日經 - 單相全屋用電是否不智

嚟緊裝修全爆，諗住cut煤氣，將煮食爐同熱水爐都轉埋用電
見過有啲即熱式電熱水爐，如果加埋浴室寶，一堆電器
全屋單相係咪唔夠做，會唔會搞到日日屋企跳大制

同你一樣，不過好似單相熱水爐唔係好夠沖涼，好似至少三相先夠
我自己2個人住用儲水式既，長開24小時，冬天都夠沖10-15分鐘既
如果本身人多而且沖涼耐既話就都係建議用返煤氣

單相即熱爐，沖涼快啲都得既。電磁爐唔夠w數，炒餸無咁好喎。做乜咁睇唔開

單相

睇下個總制幾大先啦, 有數得計

睇你屋苑比你屋企總電流大細既姐
正常63A，三相熱水爐加浴室寶都冇問題

我記得早幾年睇個陣，單相熱水爐係比人裝係廚房洗下碗用

單相電即熱只限洗碗用 冬天沖涼唔夠用
你要用電只可以揀儲水式

唔夠做 一定要申請雙相

千祈唔好用即熱式，冬天會凍到pk, 之前租屋用過，問個熱水爐師父有冇得攪，係咪個爐壞，佢話冇，即熱係提升一個固定溫度通常廿度左右，冬天水喉水凍，加完之後都係唔夠熱

如果你用電就用速熱式，冬天都係幾分鐘就夠熱，而且keep住加熱，夠熱水你keep住用

單相電咪諗電熱水爐

如果你間屋係用嚟收租，你都係用返煤氣

用緊單相速熱式熱水爐，冬天一個人沖無問題，但連續2個人沖就未必夠熱水用。

儲水式長開247咪會好嘥電？

我睇單相即熱式，話如果用節能花灑就可以長開長有，唔知堅定流

有雙相定樣野？
我淨係識單相同三相，唔知申請批唔批

咁姐係如果屋企單相，沖涼最好用速熱好過即熱？
我見速熱係類似儲水式，不過半儲水半即熱咁

平時都少煮食，同埋諗住買埋微波蒸焗爐

返屋企唔可以即時沖涼起碼要等10分鐘以上，凍天輪住排隊沖涼，每次熱水維持到10分鐘

通常上手用完要煲好水先熄電掣，咁下手就即刻有得用熱水。

單相電即熱式熱水爐唔可以愛嚟沖涼，你死咗條心佢啦

單相60a全電無問題，舊屋就係咁
有幾點要注意
熱水爐一定要用高壓儲水式，冬天夠用，唔洗鬥快沖涼，即熱唔好諗
13a電磁爐火力會差d，據聞新款勁左，但要cfu做定30a制係廚房先夠推
以上兩款電器各30a，計數一齊開就扯盡，注意下唔好煮飯沖涼一齊就ok

冷氣+沖涼+煮食

如果大廈本身有3相，你申請單位3相會易d批

問題會好易壞
無三相都係用煤氣