有無人睇開NAD+類補充劑(尤其是NR)既研究呀？

NR - nicotinamide riboside
屈臣氏賣個隻，牌子名叫TRU Niagen，裏面個關鍵成份為NR [實際上係 NR黐住粒Chloride，即nicotinamide riboside chloride]
總之食左佢，人體細胞最後就會轉化佢做NAD+，而NAD+其中一個功能係用來修補DNA老化損壞，於是有抗衰老效果

再加一個背景知識，人類身體自己本身係會製造NAD+來修補細胞的，係由維化命B3做原料轉化而成。
但係，只有BB及小朋友時代NAD+水平最高，然後成年人時代，個身體就會越來越少容許維化命B3轉化做NAD+------所以人年紀越大NAD+水平越來越低，即使你狂食維化命B3都無用！因為係你個身體唔畀佢地轉化做NAD+ ------- i.e. 你個基因設計就係咁，佢想你身體老死，唔好同下一代爭資源，咁至會對演化有利

回正題
系我理解中，屈臣氏賣個隻NR(TRU Niagen)，佢夠膽系廣告中明言佢會「抗衰老」，係因為有動物實驗支持，並且理論上人類都用同一套機制，所以理論上都會對人類有效。不過目前並無人體實驗方面証明其效用 [若有研究人員己經做緊人類實驗，可能要等多廿年或三十年至出到結果]

我想問，有無人睇開NR - nicotinamide riboside 類既研究呀？
尤其是佢動物實驗效果方面係點？ (因為用短命動物做實驗，至可以較短時間睇得出結果)

求有睇開既大大簡介一下而家有咩實驗結果！
(TRU Niagen最早好似係香港2018年開賣。所以呢幾年應該有更多更新既實驗結果出來？)

求有識之士指教！

連登似乎都越來越少有識之士了

你貼啲相關動物實驗既文link
出黎比大家學習下再討論

明言抗衰老嘅產品一街都係啦

真 全部都係trust me bro 咁講經咩

其實因為我忙於睇我本科既實驗論文，
好難抽時時去睇NR相關既動物實驗論文(尤其是bio方面唔係我專長)
所以至希望有識之士分享下
(我不時網上見到有人對心理學或精神科疑問，都會出黎解答下，因為有d野我地熟行既，識得答，又或者識得邊個方向查下資料答到人，對比唔熟果科者，佢地要查資料會係事倍功半)

呢排食開NMN，不過feel唔到好明顯作用
只係個人無咁攰，唔知關唔關事

NMN個主要研究佬david sinclair好似想將NMN轉做藥，俾佢轉成可能第時冇咁易買到
其實都好多文（鱔稿feel）吹到NMN好勁咁，諗緊買唔買多啲喺屋企放住先

而家是否己有研究証實，口服NMN係入到人體的？

食咗四年到，由屈臣氏個隻到而家食NMN，感覺上樣貌相較同齡上較年輕，唔知關唔關事

有無人睇開呢類動物實驗既研究呀？

其實對所有器官都有功效
好多實驗針對唔同器官睇佢有咩效果
睇完d paper好似無敵神藥咁
所有慢性病都會有d效果
不過後生仔食 我諗性價比唔高
老人或重病應該有用d

可否畀幾條link來睇睇？
呢D器官又係動物器官抑或人類器官？
因我以前睇過既資料都係，短時間內係睇唔到對人體有咩好處的。

https://www.frontiersin.org/articles/10.3389/fphys.2021.649547/full

是但用google搵既
動物研究為主啦
佢地要用方法整到隻動物有問題 用人好難咁做

似乎係用人類細胞既試管實驗 + 活體老鼠實驗

最出名咪就係個實驗味係將隻老到甩毛嘅老鼠同一隻年輕老鼠比較
落完藥之後老嘅老鼠跑贏左隻年輕老鼠
啲毛重好明顯生返出嚟

最近運動界多左隻禁藥bpc-157
隻藥係可以加快傷口復原，就連最怕整傷既跟腱都可以加速回復
但就因為咁就話會對運動員唔公平

未聽過呢個實驗
求link或keywords!

David Sinclair 信唔信？佢之前玩開 Resveratrol, 結果好似 … 😅