【愛情/校園】幫一個女仔課金,課到變左將軍（重製版）

🤘🏽

下晝有文

我地見面既日子好快就到,我打扮得靚靚仔仔就提早出門口。
搭車去到熟悉既咖啡店,坐係我地以前最常坐既位,望住出面人來人往既街,令我諗番返學既日子。
當我望到入哂神既時候,李美欣唔知幾時已經坐左係對面.....................

「Hello..............掛住望風景留意唔到妳到左....」 我尷尬咁講
「唔緊要,我都係到左一陣,見你望得咁入神所以咪無叫你。」李美欣講
「妳仲記唔記得我地每逢星期五放學就黎依到坐?有時做下功課,有時傾下計個種簡簡單單又一日既時光? 」我望住李美欣講
「仲有一齊打機講下咸濕野,全部都記得,可能記得仲多過你呀。」李美欣講
「咁妳仲記唔記得我將軍個名點黎呀公主。」我地兩個依一刻對望住
李美欣無答我,只係望住我微微一笑。
------------------------------------------------------------------------------------------------------------------

係食早餐至到集隊上課室既時候,唔知係我幻聽定咩,我無時無刻都聽到有人細細聲講將軍依兩個字。

雖然阿欣尋日無返學,但我係上堂同小息既時候都有部份女仔走埋去問佢野,我諗佢已經知道發生咩事。

而我亦都好肯定搞左依年事出黎既人係邊個。

就係lunch既時候我叫左阿鈞係廁所見。

「你明明應承左我唔講架,你唔單止講左出黎,仲搞到差唔多成校都知!」我好嬲咁講

「依家咪幾好,我算幫你間接表白喎,你多謝都無聲仲話言我轉頭?」阿鈞理直氣壯講

「你唔好講到件事你岩哂咁,依年事都係因為你而搞到我依家咁。」我講

「咁都唔怪得我既,要怪就怪你太易信人囉,哈哈哈.....」阿鈞一路笑一路走出廁所

本來我都因為依件次搞到都幾嬲,聽到阿鈞笑到咁更加嬲,我追左出去,正當我想落手打阿鈞既時候,後面有隻手拉住左我..........

​(待續)..........................

🤘🏽🤘🏽

我嬲到想整開隻手,但我愈掙扎隻手拉得我愈用力。

我放棄掙扎擰過去睇下係邊個,原來係阿欣................................

「阿祐妳想做咩呀............................」阿欣驚驚地咁望住我

「岩岩阿鈞個衰人..............都係無野啦.....」我唔想阿欣知道件事

「其實我已經知道哂成件事,對唔住搞到你有個咁既花名。」我估唔到阿欣會同我道歉

「講對唔住嗰個應該係我,搞到妳比我拉埋落水。」我講

「我唔緊要,依家差唔多成校都叫你依個花名,如果我肯堅持比番錢你就唔會搞到咁。」阿欣內疚咁講

「最衰都係我信左阿鈞,完全唔係妳錯,要講對唔住既係我先岩。」我講

「算啦,我同你自責都無用件事都發生左,既然無得補救,我地就樂觀啲面對件事。」阿欣強顏歡笑望住我

阿欣講完依句就係我耳邊細細聲講左佢個計劃比我聽。

聽完雖然個計劃雖然有啲唐突,但係依個辦法都唔錯,我同意左阿欣個計劃。

我地臨行番課室既時候,阿欣補充多句:

「我唔想再見到你發嬲個樣,同埋唔好嬲阿鈞啦!!!!」阿欣雙眼望實我

「有啲難度喎,我盡量啦。」我講

行去課室個條走廊,阿欣一直都望住操場,我望唔到佢個樣。

我知一個女仔唔會唔介懷比人閒言閒語,雖然阿欣口講唔緊要,但我知佢心底一定好介懷。

短短路程終於行到課室門口,係窗望入去差唔多成班都係齊到。

我地拖住手打開門入去.......................

🤘🏽🤘🏽

sorry又遲左

「係喎,妳仲記唔記得我地扮情侶解圍個件事?」我問李美欣
「我仲記得你發嬲個樣添,都話左我同你一齊發生過既事我都記得好清楚。」李美欣講
「咁我想問妳,妳個陣時有無真係鐘意過我?」我望實李美欣
「如果我答你有,都扭轉唔到依家今時今日既情況。」李美欣望番我轉頭
「對唔住......個陣時我太蠢。」依一刻我好後悔
「算啦,都過左去囉,依家我地各自反都有自己既生活。」李美欣歎左啖氣
「我地仲有無....................」我未講完就比李美欣打斷左
「我仲有野做,下次再傾啦,依餐我請,當係.........當係你陪我傾左咁耐計。」李美欣講完就拎埋手袋去左埋單
而我就坐返係原位係窗邊望住佢走。
點解我唔留住佢,我個心不斷係到責怪自己。
又要錯過佢多一次..............
----------------------------------------------------------------------------------------------------------------------------------------

我地兩個拖住手打開課室,依一刻時間好似停止左咁,成班眼定定望住我地兩個。

「我正式宣佈,我同李美欣由今日開始拍拖。」我大大聲咁講務求成班都聽到

阿欣係我講既時候隻手捉得我好緊,我諗應該係怕羞同尷尬,我都唔知點解自己有勇氣講出黎.......

成班聽我講完大概講完靜左大約五秒,之後阿文率先wow左一聲之後成班一齊和應。

有啲男仔就大大聲講將軍好野,小部份女仔就細細聲講:我都估到佢地兩個拍拖架啦。

依個畫面搞到我以為自己真係同緊阿欣拍拖咁,我呆左係到幾秒阿欣就撞一撞我肩頭。

我地兩個同時鬆開手各自各行番埋位,一坐低班男同學就圍埋黎問我幾時開始,拍左幾耐拖,各色反樣既問題。

我偷望到阿鈞失望既表情。

而阿欣嗰邊既情況同我一樣,好多女同學圍埋去問佢野,我地兩個好尷尬咁對望住,大家都笑左一笑,好快我地既視線就比人摭住左。

對於佢地既問題我都係笑一笑就算,因為我地拍拖依件事唔係事實黎。

拍拍拍~我地連老師入左黎都唔知道。

「成班分開兩堆圍埋一齊講咩呀?」教數學既宜老師問

「阿祐同阿欣岩岩宣佈拍拖呀!」唔知邊個大大聲講出黎

「係咁炸,快啲返埋位上堂啦,打左鐘好耐啦。」宜老師幫我地兩個順便解埋圍

多得阿欣既計劃我地先算平息左件事,但發展到依家咁都唔知算解決左同麻煩左。

不過都好有得扮同阿欣拍拖.......

我又係到亂諗咩呀,阿欣真係當我朋友黎.......

「阿祐,阿祐!!」顧住諗野連宜老師叫我都聽唔到

我聽到有啲同學係到偷笑緊。

「快啲拎書出黎打開五十二頁,我地做教學題第零題啦。」宜老師講

我打開書開始認真上堂。

見完李美欣之後,我已經分唔到係我變左定佢變左。
雖然佢仲記得我地中學時期既野,但我覺得佢已經唔再係中學清純既李美欣。
可能佢太早出黎社會,佢失去左中學最重要個兩年時光。
我仲好想同佢係番埋一齊,好想重拾番中學錯過左佢既時間。
可惜佢好直接避開左我條問題,應該係話佢直頭唔想答。
叮叮....................
手機響左幾下,望一望係阿文send左whatsapp比我。
----------------------------------
阿文:不如出黎食餐飯?咁耐無見。✔✔
我:唔係好忙既咩,搵親你都唔得閒。✔✔
阿文:依排sem break嘛,咁你食唔食呀?✔✔
我:食啦緊係話哂放榜之後都無見過。✔✔
阿文:咁時間地點晏啲再講✔✔
我:ok!!!✔✔
----------------------------------
放榜之後除左咁岩撞到李美欣之外都無見過其他人,難得阿文主動搵我緊係去見下佢啦。
隔左幾日,我地係約好既餐廳等,出門口前求求其其著件衫頭都無梳就出左門口,我同阿文咁熟唔洗點打扮都得。
我到左之後入餐廳望一望,阿文已經一早攞左位等我。遠睇已經見到阿文好似有啲唔開心。
「無見一排做咩成個人頹哂咁。」我問阿文
「無得我唔頹,大學啲節奏太快,學完啲野無幾耐就考,溫完睇完都唔識。」阿文講
「連我依個廢青聽完都覺得好辛苦。」我講
「仲有另一件事係,我岩岩同女朋友分左手。」阿文好灰咁講
「失戀啫,搵個另一個咪係囉,洗咩咁頹呀。」我講
「你唔明架啦,你又無拍過拖。」阿文講
「邊個話我無拍過拖.........」我唔肯定咁講
阿文笑左一笑就叫左侍應過黎落單。
成餐我地都無咩點再提起關於女仔既話題。
--------------------------------------------------------------------------------------------------------------------------------------------------------------------------
(待續)

up

將軍事件發生左之後,感覺上我同阿欣既感情好似加深左。

佢亦都多左個花名,叫做公主,唔係我改架,係阿欣話做得將軍就要保護好公主,所以佢叫我叫佢做公主.......

聽落雖然好牵強,但我覺得咁叫都幾親切,又突顯到我地依對假情侶。

我地由手機遊戲慢慢發展到一齊玩電腦遊戲。

係我中三既時候如果你想識朋友,只是同佢講自己有玩英雄聯盟咁你地兩個就可以做到朋友。

個時最熱門既電腦遊戲可以話係英雄聯盟,三個男仔就有兩個有玩。

我都係比阿文不停叫我玩我先下定決心玩,當然我緊係拉埋阿欣一齊玩。

本身我死都話唔玩,點知一玩盲玩上左癮。

一放學返屋企就玩,好多時玩到兩,三點都唔肯訓,阿欣雖然有玩,但佢唔似我咁著迷,可能女仔始終唔太鐘意依類遊戲。

自從將軍事件阿欣就好少提到課金,但有陣時我都會送下遊戲造型比佢。

佢都叫我唔洗送,但我堅持要送,因為課金依件事就好似係我地兩個之間既定情信物。

有一日唔記得咩節日我地學校放一日假,依日我就約左阿欣出街行下。

當然我執到個人靚靚仔仔先出門口,仲同埋阿媽講今晚唔返黎食飯添。

去到火車站我見阿欣未黎就玩住手機等佢,我攞手機出黎玩左一分鐘都無就有人督我背脊。

我擰轉頭望,一個著住黑色絲襪短褲再襯件有帽既墨綠色羽絨,無錯依個女仔就係阿欣。

唔知點解覺得佢咁著幾好睇,平時可能見佢著校服多,我地兩個出街佢衣著比較隨便,但今日又有一種新既形象,係女神feel。

「做咩眼金金望實我,係唔係我靚得濟?」阿欣微笑住講

「係呀.......唔係呀,同平時無咩分別啫,行囉我地。」我feel到自己塊面紅紅地

阿欣跟係我後面,入到閘之後我地都無講過野,阿欣跟係我後面。

「做咩咁靜呀公主?」我問

「無野呀,我地今日去邊呀?」阿欣問返我

「陣間妳咪知,包妳滿意。」我好有信心咁講

「聽住先啦。」阿欣講

係火車上面我地有講有笑,係其他人眼中應該會以為我地係一對情侶........

我地既目的地係旺角,到站之後我帶住阿欣睇下衫睇下鞋。

今日唔係紅日,但係唔知點解好似仲比紅日更加多人。

太多人既關係我叫阿欣跟緊啲我,突然佢捉住我隻手。

成件事太突然,我都比唔切反應,心裏面諗既然阿欣咁主動;

我亦都捉緊佢隻手,但我依刻太緊張隻手出哂手汗,但阿欣無介意仲捉得緊左。

行到無咁人既地方我地停左一停:

「唔係紅日都咁鬼多人架。」我講

「咪係囉,迫死我啦。」阿欣講

依一刻我先醒起我地仲拖住手,我好快咁鬆開左手。我望一望手錶,原來已經六點半。

「原來已經六點幾,我地去食野囉。」我講

「唔......」阿欣做一隻字答番我

我地隨便搵左間日本餐廳食晚餐,我地都有交換下啲野食,不過成餐都有啲靜。

今次埋單個時阿欣搶住話要埋,搞到我好唔好意思。

「你唔係同我計較依啲呀?」阿欣講

「下次我請番啦。」我講

「依家係唔係番屋企啦?」阿欣講

「仲有最後一樣野要做,飯後點品!!!!」我講完就拉住阿欣行

係拉住唔係拖住,我唔夠膽再拖多阿欣一次........

「依間甜品點好出名架,難得今日唔係紅日所以無咩人。」我講

「我好似上網見過下。」阿欣諗左諗

入到去我叫左個招牌焦糖布甸,阿欣盲叫左個朱古力心太軟。

叫左無幾耐啲甜品就黎到啦。

「賣相幾靚喎,等我試食下先。」阿欣講

「唔好食住,依間鋪頭仲有個特色。」我講完就叫左個侍應過黎

侍應知道我想做咩就係收銀枱攞左部即影即有過黎。

阿欣似乎都知道左發生咩事,佢就叫我坐去佢隔離。

「男仔坐埋啲啦,咁怕羞點保護自己個女朋友呀。」侍應笑笑口咁講

我慢慢坐近阿欣,阿欣見我咁怕羞就一下子拉左我過去。

「close啲啦,唔係唔好睇呀。」侍應好似擺明講緊我

我搭住阿欣膊頭,阿欣亦都唔介意。

「今日無咩客,送多張比你地啦。」侍應講

影完兩張即影即有之後,我地一人袋一張。

「終於有得食啦。」阿欣好心急咁講

「係啦,快啲試下啦,一定好好食。」我講

食完甜品,我地就搭巴士返去,我同阿欣行左成日都好攰,所以大家都無出聲。

巴士行左無幾耐阿欣無啦啦訓左落我個膊頭到,我一開始都想縮,但係最尾都無咁做。

望住阿欣訓既樣都幾得意,加上佢今日又著得咁靚,我覺得自己真係好幸福。

諗深一層我地兩個只係一對假既情侶........

大約半個鐘到站之後,阿欣係終於訓醒,當佢察覺到自己訓左係我個膊頭即刻有啲唔好意思。

「sorry.......」阿欣尷尬咁講

「唔緊要喎,妳訓得舒服就得。」我講

落車之後阿欣講多左句:「多謝你陪左我成日。」

我微微一笑,大家就各自各返屋企。

我諗依一日應該係我一生最難忘既一日。

(sorry依篇文斷斷續續咁出,因為我想輕輕鬆鬆寫一篇故事,加上人氣唔係咁高所以可以慢慢黎,預告一下依個故仔就黎完,
下一篇故事亦都準備好,應該可以好似女神個篇咁一日三篇,希望到時大家都繼續支持,依篇亦都係記住叫朋友仔睇下,
因為依篇我都擺左唔少心機落去。)

努力呀飛雲

同阿文食完飯分開之後。我就去左屋企附近既公園到坐下。
依個公園可以話記載住我同李美欣既回憶。
記得有一次夜晚,佢唔知咩事好唔開心過左黎依個公園。
仲叫我落黎陪下佢,落到黎我見到佢喊緊,我靜靜地行埋去坐係佢隔離。
佢見我黎到就伏左係我膊頭上面喊,我地兩個全程都無出個聲。
阿欣喊喊下攰得抖訓著左,我為左唔嘈醒佢就維持坐直既姿勢。
直到天光,阿欣比陽光照醒左,當阿欣發現佢唔小心訓著左,佢非常之尷尬咁同我say sorry。
我擰擰頭望唔緊要,我再問佢究竟發生咩事,佢無答我,只係一手拉住我話去食早餐。
既然阿欣唔願意講我亦都無追問落去,雖然佢隻眼腫哂,但阿欣都盡量強顏歡笑同我講野。
依家諗番佢應該唔想我睇到佢軟弱既一面........
----------------------------------------------------------------------------------------------------------------------------------------


連放左三日假,星期五,六,日。亦都同阿欣開心玩左一日。

到左最難捱既星期一,放左咁耐假有啲唔想番學。

但一諗到可以見到阿欣,就算幾攰我都會撐住返學,最多咪返到學校先補眠。

返學既路程竟然比我咁岩撞到阿欣,我快步追上佢:

「喂,咁岩呀公主。」

因為我突如其來拍佢膊頭,阿欣比我嚇左一嚇

「嚇死我咩無啦啦拍我膊頭,同埋咁岩依句應該係我講先岩,大將軍你跟蹤我呀?」

「係呀我跟蹤妳啊,妳唔記得我係公主妳部手機上面裝左GPS追蹤咩?」

「痴線佬!!!」阿欣微微笑住講

一路上我地都不忙爭取時間一齊玩手機,啲師兄弟師姐妹見我地玩我咁親密細細聲講緊我地兩個係唔係拍緊拖。

係呀我地係拍緊拖呀,不過係係我腦海裏面拍,而係真實世界我地只係一對扮拍拖既朋友.......

就算唔係真係拍拖,我都想keep住依段關係直到畢業或者再耐啲。

正當我以為今日會好似平時咁正常hea下又一日既時候。

食完午飯既空擋時間,阿欣同另一個女同學去左圖書館,課室零零丁丁得返幾個人。

依個時候,平時同阿欣好熟既女仔佢叫阿君走埋黎我隔離位坐低:

「阿祐呀,唔係應該叫將軍先岩。」依句令到我覺得佢有嘲諷既感覺

「其實你知唔知點解阿欣要咁親近你?我一早知道你地係扮情侶。」阿君依句令到我有啲不安

「妳講咩呀......我地真係拍緊拖,妳個次都係課室架。」我嘗試掙扎

「唔洗再扮野,我全部野都知道哂,係阿欣親口同我講。」阿君依句直頭刺痛我個心.........

「好啦,我諗你唔會信,但係我都會繼續講落去,其實阿欣親近你只係想攞你著數,課金既錢,學業上,仲有既係;你地出街洗費。」

聽到依到我唔想或者唔敢再聽落去,我就稍為大聽叫阿君收聲,課室既同學都注意哂黎我地到。

「係真係假你自己諗,既然你唔想聽落去我都唔再講啦。」阿君講完就走出課窒

其他同學見阿君走左都繼續做自己野,而我就呆係個位到諗。

既然佢連我地一齊出街都知,咁佢講既野都應該係真.........

唔係唔會係咁,我盡量用另一個角度諗,我唔知點算好,我唔知點再面對阿欣。

我已經覺得阿君所講既野有七,八成係真........

努力呀飛雲

我番黎啦

up

努力呀

努力呀

謝謝你仲係到巴打

文呢？