【愛情/校園】幫一個女仔課金,課到變左將軍（重製版）

序:記得佢係一個算係中上流既女仔，成績唔太突出，但係清純甜美既樣的確吸引左唔少既男仔，我第一眼見到佢雖然無比佢吸引到，但係我地漸漸熟絡左之後，我對佢既感覺竟然變左，變到咩事都諗起佢。
因為一隻手機遊戲而拉開左我地依段奇妙既關係，亦變成我既.......
我地一齊開始一個普通男仔鍾至祐遇上依位平凡女仔李美欣既故事。

暑假岩岩開始，諗番前幾年既暑假我仲會約班同學仔出黎遊下街，食下飯，睇下戲，依家得返自己一個浩浩蕩蕩無目標自己行下，畢業之後各散東西，要讀書既就讀書，返工既返工。而我就成為左漫無目的廢青，當我係旺角信和行緊既時候，比我係三樓買av碟門口見番一個熟悉又陌生既女仔..........李美欣

------------------------------------------------------------------------------------------------------------------------------------------------------------------------------

「喂阿祐快啲join game 啦。」阿文係我睡夢中嘈醒左我

阿文係我今年中三先識既矮仔，心地幾好所以成日比人哈。

今日係新手機遊戲怪物彈珠推出既第一日,好多同學都等左依一日好耐,有啲仲由日服轉過殷一齊玩台服。

我好快係我美滿既夢境返到黎現實,由於放學前三堂都係中文連堂,所以我可以足足訓夠三堂,因為中文老師講野實在太悶。

每次中文堂都只係得十幾個同學上,其他唔係訓覺就做其他野。

我迷迷糊糊咁行去老師枱拎番部手機,就去阿文嗰邊埋堆。

十幾個同學圍埋一齊大大聲咁討論緊隻game。

當然依堆人裏面一個女仔都無,想搵個會同男仔一齊打機既女仔少之又少。

我過到去搵左個位涉入去,企係中間既係阿鈞,佢就係其中一個由日服轉黎玩台服既玩家。

佢係到同其他人講緊邊隻寵勁啲同埋點樣升lv快啲咁,其他人都好留心咁聽佢講。

我打開依隻今朝玩左陣既game,老實講我自己興趣不大,不過為左埋堆都要玩落去架啦。

「哇,阿祐你依隻寵我頭先聽阿鈞講好勁架喎,你咁快有既。」阿文係我隔離講

「下,我今朝玩完個新手教學一抽就中佢,睇個樣都唔係好勁啫。」我講

「好啦,要教要講既都講完,我同阿杰一人開一個場,你地鬥快入黎啦,名額有限,先入為主。」阿鈞講

佢地所開既關卡係刷進化材料既關卡,所以大家都想搶先入。

我同阿文都入到阿鈞個場,但因為阿鈞個好朋友入唔到場,所以阿文好無奈咁比阿鈞趕走左。

我同佢左聲byebye笑下佢之後,佢就好sad咁行埋自己位到玩。

大概玩左十五分鐘之後大家就散場,我諗住同阿文一齊返屋企,望過去佢個位先知佢原來已走左。

班上面除左我地幾十個男仔之外,仲有幾個比較乖既女仔係到一齊做功課。

啲女仔見我地玩完準備返屋企亦都開始汁書包。

雖然佢地睇落係做功課,但實則其實想昅佢地心目中既男神。

臨番屋企之前我去左小食部買多士食,小食部其中一位阿姨蘭姨見到我行緊過黎就同我打定招呼先。

「祐仔hello,照舊多士同檸檬茶?」因為我差唔多次次都係買依兩樣野,所以蘭姨見我行過黎已經拎定出黎

「係呀,唔該蘭姨。」比完錢我就轉身由學校行番屋企

行到天橋位中間,有人拍我左邊膊頭走去我右邊。

我望完左邊再望番右邊發現佢係比我矮既女仔。

無錯,佢就係李美欣,我地之間既故事就你依到開始。

upupupup

up

up

up

題目幾好 但第一段好多無謂野

留明

見到佢係av鋪行出黎，後面仲有個三十幾歲既中年男人，依一刻佢亦無意之中望到我，我地兩個好尷尬咁對望住，我見到阿欣佢隔離個男人講左聲之後就慢慢行過黎。
「好耐無見啦阿祐。」阿欣低住頭講
「係呀，中五妳退左學之後就無見過啦。」我都稍微尷尬咁講
我講完之後dead air左幾秒鐘，我正想開聽問佢野既時候，佢搶先同我講：
「我知妳諗咩，係呀我依家做緊ptgf..........」
---------------------------------------------------------------------------------------------------

「喂,頭先你地成班男仔玩緊咩game呀？」李美欣問我

「新出既手機game囉,話說我同妳唔係好熟炸喎!」我唔太客氣咁講

「問下啫,洗唔洗咁既語氣呀!!」阿欣講完就急急腳嬲嬲地走左

望住佢既背面,我個心都有啲唔好意思,但係我唔想再經歷多次............我唔敢再同一個女仔咁熟絡...................

返到屋企即刻入自己房開電腦,睇下skype佢地有無人開左call先。

果然阿誠一早返到屋企call左我地,入左去阿鈞同阿杰係到問緊阿誠功課答案。

「hi阿祐,做左中文份文言文功課未,比啲答案黎抄下。」阿鈞講

「未呀,我都唔識做。」我唔想比佢地抄就扮唔識做

我講完之後阿鈞就無應我,繼續問阿誠數學功課既答案。

我見佢地咁忙就走左個call,攤左係張床到玩隻怪物彈珠,玩玩下又覺得唔錯。

就係咁我自己一個玩左成晚,臨訓前諗番起放學同阿欣既對話,我決定聽日同佢道歉。

返到學校聽完個老師講關於寬恕既早會,令到我更加想當面同阿欣講聲對唔住。(PS 雖然係基督教學校,但我唔係信主!!!!!)

上堂既時候我間唔中都會望下阿欣,有次咁岩佢又望過黎我依邊,點知佢好快檸歪面,好似唔想同我有交流咁。

究竟係我整嬲左佢又係咁岩呢?

兩個小息同一個lunch既休息時間我都唔夠膽行埋去同佢講聲對唔住。

就係個一下擰歪面搞到我又亂諗野,唉,我真係好鬼死多疑..............

直到放學我都未同到阿欣講依三隻字。

係老師枱拎番自己部手機之後我正想埋堆既時候,阿文叫住我。

「阿祐阿祐,過黎幫幫手得唔得?」阿文一路講一路拉住我

佢將我拉到阿欣隔離,我尷尷尬尬咁坐左係阿欣隔離個位。

「拿,阿欣呢就想搵我教佢玩依隻game,但我咁岩有野做,交比你啦阿祐。」阿文講完就行左去阿鈞個邊

我吞左一淡口水就鼓起勇氣講:

「尋日放學對唔住,我有啲唔太舒服所以先咁講野。」我講左個假唔唔可以再假既藉口

「你依個大話都幾假下,不過我接受。」阿欣微笑住講

「咁妳想我點教妳玩呢?如果比著係男仔我就肯定hea住咁教,我就未教過女仔打機既,要睇下妳有無天份啦。」我半認真半搞笑講

「咁妳唔洗擔心啦,打機依方面我都算幾有天份,你認真啲教我好快就會上手。」阿欣好有自信咁講

我地兩個講下笑下玩下,好快就過左半個鐘。

我地見阿鈞個邊都可以執書包,我地亦都拎書包走人。

我地一齊落到小食部,正當我想叫番平時食開既野,阿欣搶先開口:

「要一份多士同一包檸檬茶。」阿欣同蘭姨講

蘭姨笑笑口咁收完錢同我講完byebye就行開左。

「當係你頭先教我玩既報酬啦。」阿欣拎起我隻手叫我拎住

「多謝喎,我諗妳仲有排請,我仲有大把私家秘訣教妳。」我講笑

「我好快就勁過你,到時我教番妳轉頭都似。」阿欣笑住講

番到屋企開電腦我skype收到一個交友邀請,意想不到竟然係阿欣。

接受左之後佢即刻打比我,好似一直係到等緊我接受既一刻。

「有咩貴幹呢?我啲時間好寶貴架喎。」我講

「咁無野啦我收線啦byebye。」阿欣講

「喂唔好住,講下笑炸。」我即刻留住阿欣

「我都係講笑啫,唔洗咁緊張喎。」阿欣講

「嚇死我咩,點呀打黎搵我打機呀?」我講

「bingo,今日無咩功課所以有好多時間。」阿欣輕鬆咁講

「橫掂我都無野做,就陪下妳啦。」講就話無野做,但其實有野做我都會同阿欣玩

如是者,我地就延續放學時候既野。

阿欣亦慢慢係我個心到佔左一個位置.................





(仲記唔記得中學時期成班人一齊打機既日子?)

題目幾好 但第一段好多無謂野

老毛病黎 ,會盡量改善下

up

upup

UP

up

李美欣一下子講左我心目中所諗既問題同答案,一時之間我都唔太接受到。
係我眼中ptgf係一種出賣自己身體既職業,我唔係幾睇得好依份職業。
「我淨係會陪下啲男人行街睇戲同食飯,除左拖手之外絕對唔會有其他身體上既接觸。」李美欣又好似睇穿左我諗咩
「我點會咁諗?妳識左我咁耐實知架!」我有啲激動咁講
「就係識你咁耐,望下你啲小動作就知你諗咩啦!!」李美欣依句令到我唔知點答番佢
..................................................................................................
「妳仲記唔記得我地由岩岩識到做左密友個段時間?」望住李美欣我慢慢諗番起以往發生過既事
「好難唔記得既,就算我想唔記得,有時諗起你啲回憶都會湧番哂出黎。」李美欣依句說話令到我好慚愧
「拎部手機比我。」李美欣講
我係褲袋拎左部手機出黎,李美欣一手攞左去。
「都過左咁多年你都仲未改密碼,依個我手機號碼,搵日出黎傾下計。」李美欣把聲變到有啲沙
「懶得改啫,咁我返到屋企再搵妳啦,唔阻妳做野。」點解我唔將我內心想表達既野講出黎?
李美欣連byebye都無講就走左。
其實我仲有好多野想問清楚佢,睇黎一定要約佢出黎​。
-------------------------------------------------------------------------------------------------------------------------------------

我地兩個之間既友情就係由一隻手機遊戲開始,講落都覺得有啲奇怪。

我地兩個放學一有時間就會坐埋一齊玩怪物彈珠,如是者,好快我地兩個就領先其他人好多。

「阿祐阿欣呀,求下你地幫我打依關呀,我打左十幾次都過唔到。」阿文係我地兩個隔離哀求

「唉,好啦見你日日都黎煩我地,我地就破例一次幫你過啦。」我頂唔順阿文煩人既功力

「多謝兩個機神相助。」阿文開心到攬住我

「你再攬住我其他同學就真係我地係基神架啦。」我一野推開阿文

阿欣就係隔離食住花生笑我地兩個。

我地三個輕輕鬆鬆就打完阿文求我地過既關。

「其實你地有無諗過課少少金抽下啲勁角色,雖然你地兩個用啲普通角色都勁。」阿文講完就比阿鈞叫左過去

「我見到抽蛋個到有啲角色幾型,我都想課金抽下。」阿欣講

「課囉課囉,啲角色勁得黎又型。」我講

「但係.............我咁大個女都未課過金,我連邊到買到點數都唔知......」阿欣尷尬咁講

「就係咁炸?我帶妳去咪得囉,我諗都無幾多個女仔識去買點。」我講

「係唔係呀?咁我地依家就去囉。」阿欣揹好書包企起身等我

「怕左妳啦!行啦!」我亦都返埋位揹起書包

去2000fun既途中,我地終於放低部手機開始傾下自己既野。

阿欣有時講下佢班女同學邊個鐘意邊個,有時又講下細個啲搞笑野。

我聽到邊個女同學鐘意邊個男同學都好驚訝。

行左十五分鐘之後終於到2000fun,入到我同個店員講要咩點數,而阿欣就係則邊睇下鍵盤同滑鼠。

買完出門口,阿欣就同我講啲電腦設備咁貴,我話依啲都係比較高級野,我地啲學生買唔起架啦。

「買左幾錢呀?我比番錢你啦。」阿欣正想拎個銀包出黎

「唔洗錢呀,拎住啦。」我塞左張收據落佢隻手到

「唔係幾好既。」阿欣怕怕羞羞咁講

「咁妳係唔係當我朋友先,係就唔好同我計較依啲野,妳返到屋企就skype我啦,我再教妳點樣入落隻game到。」我講完就調頭行去巴士站

阿欣就係後面同我講左聲byebye,我無回頭用手勢回應番佢。

平時我連少少錢都唔敢用,依家竟然會買點數送比女仔。

返到屋企教完阿欣入點數落隻game到佢就話有野做收左線。

而我就坐係電腦枱前面聽住歌諗下野。

我會唔會有少少鐘意左阿欣呢?

唔會嘅,我地都當對方係朋友,係囉真係朋友咁簡單....................................

up

up

快

做咩咁多負評架 ,推下先

返屋企途中我有諗過直接whatsapp李美欣約定時間出黎見面,但諗到佢做緊野廢事比佢boy fd睇到。
返到屋企食完飯玩左陣電腦,到左夜晚十點幾我打開whatsapp係聯絡人搵李美欣出黎。
搵黎搵去都搵唔到李美欣依個名,唔通佢無儲存到?
當我好細心咁逐個逐名咁睇既時候,望到一個連絡人set左既名叫左公主。
妳仲記得咁清楚以前我地之間既野。
----------------------------------
我:請問妳幾時得閒呢?李美欣小姐😌✔✔
李美欣:你係鍾至祐?😓✔✔
我:係呀😅✔✔
李美欣:ok,不如就後日啦,個日我無野做。✔✔
我:ok呀,地點就以前成日去個間咖啡店啦,我諗妳記得架啦?✔✔
李美欣:記得呀,咁後日見啦👌✔✔
----------------------------------
唔知點解我好期待後日。
我心底裏面仲有好多野想同妳講。
我同妳既回憶不斷重新湧上黎.............................
----------------------------------------------------------------------------------------------------------------------------------------

一段由手機遊戲所發展既友情,我諗無咩人會覺得會維繫到。

我同阿欣憑著一隻普普通通既手機遊戲成為左一對幾好既密友,開學到依家已經過左三個月。

其他同學見我地行得咁埋成日都有問我係唔係同緊阿欣拍拖,我既答覆緊係話唔係啦。

但係每次有人咁問我個心都有少少掙扎,我自己愈黎愈唔清楚係唔係鐘意左阿欣............

有一日阿欣唔舒服無番到學,放學時間我就同阿鈞佢地個班同學一齊玩。

玩玩下阿鈞拉左我去出去課室出面話要同我講幾句。

「阿祐呀,其實我覺得阿欣都唔錯,樣甜又讀到書,最重要係肯男仔打機。」阿鈞望住樓下籃球場講

「你咁講有咩意思呢?你鐘意左阿欣?」我心裏面有少少不滿

「當然唔係啦,我係想問下你係唔係鐘意左阿欣啫?」阿鈞依然望住樓下

我諗左陣講唔講自己內心個一面講比阿鈞聽,阿鈞見我有啲猶豫就加多句:

「唔洗驚喎,我唔會同其他人講架喎。」阿鈞望番上黎同我講

「好啦,我就同你講啦,你記住你話唔會同其他人講架。」我再三叮嚀阿鈞

阿鈞點一點頭,我就開始講重點:

「有時有人問我係唔係鐘意阿欣雖然我口講話唔係,但心裏面又有啲掙扎.......」我講

「咁你係唔係無論有咩事都第一個諗起佢?」阿鈞問我

「係呀係呀,有時放假如果想出街,我第一個就係諗到約佢。」阿鈞問一句就中左point

「仲有無其他特別野?」阿鈞再問

「每次幫佢課完金見到佢開心我都會好開心囉。」我講

「哇你出錢幫佢課金呀?」我見到阿鈞偷笑左一下

「係呀,差唔多每兩個星期課一次囉。」我講

「ok啦,唔洗再講啦,我可以肯定你已經鐘意左佢,放膽去追佢啦。」阿鈞講完就返左入課室

而我就企係原位,望住今日特別藍既天空係到諗。

頭先阿鈞講得岩,我真係鐘意左阿欣,但問題係我點開口同點樣追佢好呢?

番左屋企我拎住部手機好想同佢whatsapp講,但諗左諗好似當面講好啲。

最後臨訓前我決定聽日放學既時候同阿欣講清楚。

到左聽日,我一朝早返到學校,係小食部食緊早餐既時候好多平時同阿鈞玩得埋既同學係我側邊都叫我將軍。

當我見到阿文既時候我叫左佢過黎,問下佢究竟咩事。

「點呀大將軍,差唔多人人都知你幫阿欣課金啦。」阿文笑住咁講

........................................................................

up

up

up

up

up

up