細個唔明點解大人唔再熱衷於打機而家廿中開始明了

人龍d最近隻「維新」故事其實麻麻地，不過d支線幾攪笑，同埋d小遊戲都多. 唔錯嘅.
我玩巫師3最主要唔係玩故事，係周圍搵人玩啤牌.

手機game我有時都會dl嚟試吓，但每次都係咁上下玩法，個畫面靚又點啫，又要攪首抽，又要課一大舊錢先會勁，我玩PVE多，唔夠勁又過唔到關，又要再課多d. 我唔係咁鍾意依個方式.. 了解完就del.

見到個post先醒起部PS5都好似幾個月無開了

對一般人來講，除咗家人同搵錢，其他一切人生價值都係流於吹水，唔通你做到可以影響世界嘅大事咩。

30歲前就財自
得閒連續打幾日機
打到悶搵其他野玩
人廢先會搵原由話自己唔再熱衷做XXX

真
我第一隻就係Detroit become human
玩嗰陣就一直諗未來有機會發生
到e+既AI發展仲進步緊
但係長遠AI成熟唔係完全冇可能

唔止兩樣都有， 而且仲可以同個女人一齊打機

三中既樓主
細個唔明點解大人唔再熱衷於打飛機而家三中開始明了

仲有其他野。
有些人係精神上追求，如神父。
有些人追求認同感，如漫畫家/藝人咁，賺少d錢佢地都快樂。

去到最後，往往都係人生的意義，用時間換咩返黎。

其實都係問，時間咁用你ok ma? 無咩需要理其他人，只要個人ok就得，梵高都係攞住支筆係到自己掃來掃去。

其實回應緊樓主點解，相信好多人都係咁。

打機時那些自由時間同空間真係好正，但現實好多野做，如應付工作/照顧家人等。

時間有限，要取捨時都難免問自己一句想要咩，最後往往都打得越來越少，相信好多人都面對這階段。

最大樂趣係同自己嘅仔女一齊打機。
仲要寶刀末老，打贏佢地。

所謂精神上或認同感嘅追求，拎出來同人講就等於吹水，自己收埋自己high就即係追求快樂，去到尾就係用時間換取快樂。

你話一個四五十歲幾時間用來打機有人生意義D，定係用來讀聖經唸佛經有人生意義D，定係用來整D冇人看賣不了錢的藝術品有人生意對D？在我看來，三者在意義上完全沒有分別，分別只是在於能否令你快樂。

除非你係能夠影響世界嘅偉人，人生意義就係家人，賺錢，同享樂。所謂精神上的追求，說穿了只是享樂的一種。

其實打機都係同班fd開心，點會一丁友打

人生想追求d咩，往往離不開快樂。每人定義都唔同，大部份人追求親情/物質生活，這點無可爭辯，但同時唔係單單得這些。

偉人成功前，亦由都是前人舖路，而這些路都是很孤獨乏味，甚至失去家人同物質生活。如科學家，面對難明理論，犧牲同家人的時間去研究，還要大灑金錢，唔少都得個吉。同樣漫畫家在成功前，亦受盡歧視，生活唔好得去邊。這些人都為了後人修橋補路，讓偉人踏上成功之路。

回應返點解唔再打機，大概是人有唔同階段，想追求唔同野。其實係唔係要理其他人，而係個人追求咩，而這些野是否讓你得到真正的快樂。

作為老鬼想講，一班陌生人係機舖歡呼有共鳴係好開心。

單機線性故事遊戲，其實都係當睇電影，除非你話點會一丁友睇戲

唔代表一個人打機唔開心
只係你唔係果類人

近年少咗好多需要chok招嘅動作game，比較有代表嘅得魔女

其實我自己黎講，會打機好大部份係有朋友一齊玩，先會花時間，而現實係大家越來越無時間

好明顯我講緊多人驚，單機驚講明單機

依家仲有幾多機舖啊

出zelda mon hunt咪一撚樣個個請假打機

無，所以真係無乜氣氛。但有道好就係唔洗忍二手煙黑社會，2睇啦。

一個人玩有時幾無癮，當然你可當睇小說咁。