好睇方面，本身對良田真係冇咩感覺，睇完中意咗佢好多，成套野比咗好多佢對山王要贏咗原因，意義，好能夠代入到佢，啲段咩矮仔只有運球，然後加bgm衝出去嗰下，個bgm一響我個人就跟住一齊震，成編宮城良田就講都係正嘅。另外啲畫都好好睇，睇之前冇咩感覺，點知啲動作比我想像中好勁多，好正。一開始啲原畫都多到爆，唔感想像到底畫咗幾多張原畫，好癲。比賽中見到櫻木每次都喺右邊45度角等波嗰下真心笑咗，好正好還原。
我覺得一般般嘅地方可能就多啲，首先我好慶幸我有重睇完漫畫先入場，我啲淨係睇過動畫冇睇過漫畫嘅朋友同好耐以前睇過下漫畫結局嘅朋友表示睇完都差啲完全唔認得山王啲人，我都除咗澤北同河田兄弟差啲就唔記得其他人，當然大概都記得嘅但名就真係冇印象。成套野比我感覺係認為觀眾係要熟山王篇先可以有完美嘅觀感。咁可能係因為有宮城篇要有取捨，不過山王篇喺我心入面都佔一個好重要嘅地位，睇到冇發揮到佢嘅魅力真係好可惜。
因為有宮城篇，山王篇真係cut太多了，前半場櫻木嘅成長冇咗，後面佢受傷，講佢選手生涯就冇咁感動，流川楓嘅改變冇咗，啲人就唔知點解佢冇啦啦會傳波，佢真係同澤北不分上下甚至真係日本第一嘅感覺冇咗，變咗佢打唔贏澤北所以傳波咁。冇咗教練嗰part，冇咗佢感動有兩個天才嗰part，佢就完嘅時候同櫻木講嘅野就完全冇咗feel。冇咗赤木嗰part，就變咗佢冇啦啦唔記得咗啲隊友，然後同三井合作嗰part得翻兩句，總括來講就係我覺得呢部漫畫係因為每個人嘅故事加埋一齊先熱血囉，得宮城感覺好似差啲
之後就講下其他野，好嘅時候我話覺得宮城過人嗰下bgm用得好好啦，但係之後我就覺得好一般了，特別係有一part個bgm播一兩秒就停一兩秒比人講野然後又播一兩秒再停一兩秒比人講野，成件事好突兀，搞到斷咗個情緒，本身成套戲都偏靜偏文戲多嘅，有個位爆咗上去但係個情緒就斷咗就上唔翻去了，我就諗唔係話好追求完美，去到臨尾都仲改緊，就係想個效果最好，點解呢part 會咁奇怪。
然後最尾終於贏翻一分之後就開始冇咩聲，得勁細聲嘅背景聲音，冇聽好清楚所以唔記得係咩聲了，但係記得好快就完全冇聲了，睇漫畫嘅時候睇呢段係會好激動，確認我睇漫畫嘅時候都會閉着氣咁睇，我睇嗰場可能本身就唔多人，全場係勁安靜，連大少少嘅呼吸聲都會聽到，我由佢一開始入呢球波嘅時候就閉氣，本身諗住呢part會好快完，點知會去到擊掌嘅時候，我大概去到櫻木開始跑嘅時候就冇氣了，但係場面太靜了，完全唔感唞大氣。不過呢個都係我自己問題。我想講呢係呢段入面冇一個會可以比觀眾high起來，擊掌之後都係得個好平靜嘅音樂，過幾秒就轉畫面，翻去文戲又變翻做好靜，冇哂大家喊啲畫面，成件事係佢不停將我嘅情緒壓返落來，所以我覺得呢個係唔熱血嘅原因。
我覺得有啲位可以更好嘅，可能可以比翻櫻木句左手只係輔助我，用翻嗰兩萬球去帶起個熱血，啲後日談可以放片尾，等觀眾個情緒平復翻先再來啲文戲。嗰靜咗嘅幾分鐘可以考慮多加啲呼吸聲，心跳聲可能可以更加令觀眾投入，一來唔會好似冇聲太耐咁，二來就會個入面有人嘈都冇咁大影響。之入波之後可以加翻個吹哨聲，然後再有個大啲勁啲嘅bgm帶起觀眾情緒，比觀眾有共情嘅時間，當然呢啲只係我少少建議，我唔肯定會比較好咁，不過依家咁樣結尾有啲可惜，我覺得以山王篇章嘅熱血真係值得單獨幫佢做一部電影，相信都會好精彩。依家好似有種稍微犧牲了山王篇嘅感覺所以好可惜
，再重複多一次，可能因為山王篇對我真係好重要我先會咁諗，唔中意都唔好屌太大力
回想返漫畫都十幾頁一句對白都無只靠畫面帶出個震憾感
