其實唔少追完po都見有人提過但打咗就無論浪費放埋出嚟
劇本msg唔知算唔算老生常談但又的確係好多時即使知都係諗唔通嘅嘢
我理解嘅係「一切皆是命」，人遇到嘅「事嘅類型」響命理角度睇或者一早安排咗，即命運
但「半點不由人？」個問號其實係套戲嘅重點
件事應得幾大同用咩方法應
其實或多或少係有得揀
花同果，花響一棵植物生命中對佢自己嘅功能性可能未必係最直接睇到有用，有啲植物亦唔需要花去繁殖
有花先有果，一部分同大家諗到有因先有果一樣
可能有時會諗點解我生出嚟就係咁怪/咁慘/咁黑仔
（係前世造嘅孽？係今世要面對嘅課題？）
但無論點諗其實你都係要經歷面對呢啲事（命運）
但點樣去面對係有得揀嘅
所以風水佬先會有啲細至洗個牙應血光之災、大至埋響土應個死劫嘅處理方法
呢啲特登揀去做/避嘅方法有無用呢？
我諗（加我半桶水聽返嚟嘅嘢）細劫或者洗個牙𠝹損下手腳趾尾中櫃門就扣夠血
但大劫嘅話，用等價交換去諗
一個假死去換一個真死，呢個算點對等？
用因果去諗，假死無付出，得唔到避死劫嘅果
少東有俾個心出嚟掙扎，避咗殺生作孽嘅果
花係植物當中最為燦爛嘅一部分
單獨淨係睇花可能淨係見到佢要凋謝先結果
但其實佢盛放之時就係最為人傳頌稱讚
（你聽過人去賞櫻賞菊但唔會有人話去賞蘋果賞香蕉）
和應返大師佢要成就少東肯去掙扎轉念唔殺生
大師其實自己都付出凋謝要入院
但外人睇返成件事，就會睇到同讚頌大師佢幫少東嘅心同努力
選擇，可以選擇點回應面對件事
但一開始係由選擇點睇件事先到點回應件事
正所謂逃不掉命運便承受
大師明白自己癲，但可以救到少東同個差佬
佢選擇坦然咁面對自己會癲呢件事
而唔係好似之前咁迴避
（癲咗係咪唔可以逆轉？睇結果又好似唔係
又或者佢好轉係佢幫人所種下嘅善因）
去到呢到，必需要借用小克寫俾《坐看雲起時》嘅其中幾句話：一切都是選擇。這不是一個對的選擇，也不是一個錯的選擇。這只是一個選擇。但你，由此刻開始，得為這個選擇附上責任。
演員我覺得夾得好好睇
有啲細位上面有人提過眼神嘅轉變原來我都miss咗
劇本係有啲直白但其實又有啲後勁至少我返去有諗
配樂有啲搞不懂唔係好夾個氣氛有一兩次本身投入咗但俾配樂搞到out fo
最後謝幕見到有三位幕前幕後已經走咗有啲sad可能只係我突然傷春悲秋但多謝佢地為《命案》作出嘅貢獻同努力
三個火
/member]
段口哨係咩tune?
