（峇里島）你地去峇里島住邊同玩咩？（2）

奶醬西多士 · 2023-02-11T13:50:24+08:00

（峇里島）你地去峇里島住邊同玩咩？ https://lihkg.com/thread/3262816/page/1 Q&A 1.兌錢去邊到兌好？兌美金定印尼盾？係香港兌最好，因為當地既兌換店會係幫你數錢既時候偷你幾張，你唔數錢數到最後都有機會比佢偷左。兌印尼盾就ok, 個到反而唔係到到都收美金 2. 峇里島需唔需要比tips？ Bali一般都會比tips既，所以兌錢既時候記得兌埋散紙，唔好諗住佢面值大就兌哂大紙，你覺得佢服務好既話一般比10000RP就可以，當然你覺得服務好好可以再比多d 3. 應該住邊區好？每個地區特色都唔一樣 Ubud係睇叢林，梯田同埋瀑布既，亦有唔少市集（賣當地既手作飾品或者工藝品），如果有興趣想睇火山既建議都係由Ubud出發，因為Ubud係最貼近火山位置了 Seminyak 係峇里島最熱鬧既地區同埋商業區，好多beach club, bar, spa, 餐廳同鋪頭都集中係呢到，所以好方便。 Jimbaran 既優勢係睇到日落，亦離Seminyak好近，靚酒店有Four Season, Raffles等等，渡假為主。 Uluwatu 有好靚既懸崖景同睇到好壯觀既印度洋，靚酒店有Bulgari, Alila等等，渡假為主。 Nusa dua有好乾淨同靚既白沙灘，靚酒店有Kempinski, St. Regis，渡假為主。 4. 我住係個區可唔可以去第二個區玩？唔建議，因為個到既交通都好塞，隨時短路程都大可以塞返幾個鐘，除左Jimbaran去Seminyak 夠近唔擔心外，最好唔好 5. 點解係個到玩玩下會腸胃炎同肚痾既？個到既水喉水煲返熱都唔好直接飲用，刷牙都用返樽裝水，盡量沖涼都唔好比水入口，因為個到既自來水係由海水再加大量既化學劑落去，都未能到可直接飲用既地步 6. 個到可以用咩app叫車？一般都會用Grab同Gojek，呢d app叫既車唔會坐地起價同亂叫價，跟錶比錢，仲可以用佢地黎叫外賣都得 7. 去個到shopping點睇？如果去峇里係為左shopping咁建議唔好去，去返泰國會岩你多d，因為個到既shopping mall都好矮好up dup。 8. 其實個到係咪淨係可以留係酒店玩？除左留係酒店都仲有好多野做既做spa, 去beach club，bar，cafe睇火山，行火山，睇日落，去海灘，浮潛，搵好野食，去water park，玩激流，玩滑翔傘，玩越野車，出海追海豚，去睇下海神廟留係酒店玩又係另一種玩法姐