有一個INTJ嘅朋友 有時好難相處

但我覺得唔一定要有果
講完個論點deal唔到咪由佢
我都爆曬氣 屌曬鬼咁
都仲可以堅持要討論
點都想得到個果
咁我就覺得依個點唔好

其實討論無結果係因為你說服唔到佢

而你又唔想承認佢個point強d

說服啲咩？變曬做辯論咁
要證據又要搵資料咁
個問題咪就係如果雙方覺得自己冇講錯
大家知大家點諗咪得囉 咁咪算 話題啫
死都要拗落去 至死方休咁款
如果要扮覺得對方啱先完到

依種仲係討論咩？

所以問題都有答案架其實

傾完唔想有conclusion就唔好傾

你啱 逃避當然係解決方法之一
但有時只係想朋友閒聊幾句啫
唔想下下都要打仗咁

你試下下次開topic前講明唔會有conclusion先再傾

我都好憎人開個topic出黎扮想討論根住無結尾

eg移民去邊好

好得意

entp但已經唔記得係咩

聽上去應該work 可以試下Thx
講好曬啲野先

因為呢種人佢唔會放係心上， 但可能你會唔開心

男朋友係INTJ-A 我係INFJ-T
開頭會覺得佢好固執同arrogant?
後尾習慣左個相處模式
發現係佢諗得比我多
所以反而係我諗少 無諗得夠
所以後尾同佢傾嘅時候
都開始變相諗得多啲
宜家傾計都無話吵個啲

我諗INTJ 會唔會都可能有嗰啲認為
自己諗好多 考慮好多
但其實都唔夠個類？
又或者你朋友真係諗得夠
只係你諗唔明 好唔認同（唔係話你錯）

如果真係咁嘅話
或者可能佢真係未必咁啱同你相處？
朋友唔啱咪慢啲淡

其實我係覺得佢邏輯清晰
講嘅觀點好詳細
佢會成日覺得自己 仲未講曬自己想講嘅
所以覺得我唔明佢講咩咁
但其實好多冇結果嘅位都係價值觀
打個例子
佢會覺得200去聚餐好唔抵
買個Moon翻去用仲抵
但一齊食飯有時個價值唔係飽肚上
但佢會好堅持唔抵啊 咩實用性啊
咁依啲位我就會開始想轉話題
佢就會堅持講

定係我要詳細分析我嘅論點
佢先會deal而唔會太堅持講落去?

作為INTJ
我明你朋友諗咩
因為我一樣會咁諗
食飯要錢 要睇咩人約我先決定去唔去
一黎嗰啲人對我人生有咩幫助
二黎傾完食完我可以有咩得著 (心靈上/思想上)
俾幾百蚊出黎一班人hea幾個鐘講是非講無聊野
我會覺得好浪費時間同金錢
情願留喺屋企做自己野 睇下書仲滿足

不過 唔知你地係咪好細個
人大咗我知道要適當地同唔同嘅人維繫
主要係因為唔知幾時會需要佢地幫手
所以有時就算我真係好唔想去我都會出席
我會覺得你朋友作為INTJ 諗得未夠深入長遠

你可以說服佢嘅點就係
好多得著唔係即時性 食完餐飯個刻就可以反映到
而係儲人脈以備不時之需

佢真係情願一個人
唔會應酬同事 又唔會應酬朋友
覺得社交根本係浪費自己時間
你講得好啱 有時覺得佢應該儲人脈

INTJ + Aspie here
我都自覺好難相處，留低喺我身邊都係心地善良又忍得我嘅人，好感激

老實講
如果唔想應酬而夾硬要出去都係一種折磨
出席完呢啲飯局我精神上都會好攰
最好第二日要全日留返喺屋企
我自問人脈都唔夠廣 但真係唔想太多應酬
我嘅解決辦法係識某幾個人脈夠廣嘅人

睇黎你都幾重視呢個朋友
你可以做佢人脈嘅中間人

原來會知有時相處會覺得INTJ太著重理性
忽略咗感性嘅必要

好多INT_同IST_都係on the spectrum
當中又人人差異好大
有啲比較self-aware，有啲就畫到出腸都係死牛一邊頸
唔敢話你老友一定都係
但有機會

其實你應該feel到每次討論完佢好快會restore到/ 主動揾返你先

因為對佢黎講討論還討論， 朋友還朋友

幾重視嘅 有時都會推薦朋友佢識
只係佢要有好多個人時間 唔出街
主要係覺得佢成日好孤單咁
又成日隱瞞自己嘅內心

佢唔會主動搵人 但會好似完全冇事咁
我就嬲足幾日 每次都會反省下係咪太小氣
又注意下次點樣唔嬲
但轉頭又俾佢搞一次爆氣

係呀 多數呢d人都係中意討論， 對事唔對人

有時仲會唔明點解人地會嬲左

佢嘅情緒都剩係係個討論topic上， 唔會放係心

你都唔好放係心

可能真係要好明確分析大家價值觀唔同，而唔想就咁轉話題唔傾
覺得對方唔想講避開話題係幾唔尊重既一件事
因為平時對方講乜就算我冇興趣都會傾落去
所以最好雙方都邏輯清晰指出點解會導致冇共識，價值觀上有咩唔同

利申intp

同你一樣
有個老友係intj
不過sofar都唔錯
似係你老友太鑽牛角尖
如果我老友睇到 我想比佢知我屌你老母！

我指中間人唔係推薦朋友
係假如有需要 你就係幫到佢搵相應人脈嘅人
如果無啦啦要我出黎識朋友嘅朋友
我會覺得好奇怪又尷尬

其實係你以為佢孤獨
但佢自己一個應該好開心
有時我覺得害怕自己一個人嘅人先係真正嘅孤獨
內心空虛嘅人先要成日搵人痴住