1.正午惡魔:憂鬱症的全面圖像 The Noonday Demon－An Atlas of Depression BY Andrew Solomon
生活喺複雜又多壓力源既世界，住喺香港呢個貧富懸殊又無人權既地方，仲要成日睇連登，睇IG睇人幾幸福，想唔抑鬱都難啦，有需要推薦睇，冇情緒問題都可以當係了解下關於抑鬱症既演化、歷史、治療，呢本書好厚，但真係最全面。
廷伸閱讀:《憂鬱的演化》
2.《壓力 WHY ZEBRAS DON’T GET ULCERS》 BY Robert Sapolsky
之前推薦呢本書作者Robert Sapolsky個本《行為：暴力、競爭、利他，人類行為背後的生物學》，其實佢以前仲寫呢本好好睇，講關於壓力的生理學，壓力對唔同人體系統有咩影響，關注精神健康必睇，最近出左新既中譯本。(同埋今年黎緊呢個作者會出一本書講自由意志與決定論話題，值得期待)
3.《潛意識正在控制你的行為Subliminal: How Your Unconscious Mind Rules Your Behavior》
BY Leonard Mlodinow
對心理學感興趣既話，一定會對潛意識感興趣，Freud又太過時，睇呢本書可以了解近代有咩同潛意識有關既實驗，呢個作者收集既資料幾豐富。
廷伸閱讀:《躲在我腦中的陌生人：誰在幫我們選擇、決策？誰操縱我們愛戀、生氣，甚至抓狂？Incognito:The Secret Lives of the Brain》
5.《恐懼的力量good for nothing》 abigail marsh
點解人會有利他行為同反社會行為? 作者發現原來同人腦杏仁核對恐懼既反應強弱有關，寫得十分之精彩同詳細，最尾仲加一part講母愛與利他行為起源，神來之筆
6. 《欲望分子多巴胺The Molecule of More》 Daniel Z. Lieberman
以往我地解釋"開心"呢種反應，成日都會講因為分泌多巴胺，但其實根據新近研究，獎勵系統其實分成兩部份迴路分別負責喜歡liking和想要wanting，多巴胺既功能更多係負責慾望/想要wanting，liking係因為分泌 類鴉片Opioid
7.《迷因:基因和迷因共謀的人類心智和文化演化史The Meme Machine》Susan Blackmore
人唔係得生理系統，人係有理性、語言、文化既動物，人會學習同模仿，簡而言之，人係會傳播迷因。道金斯既《自私的基因》相信好多人都睇過，佢講左好多有趣既野，但裡面最震撼我既係佢提出既迷因概念作為文化既基本單位，迷因同基因一樣，會複製、突變、選擇，而更重要係兩者會共同演化。呢本書可以話係自私的基因既後續，因為作者Susan Blackmore係個意識研究學者，市面上兩本意識導論都係佢寫，後面佢仲討論到利他行為與 "自我作為一個MEME"既思想，相當精彩
基因與文化(迷因)的共同演化:
8.《你以為你的選擇真的是你的選擇？ FREEDOM REGAINED: The Possibility of Free Will》Julian Baggini
當了解完人既潛意識、生理系統、文化有幾咁大影響力之後，當然要順便思考下自己係咪真係咁自由。呢本書既後半我覺得好有啟發性，因為佢討論完哲學同科學對自由意志既看法之後就轉為講藝術家眼中的自由，「一個藝術家可以一面相信他的作為是被各種東西所決定的，另一面又可以認為他在實踐上（發揮所長/發展）是自由的。」，整體上係一本精彩既哲學普及著作
