伊尼舍林的報喪女妖觀後感

戲入面幾種人簡單概括左一個小形社會。
肥佬係主動追求改變既人：認為作出犧牲係必然，往往會對自己有要求，達唔到自己期望會變得極之消極，最後甚至求死。一直都以為自己係聰明人，其實最後睇返咪又係普通人。
男主角係安於現狀但被迫改變既人：最接近大眾既普通人，最初認為快樂就係一切，但被身邊親密既人“教育”之後學識左向世界還擊，結果沒完沒了直至一方死去，無論死既係邊一方都只會留下傷痕，可悲。
世人眼中既蠢人，其實大智若愚，如果人人可以靠快樂就生存到落去，咁世界就係烏托邦。


另外有
堅持安於現狀既人或者未能適應改變既人：配合唔到世界，跌落海死左。
品行唔好既人(警察)：種咩恩得咩果。

成套戲最叻就係個家姐，但我無乜共鳴，唔知點描述，有朋友有感受可以留言講講。

自己係男人睇兩個男人好有共鳴。
以前有邊個唔係覺得開心同朋友吹水玩就得，慢慢俾一啲事同人影響開始認識個世界，最後變到肥佬咁對返人，最最好笑既係搞完一大輪覺得大家都發洩完公平啦，打和！其實人地唔想同你了斷，要至死方休個種感覺，實在好諷刺。

借好朋友嗌交比喻愛爾蘭內戰，所做成既傷害無辦法修復，再反思番做人其實係咪唔應該咁多“要求”開開心心無無聊聊過每一日已經係最美好。

有共鳴既留言分享下。

你係邊度睇

分手的決心

呢套睇左簡介想睇

Martin mcdonagh寫呢類神經質蠢蠢地性格有缺陷嘅人物好撚好睇

無論演技，劇本隱喻，拍攝鏡頭，都係上乘之作，拎best picture得唔得

可唔可以講多啲愛爾蘭內戰

導演真係好鐘意拍depressed嘅男人

短髮男主既人設睇到好唔舒服
一開始以為佢係理性既人，之後覺得佢係蠢到講極都唔明，最後先知佢係要世界圍住佢嚟轉

長髮男主唔想同佢傾計既原因 = 佢細妹食飯嗰陣唔想同死𡃁仔傾計既原因
點知佢都係 get 唔到


戰爭時代拎陌生人屋企人既生死嚟講笑
仲話自己係全島最 nice

見到死𡃁仔都厭棄佢就覺得好爽

岩岩睇完
係幾好睇 不過都係要睇你地講埋先睇得明

https://www.google.com/amp/s/www.thenewslens.com/amparticle/178258

有個影評都幾有趣

https://www.gq.com.tw/entertainment/article/%E4%BC%8A%E5%B0%BC%E8%88%8D%E6%9E%97%E7%9A%84%E5%A5%B3%E5%A6%96-%E7%A7%91%E6%9E%97%E6%B3%95%E6%B4%9B-2023%E9%87%91%E7%90%83%E7%8D%8E

其實導演都想借戲中入面嘅動物作隱喻，好值得再細味

我反而覺得係短髮男主角一世人安份守己，個fd同佢絕交就理解唔到點解個世界咁唔公平，想做一次衰人就拎陌生人屋企人既生死嚟講笑，然後發理自己衰人都做唔到，結果痴撚左線去殺人
其實佢根本就係佢係懦夫，係廢柴

推薦大家睇埋呢套同導演同主角既In Bruges

我覺得套戲有趣既位就係短髮男主由頭到尾都係懦夫廢柴
但一路睇就會慢慢由可憐佢變到憎佢

套戲有首拉小提琴既曲係無印成日播

可憐人自有可恨處

呢套將dark humor與existential dread結合得幾organic

同three billboard調轉，由開頭好憎個差佬到慢慢鍾意呢個人 導演寫人物性格轉變係有一手，希望今次拎到screenplay

同埋兩套演員發揮都一流
角色既轉變都唔易handle

睇完

好睇，男主未長大既細路

我知現實真係有呢D人（其實我都幾似）

相反有個fd幾似Colm，突然間斷絕哂d朋友，唔知depress定點，可能好似colm咁思考人生

第一，男主係唔明點解唔可以日日如時，平淡時福

第二，男主係唔明個世界，點解人人都好似要做一D有意義既事,有興趣既事，佢唔明點解唔可以重視人，對人好咁既生活態度就得

女主同警察都對世界既死物有一D興手，女主想做圖書館，驚察想睇死刑

男主只係想日日同FD吹水解寂寞，咁就夠

佢覺得人生得一次，所以想DO SOMETHING MEANINGFUL

人際關係唔再重要，所以一D時間都唔想浪費係FD度