[長氣多圖][絕不爛尾] 澳門食訓之旅

DAY1.2 永利澳門(上) mezza9 Macau

澳門咁撚細個地方
竟然有成廿二間福布斯五星酒店
講緊香港只係得八間
不過佢地只得四間四星
而其中永利澳門淨係一間酒店入面已經有四間福布斯五星既餐廳
所以我覺得澳門呢一頁做假都幾嚴重
咁你一樣都可以升晒奕居君悅港香呢堆上五星
根本就毫無任何違和感

不過
對於澳門酒店無咩認識既我
就係呢廿二間酒店入面搵左間算係比較平既酒店
後武肺年代
所有價位都番唔到轉頭
全世界都一樣
好似book東京果堆福布斯五星閒閒地都要4,5k起跳
所以話就話揀左差唔多最平果間
仲要減左六舊水優惠
但都要差唔多3K落樓先有包埋早餐
而呢間就係萬利澳門
即係永利澳門入面既萬利大樓

澳門酒店同香港都幾唔同
香港酒店大部份都算係獨立大樓
但係澳門酒店好多都係幾座酒店共用同一個商場
大概可以當成太古廣場同上面四間酒店既關係咁樣
而永利澳門雖然算係一間酒店
但係福布斯就分成永利同萬利兩間五星
永利應該算係一個獨立品牌
旗下酒店就只有永利澳門同永利皇宮
合稱永利渡假村
自家營運同管理
睇完維基望落就無其他國家業務

我地入住既萬利大樓
係全套房設計
仲要全部房型都面向同一方南灣湖既景觀
不過如果想有表演湖景觀就要住番永利大樓先有
咁雖然酒店分開永利大樓同萬利大樓
但問過職員兩邊入口都可以check in既
不過我地行入去萬利果邊入口
開門唔會幫手拎行李
送行李上房又無
我係完全唔敢想像咁樣都算係一間福布斯五星酒店
講緊之前黎澳門架直通巴係威尼斯人停車
都已經見到有職員會搬行李落車
更甚係萬利check in果時完全唔會講解酒店既設施
得到既就只有開門卡兩張

同埋叫你做佢地鴻利會會員
就會得到兩舊水dining credit
真心
如果呢個服務對比番香港
最多只可以算係福布斯四星既下弦級數
即係九香果類都除時好服務過呢度

永利同萬利好似都無lounge
不過有個vip登記房

住兩日都未見過有人入過去

大堂電梯大堂

個黃色風格好似番左八十年代咁

成間酒店都係黃咁咁

除左黃色仲有鏡多

萬利大樓樓高五十七層
最上面有個sky casino
成日見d支那佬會搭上去
應該好撚有錢
spa同泳池都無明確寫係邊層
同埋佢地酒店大樓係無餐廳既
基本全部都係位於商場入面
所以係分散到好撚難搵
就好似聽日既自助早餐咖啡苑咁
仲要穿過埋賭場先去到
成個迷宮咁煩到爆炸
對住客黎講係非常之唔方便
泳池好似都係咁難去
唔知其他酒店係咪都係咁
但我就覺得永利各方面都真係幾差下

客房樓層個電梯大堂就靚好多了



走廊係孤型設計


因為客房全部都係面同一個方位
所以走廓既另一邊就係窗景

可能呢邊係城市景
所以就唔用黎起房
第一次見到呢種設計既酒店

雖然有五十幾樓

但我地只係住十六樓

平面圖

全層只得十間房
但唔知點解我地間房叫做90號
可能計埋永利大樓果邊?
萬利大樓係全套房設計
同層有八間同我地房型一樣都係最基本千一尺既萬利豪華套房
唯一最大果間係88號房既二千尺萬利尊貴豪華套房
萬利大樓係官網就只係見到呢兩種房型
唔知有無再大d既總統套房呢

一入門口就見到牆身有部平板既智能控制

半島都有
不過永利呢個簡單方便易明
而且真係用得到
半島果隻真係時得時唔得
雖然對呢間酒店印象麻麻
但呢方面係讚既

穿過玄關有浴室


外面個地櫃就有齊保險箱同紙袋擦鞋之類既野


雖然間房有成千一尺
但洗手間就得一個
亦都無獨立衣帽間

呢座大樓都2010年先落成
仲新過W酒店
但設計就真係好old school

拖鞋有一白一啡

舒服既

浴室有雙洗手盆


護理套裝都仲係好齊全

未話因為環保而消失

獨立廁所


浴缸正常size

部電視機就真係幾大部
上面有兩幅淫畫

企缸無頭頂花灑


沖涼液好似係自家產品

見唔到牌子

用落都幾香
睇片仲以為已經好似香港咁轉晒固定式一樽樽
估唔到都仲可以當紀念品拎走

走廓再行入面並唔係客廳
而係睡房

除左唔係好明個設計
仲好娘好支那
又多鏡

張床就好大


左右床頭都各有平板控制



電視機係65吋大電視

但好on9房咁同客廳要共用
真係美麗華呢種級數先會咁慳皮

走廊位又多塊鏡

呢個櫃有聖經

最後先係客廳

落地大玻璃

出面叫做有湖景同旅遊塔景

但就比壹號湖畔遮左大半個畫面

送既水一樣只係貼左自己永利既牌子


窗邊有一張梳化同兩張椅

茶几上面係床褥面
但完全唔知用途係乜
又訓唔到覺

電視機櫃乜都無

係有滅火筒一個

格離係mini bar

有齊小食condom

下面係雪櫃


全部都有經收費系統

拎走超過六十秒就會收費
試過拎起盒condom睇左一陣係仲未有收費既

咁基本上成間房設計就係咁
完全稱唔上豪華
住落去更唔會有嘩一聲
亦唔似有千一尺咁大
景觀又比無想像中差
整體我對呢間房係有d失望既
就好似對澳門既感覺一樣
可能黎澳門真係要住氹仔果堆新酒店先叫正常發揮
好似上葡京之類
始終星期六日房價真係貴
下次再試或者星期日一咁黎住好過

去旅行就真係好難好似係香港staycation咁可以一兩點就去check in
然後留到第二日十二點先走
好似今日咁都成四點幾check in
然後影完相沖個涼五點幾又要出去食夜晚
第二晚起身食完早餐無耐又要check out
根本就唔會用到佢地泳池設備
酒店有幾大都無用

一個月前已經book左六點去mezza9
所以五點半就要出發
好在酒店格離有巴士站
貌似係永利都幾難會截到的士

雖然澳門取消口罩令仲早過香港
但原來搭巴士仲係要戴口罩既

不過我搭左幾次都無戴
架50號巴士去到氹仔已經full撚晒
成車都係支那閪
D撚頭全部都唔撚識聽唔該
點都唔會讓個位出黎比人落車
係要撞撞撞先得

mezza9位於澳門君悅酒店
而君悅又位於新濠天地入面
咁係科技大學站落車望上去呢間就係摩珀斯

個名我成日聯想起matrix
同君悅一樣都係新濠天地既其中一間酒店
由個名開始
外表同入面都好摩登


同永利真係兩個世界黎
但係唔知點解係官網任何月份都搵唔到有房

因為都差唔多夠鐘
都無係商場入面行好耐
不過感覺成個商場都無乜人
明明星期六傍晚應該算係黃金時間
雖然話就話外面落雨
可能d人流都係係番遊客區同巴黎人倫敦人果邊掛

之前有講過話永利d餐廳起晒係商場入面
咁君悅既中菜廳都係商場入面

滿堂彩係米芝蓮推介餐廳
同香港港灣壹號一樣
但上官網睇餐牌
係完全見唔到價錢既
最唔鍾意就係呢一點
唔寫價錢既目的我只有諗到一個
而澳門大部份餐廳都係咁

應該澳門所有商場都好似迷宮咁
每次入去都唔知點樣先去到目的地
不過見到君悅餐廳再行前就會去到酒店大堂

唔知點解我又會覺得自助餐係要搭lift先上到去

mezza9 macau係酒店3樓
港女點名話一定要食既其中一間餐廳
alfred話佢係全澳門最難book既自助餐
見其他人都話佢係澳門自助餐既天花板
咁但係我一上官網就已經可以book得到
心諗邊忽難book
但原來而家睇番
如果星期六既話都要去到八月先有位
可能果時真係少人book掛

岩岩六點去到就見到要排隊入


門口寫話已經full左

但事實係入面都仲有空位

一入餐廳就見到幾個龍蝦缸

有做過功課
咁都知道mezza9同一般自助餐唔同
佢基本係做海鮮小菜放題
以熟食為主
落order即叫即整既自助餐廳

呢間餐廳就只有支那獎

餐廳環境就大概係咁

位同位之間都幾迫

張二人檯都算正常size
唔會太細都叫做夠位擺

同普通自助餐唔同
佢都預設已經有隻碟擺係度for share野食用
同埋有枝水擺係度
亦都有紙巾

咁但係我地位後面就已經係熟食區

d支那閪撚樣成日係我地格離左穿右插
仲要唔知點解d閪囝閪囡好鍾意彈出彈入
搞到個位耐唔耐會地震
澳門餐廳仲有個特色就係地下痴痴立立
呢兩日去過大部份餐廳都有呢種情況
就算聽日食自助早餐係咁
mezza9亦都係一樣
所以環境衛生就真係好一般
無得同香港比

佢有間獨立房

入面都好似坐到幾多人

中場係飲品區

呢個算係mezz9其中一個比較特出既地方

油呢d就要加錢既


其他果汁汽水就任飲既



仲有鮮榨橙汁同菠蘿賓治


不過最出色都係呢位水吧職員

可以係度點野飲
就算係好普通既凍檸茶凍檸水佢都真係調出黎而唔係就咁斟出黎

所以真係特別好飲

餐廳最大特色就係之前講過既海鮮小菜放題

呢個區就係即煮新鮮龍蝦
見到人面幾個師傅不停係咁切同煮
應該好撚熱

落單係要排隊
由一開始已經大排長龍
但其實根本無需要咁樣做
因為過完第一水之後就唔洗再排
而我就係柒果水了

龍蝦就有幾種煮法

蒜茸蒸

避風塘

芝士焗

仲有炭烤同辣汁無試到
其實好快就上檯
都係十至廿分鐘左右
焗同蒸都係開邊上檯
避風塘就碎件上既
我自己就覺得蒜茸蒸最好食最入味
呢個生熟程度就岩岩好最彈口
芝士焗就就麻麻地太膩同有d鞋
避風塘係惹味既
不過會重味同較濟

除左龍蝦仲有其他炭烤熟食好似沙甸魚同雞腿


不過真係主攻龍蝦好過

另一個熟食位就係之前話我地身後果張檯

呢part炒飯炒麵就無拎過

格離燒味檔都係

係小菜放題之下呢d就變得毫無吸引力

中式燉湯就幾多料


然之後係綠色放題

八種煮法

轉個彎近門口果邊係第三個放題區



龍蝦以外既海鮮放題
有十七款海鮮
十種煮法


有鱔有鮑魚有扇貝
不過一個胃真係叫唔晒咁多






仲有d佢地上錯格離檯既菜式
基本淨係一round都收皮

真係明正言順既海鮮小菜放題

咁可能放題區太特出
自助餐區就顯得可有可無

燒烤食物得燒豬架

鞋什什

凍海鮮佢擺又擺得求其

連一件都無拎過


龍蝦湯同牛尾都有拎


龍蝦湯咸到要洗賢
牛尾爽口

龍蝦包就比特別

不過包太多肉太少


生牛片就唔錯幾有油香

沙律仲係唔識欣賞

係仲有個日式區既




但呢個唔入廁所係唔會發現既隱型區域
真心唔明點解個設計係咁on9

天婦羅

六款刺身

茶碗蒸

全部都係普通野

洗手間都普通啦

因為多支那人
所以唔係幾乾淨

最後就係甜品區
就係熟食對面

有即整梳乎里pancake

不過賣相麻麻

朱古力心太軟都係即焗熱辣辣

原個蛋糕就好少

都係芝士蛋糕同tiramisu

普通蛋糕發揮

呢堆蛋糕仔就望落都覺得鳩鳩地



後面有水果


同埋要問先有既椰皇焦糖布甸

呢個係即場燒既

唔算大份
椰子味都無乜
不過就幾滑

mezza9無杯裝雪糕

又係問先有既軟雪糕
呢個毫無特別
唔知收收埋埋既道理

最後仲有紅豆沙

好杰身

整體就係咁多
其實就唔係話好多選擇
純粹係因為小菜放題而聞名
但其實咁樣食法都真係幾快食飽
根本無一樣野可以叫到兩round
好快就可以收皮
自助餐由六點至九點
只有三個鐘時間
亦都比香港普遍少一個鐘
但係顛到有d人七點幾八點已經走

唔明澳門人食自助餐既玩法

同埋呢
支那人食法亦都係好與別唔同既
佢地可以一邊拎住野食一邊排隊再一邊即場食手上食物
係好撚痴線

我就唔係特別覺得呢間自助餐有幾出色
不過係官網book檯有tick目的係慶祝既話
佢地就會係尾段送上蛋糕

次次鬧完交到呢個環節就會開心晒

仲會有即影即有相

香港應該曾經都有呢種服務
但呢三年黎食暈咁多間酒店餐廳係一間都未試過有

埋單唔記得影單
每人819葡幣
好似只可以係官網訂位或者join酒店package先食得到
所以係完全零折扣
即係連加一每人超過九舊水
今次用支聯碌卡
番單就大約一千七百五
平均都要875港紙一位
比起前排去麗晶仲貴
我自己就覺得唔太抵食
九舊水如果去流浮山食海鮮都可以食得好撚飽
質素應該仲好過呢度好多
佢小菜以外既地方都係一般無咩特別
衛生環境又差過香港普遍既五星酒店
淨係無那那會有d支那人行過黎你個位格離嘈撚住晒都夠死
地下又痴立立
都係試得多香港酒店過黎澳門酒店試下
呢個價錢我就唔會再戰
仲話呢個係澳門自助餐既天花板
咁即係其他酒店都可能只係普通貨色
成日聽人講話香港幾差幾差人地外面幾好幾好
食完就真心覺得吹大左
不過服務都仲算係幾好既
入黎帶位有介紹餐廳既自助餐都算係少有
無位放袋佢都拎多張凳過黎擺野
除左有效阻隔埋班支那佬
仲會放埋椅套都算係咁
亦都有影相服務
呢方面算做得幾好
係澳門受氣都唔少
呢度都算係咁架啦

落番大堂已經黑到天晒


又落大雨

都過唔到去倫敦人轉個圈
九點幾架巴士又係多人到full左
真係如果唔係總站上車都幾辛苦

番酒店仲有職員把守係電梯口
好聽d就保安唔錯
難聽d就係擾民
不過好耐之前黎澳門真係見過有g係酒店電梯拉客
但港女咁既樣點睇都唔似啦

夜晚係張大床睇電視都真幾c服

拍得住rosewood


DAY1 完

繼續留名食早餐

staycation巴

做咩咁想睇早餐

澳門staycation

live 左

因為我大鄉里 訂左隔離永利
想睇下呢面有咩唔同咋

應該一樣
我都係番永利果邊間咖啡苑食自助早餐

樓主咁樣去一去 應該用超過5000蚊？

DAY2.1 永利澳門(下) 咖啡苑

尋晚落大雨
今朝起身天氣其實都無咩點好過
一直都仲係落住細雨

即係如果避開果幾棟樓
咁樣影到個景都唔錯既

但係近睇就會見到永利商場個天花
毫無美觀可言
咁我諗永利唔係對住表演湖個景會仲差

一街之隔既美高梅商場天花都係一模一樣
即係如果用黎活化整個泳池乜乜乜之類應該會好睇好多
香港就唔會見到咁既畫面
因為商場上面一定係起樓

如果平時去旅行
正常就會好早食佢既早餐
然後就即刻出發
不過比咁貴住間五星酒店
就總係想留到最後一刻
遲d去東京住高輪花香路應該都會咁

咁早餐就去到十點半
我地都同平時係香港staycation一樣九點幾十點先落去
但睇下呢個酒店地圖

萬利既酒店大堂係左上角
大堂格離果間叫做咖啡廷
係單點早餐黎
佢話我地果個係自助早餐
叫做咖啡苑
而咖啡苑就係永利大堂果邊
由我地萬利呢邊開始係要穿過成個賭場先去得到
泳池亦都係一樣
所以無咩必要根本就唔會去游水

萬利大堂格離既咖啡廷

係門口都可以一眼望晒
感覺真係商場餐廳咁款

咁穿過晒賭場就會黎到咖啡苑

同永利皇宮果間同名
大家都係食自助餐既

環境都正正常常

有個落地大玻璃花園泳池景
所以話點出去游水

出面仲有戶外檯
可以呼吸用

不過今日落雨無開

餐廳都有幾盞吊燈



今次我地坐半圓梳化

呢個位幾舒服

呢度座位唔多
一眼都望晒
同香港自助餐廳無得比
所以佢收個價都係比較平
夜晚都只係四百幾
只係尋晚mezza9既一半
原本以為餐廳咁細間
人又少
個自助早餐都似係鳩鳩地
但佢都真係比想像中多選擇
行過一圈幾乎用左三份一間餐廳用黎做自助區

四種果汁


cold cut比較少

但係都有幾款芝士

再行入去檯面有兩款熱粥


綠色野同水果


再過隔離有去邊都見到既葡撻

同埋超多種類麵包
有綠色又有紫色
仲有

咁以麵包款黎講真係多過香港任何一間

第一次見早餐有魚生供應

即係雖然唔知係咪隔夜貨


格離除左有西式熱食
仲有粉麵檔同強檔


粉麵檔有牛腩又有雲吞

味道仲要唔錯
強就正正常常揀左奄列

不過有d支那佬係唔識排隊既
一黎就話要
咁個廚又比左我果份佢
屌佢老味生勾勾

佢除左煎強
仲有半熟強放係度自助拎


淨係食包都食飽

最後係5色乳酪


除左果汁
仲有單點野飲

不過味道就同尋晚差得多
個伯爵茶都只係用茶包


呢度服務都算唔錯
以早餐黎講亦都比想像中好
今餐都好似香港咁要了隻龜
每人268
連埋加一就差唔多三舊
都唔係平過夜晚好多
咁都可以想像到其實夜晚應該唔會有咩特別野

就黎復活節

餐廳都有d小禮物可以揀下
上年去港島香格里拉送果隻朱古力兔仔都仲擺左隻屋企未溶

食完就周圍行下
永利大堂

即係個排腸都同萬利果邊好唔同
有埋紅地毯

係大堂已經見到泳池

所以我從來係無見過有人係度游水既
同埋萬利大樓
客房全部都係面向呢一個位
個feel係有d似港麗同港香既

地下有個意大利餐廳入口

呢間帝雅廷係米芝蓮餐盤推薦同福布斯五星餐廳
電梯要上一層
係永利外面可以見到一樓寧寧舍舍有間餐廳起左係外面

不過而家就暫停營業
而且只開夜晚
就幾難有機會食到

大堂右手面有間叫做霞酒廊既餐廳

不過朝早就未開

以酒吧黎講又好似太開放式

再行都係名店商場


永利除左門口表演湖
仲有個都幾多人停留既位
叫做吉祥樹富貴龍

咁其實都係指同一個地方
位置就係地圖左下角
呢度真係成個迷宮咁
指示又無乜
真係要鳩行先搵到

成個永利最多人就係呢度
仲多人過賭場

就係有棟樹慢慢突出黎

同個天花形幕會係咁轉畫面
咁其實真係無咩咁特別

對比番萬利大堂係咁細


都係見人地影相先留意到
原來前檯背後係個水母水族箱

稱聲係全世界最大水母水族箱
之一
大堂左手面就係萬利賭場
右手邊入去就係上房客lift大堂

上番去搞多陣都check out
今日唔知點解勁涼爽
但仲特登換左短衫短褲
唔知係吹齊定澳門衛生唔好啦
番到香港屙足成個星期

係出面望番萬利大樓

但呢一邊全部都只係走廊景

成間永利澳門就好多出入口既

從來都唔會知會入左去邊度

永利對面係星際娛樂場

但呢d舊野應該都好少人會去

再行番去永利既正門

就係表演湖
時間唔岩
從來都見唔到佢會噴水
永利皇宮果邊一樣有表演湖
果邊更大更新
而且仲有私家纜車可以欣賞

永利大樓都唔係話舊過萬利大樓好多
不過都矮左一截

正門前面果座獨立建築就係意大利餐廳帝雅廷
頭先都見特登有部專用升降機係門口入面

咁基本上永利既行程就差唔多
今日就會係舊城呢邊行
不過因為係永利個apps做左會員
會有200蚊dining credit既迎新電子券
所以之後都仲會番黎食埋間99麵先再走


續