[長氣多圖][絕不爛尾] 澳門食訓之旅

係google blog果邊upload完相
每張相有條link
就貼係呢邊咁
我覺得係連登upload相仲煩

等我試下先
thanks!

巴打係咪處女座

唔是

DAY3.1 安德魯花園咖啡 里斯本地帶餐廳 澳門安德魯餅店 澳門大利來記豬扒包

武肺之後第二次去澳門
因為香港既福布斯酒店已經住過晒
今次見到上葡京就算係三日長假都仲係平日價
而且上葡京仲要係一間福布斯五星酒店
雖然佢地點都幾偏
但因為有接駁巴士都問題唔大
所以就係重陽節又過左澳門一轉

上次過黎澳門經陸路
過幾次關口好似要花好多時間咁
今次就搭船睇下有無咩大分別
就唔知由幾時開始
過去澳門既船好似大部份都要係上環上船
中港城好似變左個廢場咁

一朝早坐黨鐵去到上環站

D出口就係港澳碼頭

我地今日去程坐既係金光飛航
回程坐噴射飛航
兩架好似都無咩分別

閘口



去程就係官網買飛
果D買一送一根本就唔會買到
每人190蚊
係閘口再有人同你劃位

上次坐直通車就175一程

長假期都幾撚多人



雖然安排到二人位
但又竟然呢個位竟然係無窗既

要面壁思過

都幾多人買野上船食

但我格離果個就由上船話要嘔到落船都仲提住

十點半過d開船
落船過埋關就大約12點鐘

其實時間就差唔多
不過坐直通巴可以去埋酒店
坐船就要自己係碼頭再搵發財車

屌你呢d卡貴撚到喊

我就貪方便係百住買張33蚊卡

不過因為佢預設係本地數據
要自己係網上轉外遊數據
即係最好就係出發前係香港搞埋最穩陣
同埋每日得500MB可以用
其實東南亞地區都用到
好處係一定上到唔會伏
成日係鴨寮街買到中伏卡
用呢張做後備卡都唔錯

上葡京架車最多人排

可能間酒店又平又大又新掛

十零分鐘一班


落左穿梳巴士係完全無職員會去接行李
雖然話人好多
但上次坐直通巴士去到威尼斯人都望到有職員會拎行李
咁個第一印像就真係差少少
同埋穿梳巴士站離開酒店都仲有段距離
成個上葡京好大
真係去check in都要搵一陣

大堂白雪雪

同埋閃零零地板

咁去到酒店都只係十二點幾
但已經見到唔少人係度排緊隊

上葡京真係好大好多房
而且5星黎講入門檻超低
最平果間房千一二左右都有
仲要有成六百尺大
不過佢無lounge
所以就算係住套房都要正正經經咁排隊

然後得到卡門一張

但未有房
同埋第二日11點就要check out

全間上葡京全名叫做澳門上葡京綜合度假村
入面一共有三間酒店
我地住既係上葡京
另外仲有兩間無中文名既karl lagerfeld同palazzo versace
三間都係福布斯五星酒店
基本上三間房型大細都係一樣
係裝修風格既差別

上葡京check in大堂果個門口叫做西門

但的士站就係南門
去碼頭既穿梳巴士就係北門果邊
所以係澳門住酒店次次搵車都係一件好撚煩既事

上葡京個的士站都幾多人等車
不過都keep住有的士駛過黎
唔似上次係永利住咁都唔會有的士駛過黎
細個黎澳門一提起氹仔酒店就一定係cheapcheap果種
但而家起碼八成豪華酒店都起係氹仔了
呢次澳門第一站係我從未去過既路環

由上葡京搭過去都要五十幾蚊
的士佬係迴旋處放低我地

落左路環第一站就去食葡撻
上次黎終於食到瑪嘉烈
咁今次就會想食另一間安德魯
雖然佢有好多分店
香港係文華東方都食過
但覺得黎一黎本店會比較開心
而且路環亦都從未去過
所以都好多野可以做

本店一落車就會見到
不過就算路環都有幾間安德魯
搵過係有間係咖啡店話可以坐到食所以就試呢一間
其實都只係本店個建築物後面
呢間叫做安德魯花園咖啡
望落去就似普通文青店

入面位唔多
我地星期日一點零鐘黎到都要等一陣

結果係要搭檯既

就係六人長檯中間兩個位
唔知慳電定點後面有半間舖都封左無開

有下午茶set

另外都係d輕食






一場黎到食兩件撻又太簡單
就叫多左d野
但都係葡撻先上

11蚊件
同瑪嘉烈一樣
個樣就唔錯
但一摸上手就屌左出聲
凍既
連暖都稱唔上
仲諗住咁近應該係餅房拎出黎掛
真係仆街中伏

仲有youtube見人話唔錯既千層麵

頂佢又係同叮叮野無分別

仲有個牛角包

都係普普通通

要加一

都食左百幾蚊
所有食物都係期望以下
又唔係坐得舒服
仲要同人搭檯
講咩都聽到
總結就係除左餅店就真係狗都唔撚屌

搞唔撚掂好唔開心
即刻去左格離間米芝蓮推介既里斯本地帶餐廳

我地食果時都仲係米芝蓮餐廳
不過而家24年就官網就再搵唔到佢個名了

餐廳係屋仔設計
有地下同樓上兩層

全部都有檯布

屋頂仲有吊燈


亦都有露台位

不過景就無架啦


唔係fine dining餐廳
但成個感覺係幾有格調
檯面都有擺盤

價錢黎講都算係中價












比起波爾圖貴些少

餐包仲有布仔包住

因為頭先已經食左個千層麵
簡簡單單淨係叫左頭盤同主菜
見餐牌有炸馬介休球
因為老婆唔想食炸野
所以揀左個肉丸

點知都係炸既
就唔係油林林
香口既
但要一個人食晒大半就難搞d

之後就叫左佢地比較signature既里斯本式海鮮繪飯
有個括號係寫住濕身既
所以就唔係西班牙海鮮飯果類

成個瓦煲上檯

一打開望落就似龍蝦湯咁

但就杰身好多

應該叫做海鮮粥比較切合

入面都唔只淨係得蝦
都幾多料下


一開始食落就係成個口都係海鮮味好澎湃既感覺
不過慢慢d湯就比d飯吸收左
同埋個份量真係超多
咁就筆都可以筆到七至八碗
四個人食都夠飽

又重蹈左上次既覆轍
就係lunch食到好飽咁去食夜晚自助餐

個海鮮飯都差唔多四舊水
但佢又唔洗加一

最後唔洗五舊水落到樓
如果多人黎食就應該會好盡興
而家係飽過頭
呢度小二都係講英文為主
不過幾有禮貌既
兩點鐘二樓都坐滿八成
咁呢度就真係好過頭先間咖啡店太撚多
應該一開始就黎呢度
然後再食番個葡撻做甜品

咁所以食完就出番真正米芝蓮推介果間本店再買多個葡撻

呢間叫做澳門安德魯餅店
幾間餐廳個名其實係有些少出入
無瑪嘉烈排隊排得咁西利
始終路環都係比較遠
不過都keep條有人龍

叫得餅店都會有麵包同手信


不過主打一定係新鮮出爐既葡撻



因為頭先都已經食左兩個
就無上次係瑪嘉烈咁一次買半打
價錢同咖啡店一樣都係11蚊
不過唔洗加一


呢度就無得坐低
個個都係企係門口就咁啪


兩個個面相都唔太一樣
呢隻個焦糖面都少左
講賣相係咖啡店靚仔d
但新鮮出爐熱辣辣真係好好好緊要
今次食落就真係拍得住瑪嘉烈
好香好夠蛋味
不過係街邊食就比較狼狽

時間都三點零鐘
老婆仲話要番去官也街果邊食豬扒包
所以都無再係路環逗留太耐
就簡單咁行下


係本店既另一邊轉彎位又有另一間安德魯咖啡店

呢間望落去仲迫仲多人
不過我想講所有咖啡店都真係一律唔建議
總之只可以食望住佢新鮮出爐果D

路環就無咩車可以出番去
都係睇google map揀番架25號

比較近官也街落車
呢度一直行落去就係

中間都幾多餐廳






呢條路叫做飛龍便道街

完全唔順口

龍環葡韻都係格離


O Castiço呢間係必比登餐廳

不過入面好似都係好細間

一直行就無再行入去官也街
直接去以前成日都好想食
但食過一次就會覺得好濕鳩既豬扒包



間野好大仲有上下層
小二就係格離催你落單



因為都食到飽左
淨係要左一個豬扒菠蘿包

感覺係無普通豬扒包咁乾爭爭既
因為仲有菠蘿既口感
塊豬扒係連骨都大塊既

但就唔係要特登黎食既野
就好正常茶記既味道

40蚊無野飲

都唔平
收銀果個封面阿姐仲串柒柒
搞不撚掂

咁係上葡京官網係話有穿梳巴士可以係氹仔舊城區上車既
但係附近問過晒唔同既人都話唔知道
結果又係要截番架的士番酒店

話說呢架的士有下面近路唔行
兜左去上面既遠路

續



應該同香港遊記一樣都唔開新po了
有緣既話就會見到
因為聽日會又去澳門
所以想去之前開始番個澳門遊記
之後再寫多幾篇香港先可以韓國遊記

DAY3.2 澳門上葡京(上) 自助山

番到酒店都五點
第一時間緊係番去拎房先
點知reception並唔係我地住果邊
成個酒店層又分兩翼
又要再兜商場先去到另一個上葡京入口

上葡京連reception都有兩個

真係長時間都咁多人
所以佢根本唔會有人可以得閒serve到你
我理解既福布斯五星就無咩理由係咁樣款
所以先話澳門酒店無得同香港相比
大係大
大堂仲好撚靚
但你唔會覺得自己係一個被重視的客人
即係好似米芝蓮餐廳同普通餐廳既分別
而呢度就係一間唔合格既米芝蓮
不過佢價錢已經反映一切
咁所以我黎左兩次澳門得出黎個結論都係一樣
澳門既福布斯真係好多都係假黎
香港除左美利之外其他果幾間都係合理既級數

澳門上葡京綜合渡假村一共有三間酒店
因為武漢肺炎
拖到係2021年先開幕
而上葡京就係最早期開幕既
不過到而家都只係開業三年
比香港所有福布斯酒店都新
入面有成千三間房
所以先行到勁遠入上到房
而電梯係大部既


上葡京5-18樓都係客房
無4字樓
基本所有野好似餐廳同泳池健身室全部都係晒3樓

酒店房樓層都係好靚既

有d似rosewood


我地住15樓
結果房門係寫成5位數
平面圖

上葡京酒店係弧型設計
外圍係向街景
而內圍就係內園景
佢地最細最入門果種房型都成差唔多700尺
可想而知酒店個範圍係幾大
所以房頭同房尾一共有兩組電梯
即係本身我地搞check in果度都係上到黎既
咁其實最細既豪華客房已經有梳化
同其他酒店既studio suite無咩分別
另外大100尺既尊尚客房其實都一樣係長方型房型
只係成間房再深d
所以我地左手面既房就係尊尚客房
右手面就係豪華客房
斜對面再大d既就係尊尚套房
我地住既豪華套房呢一層就有四間

一入房口左手邊就有個客廁

雲石設計同銅色水龍頭
有少少似美利既
不過廁所無得洗屎眼

我地呢間套房大約900尺
唔算比普通房型大好多
勝在就係有將房同廳間開

客廳係正方形
有茶几亦都有電視檯

大電視下面仲有sound bar


迎賓食物有生果同葡撻

但因為已經好飽就浪費左件撻

茶几上面呢舊唔知有咩用


mini bar櫃

雪櫃入面野飲係送既

餐具幾有特色


電制係輕觸式


但係呢間房設計都幾on9
話說mini bar格離就係電視檯角
咁佢一開門就會頂撚住開唔盡

開唔盡既結果係mini bar下面d櫃桶都會拉唔到出黎
正宗智將型設計

而呢間房仲有智將2號設計
就係窗口出面唔知做乜撚野有個平台係度

望過去對面就見到真係仆你個街15樓獨有
真心痴撚線我係完全望唔到下面個內園

成間套房都幾多掛畫

房門係梳化格離

睡房

雙人床有七個枕頭
兩邊床頭有吊燈
無得較位
曾經撞到過頭

床前面有張貴妃椅
但成撻漬係度


兩邊床頭都有電制同usb制


不過無無線充電位

床腳都有部55吋電視

酒店外面就係電視機酒店系統封面張相

房個景觀仲差過廳
又係凹晒入去乜7都睇唔到

最後係浴室

係睡房入面
先要經過衣帽間



拖鞋係灰色既


浴室係雙洗手盆

好似最基本房型已經有

牙膏牙刷


風筒


浴缸就無咩特別

而且重點係無電視機
雖然都唔方有野睇
但無既話真係感覺差好遠
本身已經無景
又無得洗屎忽

個浴室就真係弱少少

企缸就好大

仲有得坐底
頭頂有兩個可以較方度花灑
同香港文華東方一樣
都係比較少見到呢款設計
而且水力都可以好猛

沖涼液都已經唔係細枝裝無得拎走


lotion就一枝枝


成間房就感覺無咩特色
講大間佢又稱唔上
設計又同普通房分別唔大
無lounge設計
但就貴左唔少
都要成兩千二先住到到
差唔多貴左8成
服務又普通
行李仲要勁耐先送到
打電話要野又係勁耐先有
可能真係太多人住啦
咁整體佢就同福布斯5星呢個名差太遠

夠鐘就落去食夜晚
上次黎澳門就食左mezza9
不過食完飯仲要迫巴士番酒店既感覺就麻麻地
所以今次點解黎住上葡京呢
最主要係想食佢地間自助山
感覺上呢兩間就係澳門最出名既自助餐
其他好似都完全唔入流咁款

今次搭lift落三樓就得
呢層有埋泳池

但可惜係完全無時間去游水

然之後仲要行埋條長走廊

先開始見到有人排隊

因為條龍郁得好慢
所以行左出去花園

佢地個點燈十點收工
即係食完飯出黎就睇唔到

餐廳對出有噴水池


上葡京個外表係古堡設計



呢個重陽假期成個澳門都full到7彩

住15樓真係好撚慘

15樓凹入去果兩隻窗就係我地間房了


呢度都可以望番入去自助山

仲有d戶外水池景既座位

係出面公園行左十零分鐘
入番黎見到終於都排完

我地係kkday book檯既
佢地有分連或者唔連即煮海鮮既
咁上次係mezza9食完就都覺得即煮海鮮先係澳門自助餐既重點
星期五六日kkday連海鮮加一就895蚊
果期無咩折
但就有個減150蚊既code可以用
我就分開買所以兩個人都用到code
咁每人就係745一位
見而家只係得番一個包海鮮既價錢
但係kkday買就有折扣
即係仲平過我上年十月食
咁香港而家幾乎全部自助餐都做緊買一送一
七百幾蚊食一餐係已經好貴架啦
咁一場黎到就試晒兩間啦
就好似葡撻咁樣
自助晚餐個時間就同香港普遍一樣
由六點食到十點
四個鐘

入去就有張飛仔


門口就係海鮮區

但呢度唔洗行出黎落單既
係個位同小二落就得
但選擇就少過mezza9好多
因為只係得龍蝦,大蝦,蜆同蟹

環境就係好大好多人

望落就係100%全full
餐廳就正正常常唔會覺得幾高級
今年睇過唔知邊個youtuber話自助山無乜人食
我都唔係好明點解

我地張二人檯

檯面預設左有樽玻璃水
同埋應該有兩個牌

一個係檯號
另一個係話比人聽你有加錢食海鮮
但一開始原來我地只得一個牌
到中段有小二收錢check kkday個qr code果時先話比漏左
所以唔怪得之好耐都無小二過黎問我地想食咩

個場太大
完全巔覆左我係香港食自助餐既印象
之後去過泰國台灣馬來西亞食自助餐
全部都去唔到呢個規模
即係以量黎講
呢間澳門自助山係真係冠絕東南亞
咁當然質素就比較一般啦
不過整體食物都叫做擺得幾靚既

首先近門口都係生冷野區
四方形設計四邊都有野食
就勁多人排隊既
最近門口係凍海鮮


有螺
蜆
小龍蝦
長腳蟹
蝦
青口
同扇貝
我就一樣都無無拎過
因為帶子同蝦都有熟食版本
而呢度又太多野食
香港都成日食到唔係咩特別野
同上次mezza9一樣都可以skip左呢part

之後係生蠔

就咁寫住法國生蠔
全部即開即洗
但唔算渣流灘

好似係每次三隻

望落都大隻
但食落一般唔太鮮

關東煮係生蠔格離

長期都有條人龍係度唔會拎到亦都無人拎

五款刺身

都係同香港類似啦
八爪魚
希靈魚
甜蝦
油甘魚
三文魚

又唔算太差
正常放題水準啦
不過有個問題就係師傅都幾大支野
又係成日叫個客比碟佢
但明明出面一隻碟都無
都唔明點解咁多間切刺身既都係特別臭串既
明明其他師傅都正正常常

仲有個壽司區

又係長期比排隊拎凍海鮮條龍阻住

cold cut果類就放左係餐廳最入面d位
就無咩人幫襯既
但全部望落都唔錯




即係就算食素既人都好多選擇


連伊比利亞火腿都係即切

仲有d同意大利餐廳既自助bar檯有得揮既前菜


全部都可以唔拎
伊比利亞火腿就一定要拎些少

咁其實都只係影左少少相佢開始打鐘啦
自助山每半個鐘就會有唔同既野食推出黎
六點半左右就有烤全豬推出黎

斬豬個肥佬應該係總廚黎

見佢之後成場飛不斷同熟客吹水

燒豬食落都係脆口軟淋有溫度既
不過就拎唔到第二碟了

因為人龍都幾誇張
排多陣拎完都已經七點
又到左龍躉粥時間

佢有龍躉粥同酸菜龍躉湯

酸菜呢d支那湯實在太酸太撚難飲
我都好後悔拎左番黎
另外果碗龍躉粥就好好多
真係食到龍躉魚肉

最後七點半就到飽魚

呢個就唔洗點排既
去到佢就會比兩隻

蒜蓉蒸夠味就點都唔會出事既

即係頭個零鐘幾乎只係排隊無坐低過
可能係餐廳戰術黎
不過都叫做係比較有特色既食物

咁就講番餐廳其他熟食
由門口開始係台式野食

有豬腳薑同其他炸物

最特出係臭豆腐
從來都唔認同臭豆腐係臭既我
係度行過都真係覺得好撚難頂

港式煎釀三寶



港式點心

早餐黎食就有更多選擇

麵檔又係好多選擇


都有張檯用黎擺肉骨茶


頭先切燒豬果邊既燒味檔



乳鴿同大蝦伊麵好多人拎

通常d蝦都會唔見晒

之後係中式熱食同頭先個龍躉粥
到湯類就真係嚇到人

有成十幾煲擺晒係度任筆

最後呢part算係全場最好食既

佢寫又魚子醬又海膽黎燒扇貝

咁又真係好撚香
但幾花時間去燒
都要幾耐先出到一轉
不過佢就成日不停咁整

最後仲有d西式熱食同串燒薄餅



咁熱食就係差唔多

飲品都好多野揀
果汁茶呢d就基本



汽水都係任拎



仲有沙冰


最特別係呢個原個椰青

不過呢佢地就成日鬼鬼鼠鼠咁拎出黎
又要排隊又唔夠派仲要搶黎搶去
同埋想講其實呢個場都唔平
就算唔加海鮮應該都要五六百
但食客又係果類餓狗搶屎無咩禮貌果隻
仲都幾多香港人黎食

到後尾先黎既現煮海鮮
等既時間都唔少
而且會漏單
所以都係唔好太過期待
蒸龍蝦

芝士焗龍蝦

豉汁炒蜆

薑蔥炒蟹

仲有漏左好耐單食完甜品先黎既避風塘炒蝦

大概就只係黎到呢d
數量同味道都絕對係完全唔夠mezza9黎既
所以想食真海鮮既都係去番mezza9啦

最後係甜品
咁其實食之前都行左一陣
佢地甜品都係超級多
雖然無原個蛋糕類別既甜品
但每個獨立造型都唔算差
都係有d吸引力既
餅類有即整既雞強仔窩夫

心太軟
梳乎厘pancake都有


普遍自助餐都有既獨立杯裝蛋糕

以賣數量取勝既餐廳黎講個樣都真係唔算差


糕類都有成十盆左右



唔少既都係麵包布甸

格離仲有糖水同涼茶影唔切