫唔係無用，唔好人云亦云，上連登勿認真。

點解唔係睇骨科而係睇脊醫
你望文生義以為背脊有事一定係關脊醫事？