日本人點去旅行？
唔重要
旅行唔係必需,但工作生活係必需
就算淨係日本本土旅行都夠佢地玩
前面果句認同
但最後果句盲撐勉強左些少
井底蛙味好濃
日本人的確經常程度本土旅行
佢地係星期六日咁兩日一夜 可以新幹線又可以國內機去
人地國家大又多地方文化
就算講中國美國呢d 都係好多國內旅行 用返自己母語唔成問題
但香港始終地細 你唔會話去轉太平山叫旅行
甚至澳門都可以即日來回 仲要澳門都係講廣東話先方便
再講另一樣 語言問題
日本人將外來既英文等會轉做日文讀法 因為日文既字詞唔多 一係用漢字 一係就用片假名 到今時今日都會咁做
以前香港都係 將taxi 叫做的士 但而家好多英文字香港人講既時候已經會直接講英文 唔會譯做中文字
(或者本身已有中文字去代表)
個差別係 有d 專業深奧既詞 香港人一定要識英文先得
但日本人會有人譯晒做日文 方便佢地學習同使用 令到有d 情況下唔駛識英文都得
絕對唔係井唔井底既問題
首先要知道
「國內有好多旅行機會」同埋「淨係國內遊行都已經夠佢地玩」既分別
中國人，日本人，韓國人都有好多國內旅行既機會，基本上個國家大啲 交通完善就得
但唔等同於「淨係自己國家都夠佢地玩」，然後合理化左「外地旅行見識相對上唔重要」
你明唔明
另外語言問題
無研究得咁深
淨係知我上個月先係荷蘭試過同日本人溝通過
佢地啲英文拼音基本上大家都R撚哂頭
首先旅行呢樣野唔係單單講國家黎定做見識多定少
即係講一個國家入面可以用自己母語去見識多d 野
例如牧場 森林河流大地海建築等等
即使同一語系既地方文化都各有不同 呢樣亦都已經貼合左旅行既重點
如果要講語言 的確英文係叫方便
但學你話 如果重要性係講緊外地旅行既見識
咁好多地方其實都唔係識英文可以了解到
即係去日本咁 你唔識日文去到d 非旅遊點 可能都好難溝通得好 從而令到你接收既資訊少左 一樣冇意思
而語言並唔係話每個人都有能力時間學得晒學得好
咁響有限既條件下自己母語國內旅行可以見識到更多既野 又方便 對普通人黎講又點會話唔足夠呢
當然啦 仲有好多方法 即使真係出國 都可以跟團 或者找相同母語既導遊等等
並無話將外地旅行重唔重要
而係講緊響條件有限下 可以旅行既選擇多 見識既相對容易
但唔代表唔識語言就唔可以外地旅行
而且我上面都講 日本人經常作兩日一夜既短線國內旅行
只係佢地響本土既旅行本身已經好足夠玩
同樣佢地有大假既一樣可以出國旅行
我相信出國旅行對大部分普通人黎講都唔係輕易既事 可以一年真係得一次甚至冇
所以夠玩同可以再玩多d 並無衝突 亦唔係話井底
從來都無講過唔識英文等於唔可以去外地旅行
搵英文比較好既同母語導遊當然係個好選擇
但其實我只係針對你果句「淨係日本本土都夠佢地玩」去作出討論
所以你唔需要用咁長篇幅解釋日本人點樣去外地旅行我無否定過佢地出國既可能性
另外
如果你最後要黎一句「夠玩，其實可以再玩多啲」黎圓場
我無補充了
你已經騎左牆 無得拗
人地一開始都講 旅行唔係生活必需
而且有d 國家本土旅行的確係夠玩
咁你話人井底蛙思想
有人話過夠唔等於唔可以要額外野
咁你話人井底又係咩原因?
唔係想拗 但你話人盲撐又係咩理據先
