一人一間美容院黑店

大家見到啲咩試做價 千其唔好比佢地呃去試做
做完會係咁sell你

金玉紅醫療團隊

個名咁老土既

You beauty 俾佢困在房hard sell 兩次，
怕到唔敢再上去

Oasis beauty

根本99.9% 嘅美容院都係黑店
唔hard sell你 點會有咁多美容師年收入過百萬（仲好搵過ibank analyst），啲美容公司仲要開喺旺區

見到試做價100蚊一定唔可以貪平
亦都唔好係街見到有妹妹仔叫你做美容問卷，而心軟上去（最中意用「我差最後一份問卷就收得工」，唔洗理，佢哋係part time，有佣分
你答佢有咩唔滿意嘅地方=你試做完會sell嘅地方

= = = = = =
以下分享有血有淚經歷，年少on9先會咁，希望可以令到少啲人上當

利申：
大中小美容院都試過十幾間，俾得最多錢果間應該課左6位數字

見我冇痘痘 就話我皮膚乾要加大保濕
見到我手臂粗 就問我洗唔洗做hifu
見我有閉口 就話唔理會變薛家燕粒墨
總之你身上點都會俾佢捉到缺點
分分鐘李嘉欣上去都會俾佢哋屌到一文不值
而且佢地自己皮膚化完妝仲差過我
依個時候佢哋就會話自己好大年紀，所以都叫keep得唔錯
當年真係衰自己心軟+以為自己真係好差先會去美容院

你話有效都算9數
除左第一次試做氹你課金可能有用之外，第二三次就Hea做（=冇效果）
有次試做美白facial，做完一起身就讚你白咗好多
但我見到完全唔覺得有分別（日日刷牙果陣都照鏡，我覺得我客觀啲）

有時第一次有效，on99買左套療程
點知第二次冇用，但都真係唔想嘥咗啲錢，唯有繼續用埋佢
依個時候，佢哋就會話你買左果個療程係基本野，可以繼續用，但得閒都要做d 更advanced 既療程
最後唔夠立場堅定，又被佢哋水買另一個
如是者，水下水下就會變左好多都未用完

佢地根本唔理你有冇能力找數，成日話分期付款好抵
但又不斷說服你買更多嘅療程
個debt越滾越大，遲早爆煲
好彩自己及時醒覺不過都後悔緊醒得太遲

後尾移咗民，仲有美容院whatsapp 我叫我得閒返香港做埋啲未做嘅療程

奉勸睇到依度嘅朋友
入咗坑既你 - 止蝕離場，俾咗嘅錢係suck cost，無謂令自己越比越多
學生妹 - 青春係最好既護膚用，唔需要人去你又去
對自己冇自信嘅人 - 護膚/身材要時間去改，唔好貪快，欣宜去美容院減完又係好快反彈
做緊美容雞既你 - dllm

而家科技發達，好多醫美儀器都有家用式儀器
做個精明嘅消費者，自己皮膚自己研究，冇人比你更清楚自己嘅膚質
就算家用儀器冇咁勁，力度同次數自己隨時決定（講緊剃毛）
Trial & error
自己研究會有風險，但去美容院都有爛面嘅風險
與其信一個中學都未畢業既「美容師」
不如Google d 啱自己嘅護膚成份/買下枝貴野用仲好
分分鐘仲有用+成本仲平
搵個同自己膚質一樣既YouTuber/ blogger，參考佢買啲咩

打得超長多謝收睇
心入面好想打死幾年前嘅自己

啲美容院唔一直sell你又點樣一直賺錢呢？

我就係怕咗啲美容院 所以自己開咗一間無sales嘅美容院
但結果就係連人工租金都賺唔返 收支平衡都做唔到

所以做美容院根本唔可能唔一直sell爆啲客

有無買左plan

都係 所以奉勸大家 唔好貪小便宜
多謝你既分享

份糧根本就係黎自啲客到
講真真係work 真係覺得有用自己會去買
唔需要人sell

我好反對人去美容院
真心覺得愈做愈唔好
佢成日幫你按按按
搵啲機吸吸吸，又碌碌碌
咁樣搞啲皮膚咪仲快老

然後叫你hifu
呢啲無底洞嚟，一唔做又鬆弛返
唔做其實好地地

飲多啲湯水/養生茶，瞓多啲覺，做多啲運動比去美容院work太多了

當然有啦，仲買左8千蚊plan , 但頭2次去已經俾人困在房hard sell 45分鐘+疲勞轟炸，嚇到之後果d 唔敢去了，d 俾左錢既course 由得佢浪費算

梗係唔得啦有錢都唔會俾佢
你帶多啲朋友上門又疲勞轟炸返佢

你係咪果間野做架

皮膚問題 直接搵專科醫生仲化算
分分鐘仲平過美容院

美容院嗰啲針清會整傷人

靠運動飲食呢啲唔係人人得
因為皮膚九成係基因、內分泌問題
個別由於護膚品選擇問題

係應該睇皮膚科醫生對症下藥先啱

而非盲信飲下湯 齋做運動就夠

好多時荷爾蒙出問題
用錯洗面、潔面、護理用品 破壞皮膚屏障
同埋 飲食出現問題
食太多高糖分、高升糖指數、omega-6 嘅食物
都會導致暗瘡問題

呢啲最好後睇睇醫生
好過估估下
用自己所謂「養生方法」都同做facial一樣行梗冤枉路

飲食嘅話
盡量避免牛奶 奶類製品、朱古力同埋牛肉
呢啲會出暗瘡

同意護膚可以造自己
但打斑真係要都美容院

你講得好啱
慎用護膚品，食少啲糖分
改善荷爾蒙問題我都有做，真係有用的

你唔係做機既話好難留客
果D補濕療程度度都差唔多點解一定要幫襯你

最憎嗰啲瞓到上床做做下先話你塊面有啲咩問題 不如轉做乜乜乜 完全唔講價錢
join咗package又話呢樣唔包果樣要額外加錢
做完又要逼你去見嗰啲所謂嘅美容顧問 夾返你一個鐘先放你走 浪費時間

不過有啲真係要去美容院做機嘅
例如嗰啲打微絲血管打斑嗰啲

最後悔係幾皮野join package扣格仔
睇啲廣告好似好勁咁做幾次就好
但我塊面就做極都咁差

唔好貪靚，接受自己醜陋


內心同戶口自然會富足

富足時啲靚人就會埋你身

有冇睇佐伯老師教人按摩？佢話好容易按錯力度，會易出紋，我盡量都唔會對塊面用力，唔會抹面，會印下面