今日同老婆搭火車miss左班車
要等到夜晚9點先有下一班車
本來天未黑都唔太驚
但見到有三個黑人喺附近,就醒神留意下
佢三個好似唔識 又好似有講兩句野識識地咁
但上到車又分開坐
其中一個同我地坐同一卡
我地卡頭 佢卡尾 坐對頭
雖然中間有d櫈隔住 但大家望到大家
我地就開始有少少淆底
唔知會唔會跟我地落車打劫之類
開始就諗定對策
e.g.要唔要做假動作扮落車 跟住衝返上車之類
但我地plan假動作個站咁岩真係成車人落曬車
得返果個黑人同另一個唔識既黑妹
結果我地無扮到落車
呢個時候個黑人笠左hoodies頂帽
我地即刻勁緊張
因為佢笠完真係好似得返個影咁
到左我地要真係要落果個站
我地就hold一hold先起身
等confirm佢唔係呢個站 我地先落車走
我一起身果下 就同佢對望左
我比個眼神示意我notice到佢
希望佢唔好亂嚟
結果我地平安上Uber返屋企
但後尾諗返 如果佢根本無諗過對我地做啲咩
又收到我個懷疑既眼神
會唔會好傷心?
覺得好似因為佢膚色而歧視左佢咁
咦家有啲罪惡感