[求教] 埋線鼻究竟做唔做得過

睇好多人分享埋線鼻好高風險
但又好似幾靚
心郁郁

睇整容berry D片la
超詳盡. 整容血淚史黎

千奇唔好

又睇下開刀隆鼻會出咩事


微整形撚 咩都問得
- 分享自 LIHKG 討論區
https://lih.kg/zpMvvMX

我自己試過 暫時都ok

除非你想開刀， 如果唔係埋線無問題

好好

做左over十年

開刀隆鼻風險都唔會細得過埋線

冇穿線嗎? D線吸收哂之後 個鼻有冇都係高過以前?

如果好撚豬, 超大鼻肥婆.jpg , 可以一試.
如果係BERRY 本身靚女, 就唔好搞仲好...

正常唔係皮太薄點會穿

覺得keep住係好左

本身靚既人先會更加落力去整 大鼻肥婆一開始就冇希望果種反而唔會整

佢係講技術本身可以有問題
有鼻敏感都唔應該做
佢試過成條線”支”到出嚟

Ｑ４. 埋線隆鼻術後可以「擤鼻涕」嗎？
埋線隆鼻術後可以擤鼻涕，但不宜太大力。做完埋線隆鼻手術後，因為鼻尖處會有線體，因此在擤鼻涕時不宜用力搓揉、捏住鼻頭，可能會造成線體位移或鼻部腫脹。建議埋線隆鼻術後擤鼻涕時可將嘴巴閉緊，以手指輕壓一邊的鼻孔，並且輕輕的將氣體排出，就可以將鼻涕排出，過程中需避免急躁造成的用力過猛。

上一次做係3年前(第2次做)
相信已經吸收哂
鼻樑仲keep到
中途冇打過任何嘢

打第3次/透明質酸嘅意欲係0
冇諗過keep到咁耐 同好自然


鼻樑埋前埋後嘅分別真係好大…
但如果要再靚d (精緻d/縮細鼻頭) 真係要去開刀

但見到開刀風險同回復期好長 打消左開刀念頭…

個人忠告係
如果係鼻扁可以做 但鼻大就開刀最實際

重做唔知大唔大機會令鼻樑凹凸不平呢?因為每入一次線就有一舊新既夾膜
做2 3 4次咪有機會令又新又舊既夾膜疊埋一齊

冇錯
所以我冇再做
廢事他朝有日想開刀

你指做完埋線要做隆鼻?
咁做2 3 4次埋線 D玻尿酸走哂之後會唔會一樣凹凸不平架?

[台灣做左三次隆鼻好後悔，俾我呻下]
https://ladies.discuss.com.hk/viewthread.php?tid=28871899
[整鼻後一年..好後悔...什至有抑鬱]
https://ladies.discuss.com.hk/viewthread.php?tid=26195878
[後悔隆鼻或已取出揮手區]
https://ladies.discuss.com.hk/viewthread.php?tid=25097447
https://ladies.discuss.com.hk/viewthread.php?tid=26993671
[假體隆鼻前要諗清楚..]
https://ladies.discuss.com.hk/viewthread.php?tid=25861156
呢個半年重修一次 埋線鼻都KEEP到18個月啦 而且唔駛請大假

隆鼻係冇永久
最好彩你都要因為老化/鈣化而10年重修一次
唔好彩幾年就要重修5 6次
無論手術風險、身體創傷、心理壓力、時間成本定價錢都遠遠高過你係香港打針埋線到你老

想要隆鼻都係等香港醫美風氣好似中台日韓咁盛行先啦
人地換個假體好似落街食飯咁
而且人人都有整 你整完要請假都冇咁樣衰
香港咁你要重修5 6次 你可以番咩工?

你咩事係咁吹埋線鼻

有時睇嘢要睇兩面 大把人整鼻啦呢個年頭 手術失敗都睇好多因素 例如醫生 技術 年代 等等
的確有人手術失敗 但亦都有好多人成功 真係驚咪用多少少錢去啲鼻王/國家度整囉
埋線鼻真係完全冇可取嘅地方喎 先唔講埋線鼻唔可以重複做 淨係線會穿出鼻都肯定唔會KEEP到18個月啦 仲要你自己都睇咁多文 你都知鼻頭係幾咁脆弱幾咁冇支撐
就算你一次埋線冇事 都唔代表你個鼻頭可以頂到之後第二次第三次

我由細個就已經想整個鼻好耐 做嘅research一定唔會少 你估我唔想做埋線咩 又快又平效果都好 但如果真係咁好 啲整容醫院執晒啦 啲韓星個個都去做埋線得啦 使鬼開刀咩 你估個個都想拎一大筆錢出嚟挨大刀

齋考察可以做整容達人𠻹你咁講 如果真係咁驚嘅 連透明質酸都唔打得啦 打針落鼻都有機會盲
仲有 你估整鼻好平 而家閒閒地一隻鼻都5萬蚊港紙 冇錢點會整容啊 同埋點解你覺得人人都一定要返工

你講到係過來人咁 你係咪整咗先 定你連諮詢都冇做過？如果你真係咁持平 你就應該勸人連容都唔好整 而唔係喺度吹埋線鼻囉

原本打左長文
睇到你講到[點解你覺得人人都一定要返工]就DEL哂
我衷心祝福你手術成功效果持久唔駛重修

Keep住整過3次
無穿過線又keep得耐 會繼續整
因為我無諗住會開刀 所以無所謂
我覺得個改變好大
波尿酸嗰啲又會變粗又快無
其實最緊要係醫生手勢 做得好你又聽話
其實唔會穿線 我做前上網做過好多功課
就算唔好彩穿左條 叫醫生幫你慢慢剪左佢
再消毒佢就可以 好快會埋口
最緊要唔好自己搞
相比開刀 個人覺得開刀好危險又痛
仲要一定要成世人修復 次次都要捱刀好黐線
最緊要做好啲功課 唔好信網上啲打手廣告
要去間負責任既美容院/診所
唯一唔好處係個人覺得個過程幾痛下
不過都係10分鐘到

其實所有整容，講緊開刀個啲，都係需要久唔久亞修復，不是一勞永逸的

但係埋線鼻其實好多國家都不推薦做，唔知點解呢幾年香港興翻

我鼻大到成龍咁 反而想縮鼻
有冇縮鼻心得

如果線吸收曬，本來個鼻會有變化？會唔會變大左