有人畫咗套關於抑鬱嘅漫畫，唔知大家有無都試過咁樣諗嘢呢？

想抱抱你
最近嘅我差唔多情況
有時同朋友講完覺得自己好似講多左野同煩住佢地咁
前排壓抑得太多而家好似到左上限
好辛苦好痛苦但要繼續生活落去

幫推

畫得好好睇 內容都好充實 一下子就睇哂
感性同理性之間既掙扎講得好中 好有共鳴
有時會同人搵藉口合理化言行呀
明明好好又咩都唔想做呀
知道自己應該要做啲咩要諗啲咩但都要鑽牛角尖呀
原來呢啲事係好正常
多謝你整理好思緒再創作成漫畫 好感恩見到呢篇作品

今日一定係好日子啫！

共鳴
其實好多香港人呢幾年都係咁

除左原生家庭嘅問題 仲有唔同程度嘅創傷後遺症 再加上無咩地方發洩得出自己嘅情緒 同埋對未來根本無咩盼望
快樂談何容易？唔抑鬱都已經夠難

真

推推

加油

快樂從來都唔容易，點解去化解不快樂先係最重要

你人生太幸福
基本上有低谷過都明

總有一日，佢會明的

同抑鬱既人相處真係好高深既學問
我自己試過抑鬱，唔算嚴重
我身邊既人有過更嚴重既抑鬱
但就算經歷過都冇100%辦法可以令相處既人開心d
拉佢出去做鍾意做既野？ 抑鬱有個癥狀係失去對本來鍾意既事既興趣，有時係反效果
更唔好話叫佢睇開d, 你好過80%既人架啦人地仲慘啦呢d說話

多謝樓主漫畫令我認識多d抑鬱既人既想法

只能夠講如果大家身邊有抑鬱既人，唔好自信覺得自己可以幫到幾多
如果幫唔到佢甚至自殺左，都唔好太內疚覺得自己可以做好d
(除非你真係讀過深入既 clinical psychology /psychiatry )

係，多謝你咁長嘅分享！

不過部漫畫我只係分享，作者係呢位：
https://www.instagram.com/barkingpapers/

大家記得follow返佢！

重度抑鬱路過
其實如果去到好嚴重
睇醫生食血清素都係一種辦法
之前連睇醫生都極度抗拒
依家食緊藥反而搵得返自己
雖然唔知食藥控制條路仲有幾長
但依家可以感受返到「活著」呢兩個字
同路人 共勉之