話說最初係沙灘上面, 本身淨係諗住清下D垃圾, 移走D阻路既石頭。搬左幾舊之後, 突然間發現上圖個舊, 一拎上手咁輕既!? 但any肥, 照將佢搬埋一邊先.
就當我執左一輪開始覺得攰想收皮既時候, 我突然醒起我睇過既一單新聞：
泰男海灘散步撿19.5公斤塊狀物 腥臭觸感似蜂蜜 疑為天價龍涎香
https://www.hk01.com/article/682106?utm_source=01appshare&utm_medium=referral
當我Google search完[龍涎香]呢個term, 發現自己搵到既呢樣野, 同龍涎香又真係幾相似. 於是就決定帶左舊野返屋企先.
咁當我帶舊野返屋企, 我屋企人當然問呢舊野咩黎, 我話可能係龍涎香, 咁佢哋問龍涎香係咩野, 咁我就將網上搵既資料比佢哋睇. 佢哋都好surprised問: 係真唔係? 當然我都係咁諗.
接住佢哋都有問: 咁你諗住點？咁當然, 我都唔知可以點...
而我再compare多少少既網絡資訊, 但個答案都係話我舊野好似真係.
網站
https://ambergrisconnect.com/identification.html#two
好喇, 咁我舊野又真係摸上去有D蠟質, 仔細睇係粉狀, 攞上手又輕過石頭, 而我又唔會真係break佢, 所以其他野唔知啦. 但我諗, 假如我要發達, 有2樣野我要做:
1. 用科學方法證明呢舊係龍涎香
2. 搵方法賣左佢
咁用得科學方法, 唔洗錢又樂意咁做既話, 似乎得大學喇. 咁所以我聯絡返我大學既Marine Science研究所同Science Faculty, 結果Marine Science 就唔覆, Science Faculty既人將我既Enquiry推黎推去.
搞左成3個月, 結果Earth Science既一個Post-doctoral researcher覆左我, 仲約左見面. 但礙於earth science部門既儀器所限, 最終我攞我舊“石”比佢哋好快做檢驗, 得出既結論係: 呢舊野唔係inorganic個wo. (換句話講: 呢舊野真係唔係石頭黎wo.)
但佢都好好, 比左2篇關於化驗龍涎香既papers我, 而個重點係: 要搵部叫GCMS (Gas Chromatograph-Mass Spectrometer)既儀器先至check到架.
當然好多大學都有部咁既野, 但借唔借機, 同借唔借人幫你check就另一回事啦. 咁我照send email比大學, 咁最後就石沉大海啦.
好啦, 咁我唔求大學啦. 諗左(拖左)都有幾個月, 終於我決定公開擺上黎論壇問, 睇下呢個臥虎藏龍既連登, 有冇巴絲識得咩付費既lab, 可以比我test呢舊unknown sample?
最後得個吉都好, 起碼都叫發左場開心既夢. 但如果真係驗到呢舊係龍涎香而我又真係賣得出呢舊野, 除左報答返巴絲, 我諗緊想將部分錢捐比救流浪貓狗既機構, 同埋佛/道教既慈善團體.
Sorly for my 1999.
Just in case, 留多個tg先:
@unkwonsample
