《TÁR塔爾》
絕對係cate blanchett演藝生涯入面top3既演出,套戲好尖銳咁批評成個藝術界既風氣。
身為女性指揮家既主角,比起好多男人更加鍾意濫用權力。
套戲上映後,好多媒體都話套戲係攻擊緊女性。但可笑既係,如果將主角變成一個中年白人男性,成套戲就會受到媒體褒獎!
到左最尾套戲都有探討到「藝術本應係咩」呢個話題。好深刻咁樣用Tar呢個角色既故事黎批判依家藝術界既風氣。
《媽的多重宇宙》 8.5/10
都唔使多講了,多麼希望Doctor Strange in the Multiverse of Madness可以拍到咁
《法貝曼:造夢大師》9/10
喺香港好少人講既電影,但我覺得絕對係Steven Spielberg既頭3。
非常之私人既一套戲,由佢細個睇到John Ford既電影開始講起,以佢入CBS做野見到John Ford真人作結(最尾John Ford度有驚喜)。
佢大可以喺套戲度回憶,講自己點拍賣座電影Jaws同ET. 但佢選擇用大量8MM電影片段黎講自己細個既屋企,同埋佢對電影既熱情。呢套戲西利之處係每個角色都令人印象非常深刻,絕對係有血有肉咁重現返Steven Spielberg童年至少年時既景象。
我覺得套戲最surprise 係平時攪開笑既Seth Rogen演得非常之好,唔怪得佢話喺片場時,Steven Spielberg成日睇返啲佢演啲片段睇到喊。
套戲我覺得同《星光伴我心》同等,真係套夠真誠既好電影
———
私心推薦我會覺得TÁR係最好睇,因為佢其中一個Scene有講到(音樂)藝術本應係啲咩野,呢度真係觸動到我。特別係成個藝術界都趨於「創作者背景>作品本身」呢個風氣。同埋佢夠大膽咁描寫一個濫權、自我中心既女人。喺成個荷里活都吹奏女性地位既情況之下,呢套電影真係鶴立雞群!!我比9/10!
(加上近年真係接近 0 好睇既古典音樂電影,呢套就係好Q正)