另一半變左性冷感之後，經歷左五個階段

拮過扯過 2023-04-02 04:35:22

借朋友acc出post，原文，分享自己對另一半性冷感既感受，歡迎分享同類型經歷同埋感受

背景
我係男，結左婚，有小朋友，有工人湊，呀b夜晚訓覺訓中間。同老婆雙方都有工作，家務同湊b大家50:50冇話邊個特別付出得多
婚前知佢同我拍拖前有sp，以前佢對性愛既態度係開放既、歡欣、樂於接受、配合、正面。而果陣都算多水幾好砌。最記得我當時問佢點解要搵sp，佢答：「佢認為性係愛必要既其中一項要素」我當時係唔同意既，因為當時我長期有著落，初生之犢都唔知性飢渴係點

好景不常，長話短說，同佢婚後佢生b後對性既態度180度改變，開始性冷感。過程唔講了，好多巴打都係連登討論過分享過，大同小異，我比較想分享我總結出黎既五個階段，適用於我自己身上。

1. 否認
由bb出世一年左右我都體諒老婆，當時我都冇乜心情同佢做愛，所以有一段長時間係停左冇做。再多手返既時候一開頭佢係格手，我當時冇為意，完全miss左呢個signal，又或者係我潛意識否認緊佢唔想做愛既呢個事實。惡夢先啱啱開始。因為佢以前從來唔會拒絕我，果時我仲天真地以為佢係玩欲拒還迎，或者係一兩日咁冇心情，或者果日攰，幫佢諗無數個藉口。果陣未同佢攤出黎傾過，我仲慒下慒下唔知做乜，傻傻地等待，當然唔會有結果。
經歷呢個階段既時候我不停上網搵類似既case包括連登，親子王國，想了解究竟發生咩事，除左搵到好多類似既case之外，仲搵到d係由女方講個男方唔掂佢所以好down，我天真地以為佢第日有可能會變返以前咁淫咁好扑。
呢個階段持續左半年左右

2. 討價還價
過左第一階段，咁落去都唔係辦法，開始諗辦法解決性需要。咁事實上邊有辦法丫，唔通強姦佢咩⋯⋯咁就開始左第二階段，做契弟咁食狗飯，低聲下氣。係佢攤係床到玩電話抵果陣我會手多多，當時我試過同佢講：「唔洗理我，你照玩電話，我照搞就得」講咁既野我係on9，我係白痴仔。呢個時期大概仲會隔個半月會扑一次，當然每次都係成個on9仔咁做下把位Ai契弟咁ai，過程都同以前比相差好遠，好快乾，催射，唔會做任何主動⋯⋯當中既難受、屈辱、失望，應該好多巴打都感受過，呢到都無謂再講。然後落到去階段2.5
無可否認放工返黎都仲要湊細路係好攰既，但都唔會日日咁攰，而且小朋友慢慢大都穩定左，變到日復一日多過話日日都辛苦到冇餘力。當時我開始會以開玩笑既形式用一d蠢方法去討價還價
最白痴既係我話「如果你成日冇性趣，咁我唯有出去搵其他女人解決」我清楚明白我係好弱智講d咁既野。唔通要脅佢就有用咩，街市買餸講價定打劫講條件。但唔做都做左了，當然都唔會有咩結果，佢表示冇反對，亦都冇表示同意，只係繼續講自己生完賀爾蒙唔同左唔想扑野。呢個時期係我回想返最不堪入耳既一段時間
第二階段最少維持左一年

3. 憤怒
經歷左長時間第二階段既屈辱，作為一個仲有自尊既男人我自然開始覺得憤怒。「當我乞兒？」「想做愛都要求你？」「你冇性需要架？」腦裡面充斥住呢幾種諗法，雙方既拗撬增加，有時比佢拒絕完我會好嬲，之後果幾日就會用冷暴力去對待佢，佢都會感覺到然後有時係其他方面對我好d，有時會用同樣方式還擊。除左硬，我亦都試過軟。試過幾次放低呀b，同佢出去拍下拖、洗錢、撐枱腳咁氹下佢，當然都無功而還，換黎既係接踵而來既怒火，爭吵。有次我醒起佢以前話性係愛入面既必要元素，我再問佢類似既問題，佢答：「我覺得雙方有愛既話性唔係必需囉」佢前言不對後語我嬲到仆街
如果睇返第一段講背景，我有提過佢以前係有sp，唔止一個，佢地定期會扑野，佢會自己主動訂埋房果種。呢個亦都係第三階段既助燃劑。係罵交既時候我就會提出：「咁點解你以前同sp就咁鍾意扑，結左婚同老公就變性冷感先」心裡面最嬲果一樣係，點解個個都扑得你淨係我唔扑得先，明明同sp咩都玩過晒啦而家結左婚反而做聖女。呢點係我最嬲既一個重點，佢聽到我咁講會又嬲又傷心，所以亦都係激發雙方矛盾既重中之重，亦都可以再帶埋落第四階段。
但爭吵其實都唔算多，第三階段其實就維持大半年細炒好多次大炒三次左右

4. 沮喪，懷疑自己
點解佢對sp同對老公既分別會咁大。除左八分既憤怒，其實我仲有兩分既懷疑自己。佢以前既sp係交友app識，咁女當然揀男，揀得既都高大靚仔。係第四階段我有懷疑自己，係咪我條撚太細呢，定係唔夠硬呢，定係我太樣衰，定係我唔識奶閪，之類之類。我不停胡思亂想。好彩，由細到大既經歷令我心理都足夠強大，同時間，巧合地咁啱果期係職場上比我知道女同事無啦啦搭我糖，班女同事私底下講事非時唔少人讚我外表有人同我講返/有其他樓層既女同事聽講我係條team算唔錯專登黎望我咩樣/明明唔熟但約我單獨coffee break或者食lunch，之類之類，再咁啱職場上有突破人工加左一大截，令我清楚意識到我就算我已婚其實都係有市場，亦都重拾信心，亦都冇色心起走去同d女同事有咩下文。而性能力方面係個謎，我唔高唔矮，可幸以前既女朋友都冇投訴過，但可能冇佢以前班叫開雞既sp咁識玩都唔出奇，唔排除係我扑得佢唔夠爽，但婚前佢都好地地，婚後大轉變，呢個係冇答案既問題。
除左自我懷疑，當中我亦都有經歷唔開心，迷惘，沮喪。我情緒會低落，唔想同佢交流，寧願做野。呀b平時係訓我地中間，有段時間我專登同佢分房訓，除低結婚戒指唔戴出街，我心諗還掂結左婚定冇結婚都係一樣啦。
第四階段大概維持半年

5. 接受/面對
時間返到後現在，頭先，半夜兩點，佢係房，我心諗難得呀b今晚早訓，冷手打返個熱飛機減下壓先，我潛意識都估到佢八成機會未訓，兩成機會訓左，不過都懶理，照打。然後到我打完要清潔同清理，我開房門想去廁所，撞正佢想拎野入房叉電。其實我大概估到佢係有心扮訓想裝我撞破我打丁。佢望到我拎住紙巾禁住條丁，佢用七分厭惡兩分玩笑一分奸計得逞既語氣講：「咦！好核突呀你！」我零思考即時回應左一句：「我呢種係正常既性需要！」然後我頭也不回繼續行入廁所，佢亦都冇回應，我見唔到佢表情。如常清理、清潔、再沖埋涼。
咦⋯⋯
好似終於釋懷了。進入左第五階段。
唔知點解我覺得放低左一個包袱，算啦以後你同唔同我做愛，你因為咩原因唔同我做愛，甚至乎你同邊個做愛，其實分別不大了，當然派得帽就要預左要離婚，然後就換左一個破碎家庭比呀b
重點係原來不知不覺間我已經改變左，以後我應該唔再care你知唔知我打緊丁
我唔care你覺得我打丁係咪污糟
我唔care你點睇我係有性需要係需要解決
我唔care你係咪性冷感了

我是好孩子 2023-04-02 04:42:55

巴打呢個時間出post

，有類似既經歷，完全明白你個種無奈