[讀好書] 嚴選13本好書

孫子兵法,幾好睇

佢套野
建議你去睇下《依戀理論三部曲1：依附》，一開頭成章都係講Freud既研究方法同思想有咩缺憾

LM
巴打同我的閱讀喜好好相似
個人推介<<美的演化>>
係講達爾文比較少人提「性擇」呢個概念

美加呢邊仲係好強, 心理治療三大家之一, 同埋仲有好多頂尖治療師不斷改良緊.
香港始終D人想快, 同埋未必擺咁多錢落去做心理治療, 文化好唔同.

美加呢邊D case可以一見見十年架

澳洲既人好似仲會係咁讀佢套野

Yes agree，同埋香港都sort of label左心理治療呢樣野

屌你 暗串到

想問lacan the other同埋其他歐陸他者
係咪又係源於kant嘅thing in themselves

唔覺得兩樣野有關係

「人能學會如何遺忘嗎?」
「問題不在於遺忘。人要學的是如何記得，並且不受過去所擺佈；如何與亡者並存，但依然與生者活在當下。」

今日又睇咗一批幾頁紙再多幾日就完b deduction
就嚟可以睇佢逐一論證各種category同埋到我最想睇second analogy

Dklm 睇咁撚耐睇得個三成幾
雖然佢表達嘅嘢係有趣 但佢寫嘅嘢好似鬼食泥

屌

係咪食咗叔本華

真係除非大吉利是住咗好耐院
如果唔係呢世絕對唔讀佢啲書

Dklm 影片入口版至起碼三百六十條片 每條半個鐘 唔食唔瞓馬拉松式都起碼睇足七日
我真係唔同佢飢饉三十
https://youtube.com/playlist?list=PL4gvlOxpKKIgR4OyOt31isknkVH2Kweq2

lm

巴打有冇D藝術方面好書介紹
最好易睇少少

藝術相關書咁大個範圍，而且好多所謂藝術書都好少內容又不知所云，所以我睇過得好少，又要易讀，但易讀既書一般都係學唔到野開唔到眼界，但我覺得有幾本係可能啱睇：

朱光潛嘅《談美》同埋《文藝心理學》
《觀看的方式》都係多人推薦
《藝術的故事》最出名嘅視覺藝術史入門
《畫家之眼》 推薦俾有繪畫興趣嘅人

因為我近年睇緊D關於[藝術-心理學-大腦機制過程]既書，個範圍真係好大:


深入啲嘅話推薦：
《音樂認知心理學》蔡振家 ，易讀、全面，唔悶(邊有人唔鍾意聽音樂)

《Brain, Beauty, and Art: Essays Bringing Neuroaesthetics into Focus》Anjan Chatterjee
呢本書精選咗近年講審美經驗與大腦關係嘅得意研究，範疇由閱讀、音樂、詩詞、人臉美、建築藝術、身體藝術都有提

例如佢地有人提出啲model出嚟解釋當人睇緊文學詩詞作品個陣既大腦過程，認為人有分兩種閱讀模式 ：快讀（e.g.讀harry potter）和 慢讀(讀莎士比亞)。
又會研究閱讀象形文字同字母文字係大腦層面有咩唔同，佢地發現閱讀象形文字係會活化更加多腦區。

身體藝術方面，有人由身體藝術出發研究鏡像神經元，例如講啲溜冰比賽評分員本身都係溜冰專家，當佢地擁有專業知識去做評審，大腦鏡象神經元系統會模擬出多啲動作細節出嚟去睇個參賽者做得好唔好。

又例如欣賞動作片同體育競技時，大腦研究指出當人睇到啲自己難以達成嘅動作俾其他人做出嚟，大腦會特別activity，運動皮質區同獎勵系統會活化，解釋咗點解人鍾意睇同學習動作片表演。（仲有抖陰）

當然最核心仲有討論"美"作為生理愉悅本身，喺腦神經層面存唔存在所謂"共通貨幣common currency"( 或者叫Common neural value representations https://www.nature.com/articles/s41598-019-52159-9 )，啫係無論乜嘢藝術形式，美感係咪都係一樣嘅大腦活化模式，最後輸出可以簡化成同質的正/負面反應。

呢個問題好得意，雖然20年前一早已經scan到前額葉眼額皮質(mofc)會有activity，亦都好早確定左係屬於獎勵系統一部份


上圖示意:唔同感官信息都會有連接送到大腦既眼額皮質區，所以欣賞各種類型藝術、美食甚至數學公式都會活化mofc呢個區域:

但細睇又判斷唔到係邊批神經元導致，亦更加唔知個腦係點樣估算出一樣嘢嘅價值，啫係共通貨幣作為概念假設係可質疑。但我幾肯定嘅係 大腦有套通用嘅價值評估系統。

另外有本叫《The Aesthetic Mind: Philosophy and Psychology》，裡面有章講既題目係The Origins of Aesthetics: A Neurobiological Basis for Affective Feelings and Aesthetics

內容係講人既審美能力源自獎勵系統同情緒系統，講解情緒 獎勵對生存既功能，LIST左對人黎講有咩刺激物係有reward/punisher，然後以此建立一套基於達爾文演化論同生物學起源既美學學說。

https://www.semanticscholar.org/paper/The-Origins-of-Aesthetics%3A-A-Neurobiological-Basis-Rolls/bfda27f406a8ef138872eb55521a91ace359dfad

另一本Aesthetic Science: Connecting Minds, Brains, and Experience neurology of visual aesthetics，裡面最後有章係由神科學科家V.S. Ramachandran寫既Neurology of Visual Aesthetics: Indian nymphs, modern art, and sexy beaks

佢解釋視覺藝術利用左人腦既邊D知覺/認知偏好，仲歸納左做8條原則，好生動精彩既解說: (23:30 開始講藝術與感知)
https://www.youtube.com/watch?v=0NzShMiqKgQ&t=389s

如果你認同飲食文化、fine dining都係藝術欣賞，再推薦睇一本叫《神經美食學Neurogastronomy: How the Brain Creates Flavor and Why It Matters》，因為好得意，講美學既書全部都唔係好講嗅覺味覺都係人類最重要既感官享受來源，如果想搵本書了解人類食慾、食野生理機制既話好推薦睇呢本。你會發現嗅覺運作同視覺面孔辨識好似，都係好抽象、難以用語言描述，但你個腦分辨味道就好似分辨面孔咁自動快速。佢係由微觀既氣味受體講到嗅球再講到嗅覺與其他神經系統構造相連，本書簡而精。

大體而言:藝術欣賞涉及既腦區: