貓貓隔10 幾分鐘就入砂盤一次

但都柯唔出尿， 或者柯得好少… 但精神又唔太差，飲水食野同玩都ok..

有咩幫到佢呢手～

有可能有石?
睇睇醫生好

會唔會係塞左尿道
之前我隻貓試過
你摸下佢膀胱位漲唔漲
如果漲就好危險
當年我隻貓差啲中尿毒

一定係生石，即刻睇醫生，要快睇。之前我隻貓都試過，可以惡化得好快。你帶佢睇醫生都要時間，化驗又要等，所以即刻去，唔好等，要快！

快啲book醫生
好大機會尿道有事

痾唔出係急症黎，要即刻睇醫生

塞左尿道喇 即刻去睇獸醫

做手術造人工尿道 要十萬蚊架 同埋之後都會再塞

記得之後餵佢飲多d 水 食下濕糧

好大鑊咁.. 但見佢仲好精神咁

咁問埋邊間診所仲開架？

仲屙到少少算發現得早 獸醫會幫佢通返尿道同開d 放鬆膀胱嘅藥 但貓嘅尿道好細 同埋佢地好少飲水 所以之後你自己頭留意迫佢飲多d 萬一尿道之後又生石塞哂就大鑊

貓忍耐能力好高

唔精神就已經太遲

尿道塞咗
好危險
會中尿毒甚至膀胱撕裂
快啲睇獸醫

深水埗 城大間野， 掂唔掂架，各位～

唔好得過且過
屙唔出尿好快就會死
有你所講既行為要即刻睇獸醫
夜晚凌晨都要仆出去

好彩就純粹尿道／膀胱炎，但冇石冇塞，食藥好快好
唔好彩就有石，可能要開刀
但總之無論邊種都係急症同埋會好辛苦，要盡快睇醫生

扑緊出去勒. 貓貓唔好死呀

其實出門前佢仲同另一隻開緊p, 追黎追去，下秒入左貓袋慘叫

可能有石，好彩的話食處方糧可根治問題，平時佢應該少飲水，好番之後要比佢飲多啲水

個陣我隻貓短期內又復發
J仔都傷埋
勁撚慘
醫生都話再黎第三次就插唔到尿喉
真係等死

如果醫生問照唔照x-ray, 建議快啲照左先
有石要快啲處理，我隻貓之前住左幾晚醫院😿

你隻貓個陣因為咩事？又係緊張？
我個隻乖仔又無事 後來轉左3餐濕糧比佢飲多啲水 而家食得訓得行得走得
我覺得貓飲多啲水真係好重要 真係唔好慳啲罐罐錢 迫佢地飲多啲水

尿道有晶體或石 去通通佢 之後轉糧

佢尿道結晶塞撚左
搞到好大獲
依家長期食配方糧

我個陣醫生睇得好hea 咩都無照 但佢摸膀胱個位話無尿塞住
其實如果尿道有結晶嘅話係點樣睇到？
祝福大家啲貓貓都健健康康

之前睇過都係痾唔到尿
當時個醫生幾好（雖然google review好差）
有名你叫寵物養和 做左一堆檢查同埋通尿道
盛惠兩萬蚊

之前我隻貓又係咁，出出入入幾次貓砂度去唔到廁所，嗰陣仲係凌晨時分，我打電話去動物診所，佢仲話可能係疴唔到屎，而貓幾日疴唔到屎唔係太特別既事，叫我觀察多幾日再算，但我見隻貓好似好辛苦咁，半夜都帶咗佢去睇急症。

最後發現佢真係塞左尿道，醫生仲話好彩帶去得快，如果唔係會尿道發炎，可能引致其他器官短時間內急速壞死。佢做咗個小手術，通左個尿道，拎咗啲石出嚟，住咗幾日醫院就無事。自呢件事之後，我好留意佢去廁所時嘅動作，會唔會有出出入入貓砂。